ភ្នំពេញ៖ នាថ្ងៃសៅរ៍ ៧កើត ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣០ ខែសីហា ឆ្នាំ២០២៥ ឯកឧត្តម ឆាយ ឫទ្ធិសែន សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សប្រជាជនកម្ពុជាក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំជីវភាពគណបក្សប្រជាជនក្រសួងអភិវឌ្ឍន៍ជនបទ ដោយមានការអញ្ជើញចូលរួមពីសំណាក់ ឯកឧត្ដម លោកជំទាវ ជាអនុប្រធាន សមាជិកអចិន្ត្រៃយ៍ សមាជិកគណៈកម្មាធិការគណបក្សក្រសួងអភិវឌ្ឍន៍ជនបទសរុប ៨២រូប។មុនដំណើរការកិច្ចប្រជុំ អង្គប្រជុំ បានធ្វើពិធីស្មិងអារម្មណ៍ ដើម្បីគោរពវិញ្ញាណក្ខន្ធដល់វីរកងទ័ពកម្ពុជា ដែលបានពលីជីវិតលើសមរភូមិប្រយុទ្ធ ក្នុងបុព្វហេតុការពារបូរណភាពទឹកដីកម្ពុជា ពីការឈ្លានពានរបស់កងទ័ពថៃ។ ជាកិច្ចចាប់ផ្ដើម ឯកឧត្តម សាន វិសាល ប្រធានលេខាធិការដ្ឋានគណៈកម្មាធិការគណបក្សក្រសួងអភិវឌ្ឍន៍ជនបទ បានអានរបាយការណ៍បូកសរុបការងារត្រួតពិនិត្យគណបក្សឆមាសទី១ និងទិសដៅភារកិច្ចឆមាសទី២ ឆ្នាំ២០២៥ និងសេចក្ដីសម្រេចស្តីពី ការសម្រួលភារកិច្ចមន្ត្រីគណបក្ស របស់គណៈកម្មាធិការត្រួតពិនិត្យ នៃគណៈកម្មាធិការកណ្តាលគណបក្សប្រជាជនកម្ពុជា។ បន្ទាប់មក ឯកឧត្តម ឆាយ ឫទ្ធិសែន បានថ្លែងការកោតសរសើរ និងវាយតម្លៃខ្ពស់ចំពោះ ថ្នាក់ដឹកនាំ និងសមាជិក សមាជិកាគណបក្សទាំងអស់ ដែលបានខិតខំបំពេញតួនាទី ភារកិច្ចនៅមូលដ្ឋាន ដើម្បីចិញ្ចឹមចលនាយ៉ាងសកម្ម ស្របតាមលក្ខន្តិក និងបទបញ្ជាផ្ទៃក្នុងរបស់គណបក្ស។ ឯកឧត្តមប្រធាន បានគូសបញ្ជាក់អំពីភាពជោគជ័យដ៏ត្រចះត្រចង់ និងការរីកចម្រើននូវសមិទ្ធផលនានា ជាបន្ដបន្ទាប់របស់ប្រទេសជាតិ ក្រោមមាគ៌ាដឹកនាំដ៏ត្រឹមត្រូវ និងប្រកបដោយភាពចាស់ទុំរបស់គណបក្សប្រជាជនកម្ពុជា ដែលបានធ្វើឱ្យប្រទេសកម្ពុជា មានកេរ្ដិ៍ឈ្មោះលេចត្រដែតលើឆាកអន្ដរជាតិ។ ឯកឧត្តមប្រធាន បានមានប្រសាសន៍បន្ដថា ភាពជោគជ័យនិងជ័យជម្នះលើគ្រប់សមរភូមិការពារទឹកដីពីការឈ្លានពានរបស់កងទ័ពបរទេស គឺអាស្រ័យដោយមានកត្តាសំខាន់ៗចំនួន ៥ រួមមាន៖ (១). កត្តាសុខសន្ដិភាព ស្ថិរភាពផ្នែកនយោបាយ និងសេដ្ឋកិច្ច, (២). ការដឹកនាំរបស់ សម្ដេចអគ្គមហាសេនាបតីតេជោ ហ៊ុន សែន និង សម្ដេចមហាបវរធិបតី ហ៊ុន ម៉ាណែត ដែលមានយុទ្ធសាស្ដ្រដឹកនាំប្រកបដោយភាពឈ្លាសវៃ និងប៉ិនប្រសប់, (៣). វីរកងទ័ពកម្ពុជា មានភាពអង់អាចក្លាហាន ហ៊ានបូជាជីវិត ក្នុងបុ្វហេតុការពារជាតិ មាតុភូមិ, (៤). សាមគ្គីភាពជាធ្លុងមួយរបស់មហាគ្រួសារខ្មែរ នៅសមរភូមិក្រោយគឺជាខ្នងបង្អែកដ៏រឹងមាំ សម្រាប់គាំទ្រដល់សមរភូមិមុខ និង(៥). ការគាំទ្រពីអន្តរជាតិ និងមានប្រៀបលើវិស័យការទូត តាមរយៈការប្រើប្រាស់យន្ដការច្បាប់ និងផ្សព្វផ្សាយព័ត៌មានពិតពីកម្ពុជា។ ជាមួយគ្នានោះ ឯកឧត្តមប្រធាន បានផ្ដល់អនុសាសន៍គន្លឹះមួយចំនួន ជូនចំពោះឯកឧត្តម លោកជំទាវ ក្រុមការងារគណបក្សទាំងអស់ បន្ដជឿជាក់ការដឹកនាំរបស់រាជរដ្ឋាភិបាលដែលប្រសូត្រចេញគណបក្សប្រជាជនកម្ពុជា និងការសម្រេចចិត្តរបស់សម្ដេច ជាថ្នាក់ដឹកនាំកំពូលគណបក្ស ព្រមទាំងបន្ដរក្សានូវសាមគ្គីភាព និងឯកភាពជាធ្លុងមួយ ជាពិសេសបន្ដចុះបំពេញការងារនៅតាមមូលដ្ឋានរបស់ខ្លួន ជួយដោះស្រាយបញ្ហាចំពោះមុខជូនប្រជាពលរដ្ឋ ព្រមទាំងត្រូវយកចិត្តទុកដាក់ចំពោះពលករដែលវិលត្រឡប់ពីប្រទេសថៃ និងចិញ្ចឹមចលនាជាប្រចាំតាមរយៈអំពើល្អរបស់មន្ត្រីបក្ស ដើម្បីបង្កើនប្រជាប្រិយភាពគណបក្ស ៕
ព័ត៌មានគួរចាប់អារម្មណ៍
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
រដ្ឋមន្ត្រីក្រសួងសាធារណការ អនុញ្ញាតឱ្យអ្នកគ្រប់គ្រងទូទៅក្រុមហ៊ុនដឹកជញ្ជូន CMA CGM Group ប្រចាំកម្ពុជា-វៀតណាម ចូលជួបពិភាក្សាការងារពាក់ព័ន្ធនឹងកាលានុវឌ្ឍនភាពក្នុងចូលរួមចំណែកអភិវឌ្ឍន៍វិស័យដឹកជញ្ជូន និងភស្តុភារកម្មនៅកម្ពុជា ()
វីដែអូ