ភ្នំពេញ៖ នៅថ្ងៃសៅរ៍ ទី៣០ ខែសីហា ឆ្នាំ២០២៥ ឯកឧត្តម វ៉ា ថន អភិបាល នៃគណៈអភិបាលខេត្តក្រចេះ បានដឹកនាំប្រតិភូអញ្ជើញចុះទស្សនកិច្ច និងជួបសំណេះសំណាលជាមួយតំណាងក្រុមហ៊ុន និងកម្មករ នៅក្រុមហ៊ុនថាកូអាហ្គី្រ ស្ថិតនៅឃុំគ្រញូងសែនជ័យ ស្រុកស្នួល។ គូសបញ្ជាក់ដែរថា៖ ក្នុងដំណើរទស្សនៈកិច្ចនេះ ឯកឧត្តមអភិបាលខេត្ត រួមនិងប្រតិភូបានអញ្ជើញចុះពិនិត្យមើលទីតាំងចម្ការចេក, កន្លែងចិញ្ចឹមគោ, កន្លែងផលិតចំណីគោ, ពិនិត្យមើលសាលារៀន ជួបជាមួយលោកគ្រូអ្នកគ្រូ និងសិស្សានុសិស្ស, ពិនិត្យមើលផ្ទះកម្មករស្នាក់នៅ រួមនិងកន្លែងហូបចុកផងដែរ។ថ្លែងក្នុងឱកាសនោះ ឯកឧត្តម វ៉ា ថន បានលើកឡើងថា៖ ក្រោមការដឹកនាំរបស់រាជរដ្ឋាភិបាលបច្ចុប្បន្នបានធ្វើឱ្យខេត្តក្រចេះ មានការរីកចម្រើនយ៉ាងខ្លាំង ពិសេសកំណើនក្រុមហ៊ុន រោងចក្រ សហគ្រាស ដែលគិតមកទល់ពេលនេះ គឺមាន១១ក្រុមហ៊ុន និងមានកម្មករ កម្មការិនីកំពុងបម្រើការងារ។ ទន្ទឹមនឹងការកើនឡើង នៃក្រុមហ៊ុនរោងចក្រសហគ្រាសនេះ ក្រុមហ៊ុនថាកូអាហ្គី្រក៏កំពុងផ្តល់ការងារដល់កម្មករ-នយោជិកប្រមាណ ១០,៣០៦នាក់ ក្នុងនោះពលករមកពីប្រទេសថៃ ចំនួន៧២៦នាក់ ហើយសព្វថ្ងៃក៏នៅមានតម្រូវការនូវកម្លាំងពលកម្ម ចំនួន ១,៨៥២នាក់ បន្ថែមទៀតផងដែរ ហើយបណ្តារោងចក្រ សហគ្រាសទាំងអស់នោះសុទ្ធតែជាសមាជិក នៃ ប.ស.ស.។ឯកឧត្តម វ៉ា ថន អភិបាលខេត្តក្រចេះ ក៏បានបង្ហាញនូវការត្រេកអរជាមួយបងប្អូនពលករ ដែលបានវិលត្រឡប់មកកាន់មាតុប្រទេសវិញ ពិសេសស្រុកកំណើតដែលជាឱកាសក្នុងការជួបជុំកូនចៅ និងក្រុមគ្រួសារ គ្រាដែលប្រទេសជាតិកំពុងរងការឈ្លានពានពីប្រទេសថៃ។ ឯកឧត្តមអភិបាលខេត្ត បានសង្កត់ធ្ងន់ថា៖ ការវិលត្រឡប់មកកាន់ស្រុកកំណើតនេះ ពលរដ្ឋអាចធ្វើការនៅក្នុងស្រុកខ្លួនឯង ដោយមិនមានការព្រួយបារម្ភ កូនៗអាចបានរៀនសូត្រមានខ្ពង់ខ្ពស់ដោយមិនបាច់តាមឪពុកម្តាយធ្វើចំណាកស្រុកទៀតទេ។ក្នុងនោះដែរ ឯកឧត្តម វ៉ា ថន ក៏បានណែនាំដល់បណ្តារោងចក្រ សហគ្រាស ដែលកំពុងជ្រើសរើសកម្មករ-និយោជិក ត្រូវសហការជាមួយមន្ទីរការងារ និងបណ្ដុះបណ្ដាលវិជ្ជាជីវៈខេត្ត ក្នុងការរៀបចំបញ្ជូនព័ត៌មានទាំងនោះ ឱ្យមកដល់តាមបណ្តាភូមិ-ឃុំ-ស្រុក ដើម្បីបង្កលក្ខណៈងាយស្រួលដល់ពលរដ្ឋបានដឹង និងអាចងាយស្រួលរើសការងារដែលគាត់ចង់ធ្វើ និងអាចធ្វើបានដោយមានការជួយសម្របសម្រួលលើនីតិវិធីផ្សេងៗពីមន្ត្រីពាក់ព័ន្ធ ៕
ព័ត៌មានគួរចាប់អារម្មណ៍
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
វីដែអូ