ភ្នំពេញ៖ នាព្រឹកថ្ងៃសុក្រ ទី២៩ ខែសីហា ឆ្នាំ២០២៥ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងវគ្គបណ្តុះបណ្តាល ស្តីពីបច្ចេកទេសក្នុងការផលិតវីដេអូ និងការប្រើប្រាស់បច្ចេកវិទ្យាបញ្ញាសិប្បនិម្មិត (AI) សម្រាប់ការងារផ្សព្វផ្សាយក្នុងវិស័យសាធារណការ និងដឹកជញ្ជូន ដោយមានការចូលរួមពី ឯកឧត្តម លោកជំទាវ ជាថ្នាក់ដឹកនាំក្រសួង អង្គភាពថ្នាក់ជាតិ មន្ទីរសាធារណការ និងដឹកជញ្ជូនរាជធានីខេត្ត និងមន្រ្តីជំនាញ នៃអង្គភាពក្រោមឱវាទក្រសួងជាច្រើនរូបទៀត។វគ្គបណ្តុះបណ្តាលនាពេលនេះ ត្រូវបានរៀបចំឡើងក្នុងគោលបំណងជំរុញបន្ថែមការផ្សព្វផ្សាយការងារក្នុងវិស័យសាធារណការ និងដឹកជញ្ជូន និងការងារសំខាន់ៗរបស់អង្គភាពក្រោមឱវាទក្រសួង ជាពិសេសសំដៅបង្កើនសមត្ថភាពដល់មន្ត្រីជំនាញលើបច្ចេកទេសសំខាន់ៗដូចជា ប្រើប្រាស់បណ្តាញសង្គមឱ្យមានប្រសិទ្ធភាព និងសុវត្ថិភាព ការប្រើប្រាស់ឧបករណ៍បច្ចកវិទ្យា ឬ បច្ចេកវិទ្យាថ្មីៗ ដើម្បីបង្កើតមាតិកាផ្សព្វផ្សាយ និងគន្លឹះសំខាន់ៗក្នុងការបង្កើតមាតិកាឱ្យមានភាពទាក់ទាញ។ថ្លែងទៅកាន់អង្គពិធី ឯកឧត្តមរដ្ឋមន្រ្តី បានជំរុញឱ្យសិក្ខាកាមដែលចូលរួមវគ្គបណ្តុះបណ្តាលលើកនេះ ទទួលបានបទពិសោធន៍ និងបច្ចេកទេស ក្នុងការប្រើប្រាស់បណ្តាញសង្គម ថែមទាំងបង្កើនការទំនាក់ទំនងជាមួយសាធារណជន ពង្រឹងទំនុកចិត្តនៅក្នុងស្ថាប័ន ក្នុងនាមជាតំណាងរដ្ឋាភិបាល និងលើកកម្ពស់ការផ្តល់សេវាសាធារណៈជូនសាធារណជន ដោះស្រាយកង្វល់សាធារណៈ និងផ្ដល់ព័ត៌មានរហ័សទាន់ពេលវេលាត្រឹមត្រូវ និងប្រកបដោយប្រសិទ្ធភាពនៅក្នុងបរិបទនៃការចែករំលែកព័ត៌មានក្នុងយុគសម័យឌីជីថល ដែលមានការកើនឡើងឥតឈប់ឈរ និងគ្មានព្រំដែននូវចំនួនអ្នកផលិតមាតិកា អ្នកទទួល និងអ្នកប្រើប្រាស់ព័ត៌មាន តាមរយៈបណ្តាញផ្សព្វផ្សាយសង្គម។ គួរបញ្ជាក់ថា នេះជាលើកទី៣ ហើយ ដែលក្រសួងបានរៀបចំវគ្គបណ្តុះបណ្តាលទាក់ទងនឹងការងារផ្សព្វផ្សាយក្នុងវិស័យសាធារណការ និងដឹកជញ្ជូន នេះឡើង ដល់មន្រ្តីបង្គោលទំនាក់ទំនងសាធារណៈ ពីគ្រប់អង្គភាពក្រោមឱវាទក្រសួង ដែលវគ្គបណ្តុះបណ្តាលលើកទី១ ស្តីពី “យន្តការផ្សព្វផ្សាយ ក្នុងវិស័យសាធារណការ និងដឹកជញ្ជូន” វគ្គបណ្តុះបណ្តាលលើកទី២ ស្តីពី “បច្ចេកទេសក្នុងការប្រើប្រាស់ប្រព័ន្ធបណ្ដាញផ្សព្វផ្សាយសង្គម ក្នុងវិស័យសាធារណការ និងដឹកជញ្ជូន” និងវគ្គបណ្តុះបណ្តាលលើកទី៣ នាពេលនេះស្តីពី “បច្ចេកទេសក្នុងការផលិតវីដេអូ និងប្រើប្រាស់បច្ចេកវិទ្យាបញ្ញាសិប្បនិម្មិត (AI) សម្រាប់ការងារផ្សព្វផ្សាយក្នុងវិស័យសាធារណការ និងដឹកជញ្ជូន” ៕
ព័ត៌មានគួរចាប់អារម្មណ៍
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
រដ្ឋមន្ត្រីក្រសួងសាធារណការ អនុញ្ញាតឱ្យអ្នកគ្រប់គ្រងទូទៅក្រុមហ៊ុនដឹកជញ្ជូន CMA CGM Group ប្រចាំកម្ពុជា-វៀតណាម ចូលជួបពិភាក្សាការងារពាក់ព័ន្ធនឹងកាលានុវឌ្ឍនភាពក្នុងចូលរួមចំណែកអភិវឌ្ឍន៍វិស័យដឹកជញ្ជូន និងភស្តុភារកម្មនៅកម្ពុជា ()
វីដែអូ