ភ្នំពេញ៖នាថ្ងៃសៅរ៍ ទី៣០ ខែសីហា ឆ្នាំ២០២៥ ឯកឧត្តម គឹម ប៉ុណ្ណា អនុរដ្ឋលេខាធិការ ក្រសួងសាធារណការ និងដឹកជញ្ជូន អមដោយ ឯកឧត្តមអគ្គនាយកដ្ឋានបច្ចេកទេស និងមានការចូលរួមពី លោកអគ្គនាយករងបច្ចេកទេស និងក្រុមការងារបច្ចេកទេសនាយកដ្ឋានផ្លូវថ្នល់ បានចុះពិនិត្យការងារថែទាំខួប និងការងារស្ថាបនាផ្លូវស្ថិតក្នុងភូមិសាស្ត្រខេត្តតាកែវ ដែលអនុវត្តដោយមន្ទីរសាធារណការ និងដឹកជញ្ជូន ខេត្តតាកែវ រួមមានការងារថែទាំខួបកំណាត់ផ្លូវជាតិលេខ២ និងផ្លូវខេត្ត1TK1 និងការងារស្ថាបនាកំណាត់ផ្លូវខេត្តលេខ១២៩ ដែលជាគម្រោងស្ថិតក្នុងផែនការ ឆ្នាំ២០២៥។ការចុះពិនិត្យនេះ មានគោលបំណងពង្រឹងបន្ថែមលើយន្តការដែលមានស្រាប់នូវគុណភាពនៃការសាងសង់សំណង់ហេដ្ឋារចនាសម្ព័ន្ធផ្លូវថ្នល់ ឱ្យកាន់តែប្រសើរឡើងស្របតាមបទដ្ឋានបច្ចេកទេសក្រសួងសាធារណាការ និងដឹកជញ្ជូន និងធានាថាការអនុវត្តស្របតាមបទដ្ឋានបច្ចេកទេសថ្មីៗដែលត្រូវបានកែសម្រួលដោយក្រុមការងារបច្ចេកទេសនៃក្រសួងសាធារណការ និងដឹកជញ្ជូន ជាមួយក្រុមអ្នកជំនាញការ P4I (Partnership for Infrastructure) និង Austroads នៃប្រទេសអូស្ត្រាលី ក្រោមជំនួយឥតសំណងពីរដ្ឋាភិបាលនៃប្រទេសអូស្ត្រាលី។ក្នុងដំណើរបេសកកម្ម ក្រុមការងារបានផ្តោតលើចំណុចសំខាន់ៗមួយចំនួនដូចជា ពិនិត្យគុណភាពបេតុងកៅស៊ូ AC ពិនិត្យការប្រើប្រាស់ថ្មសម្រាប់កម្រាលប្រភេទ DBST ជម្រាលទទឹងផ្លូវ ធ្វើពិសោធន៍លទ្ធភាពទ្រទ្រង់ផ្លូវដោយប្រើប្រាស់ឧបករណ៍បច្ចេកទេស Benkelman Beam និងពិនិត្យលើការបំពាក់បរិក្ខារចរាចរណ៍៕
ព័ត៌មានគួរចាប់អារម្មណ៍
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
វីដែអូ