ឯកឧត្តម សុខ លូ បន្តចុះសួរសុខទុក្ខ និងនាំយកអំណោយមនុស្សធម៌ផ្តល់ជូនគ្រួសារលោក អាន ទាវ ជាកីឡាករប្រដាល់គុនខ្មែរ ដែលមានជីវភាពក្រីក្រ ស្ថិតនៅសង្កាត់អូចារ ក្រុងបាត់ដំបង
បាត់ដំបង៖ នៅរសៀលថ្ងៃទី២៤ ខែសីហា ឆ្នាំ២០២៥នេះ បន្ទាប់ពីបាននាំយកអំណោយមនុស្សធម៌ប្រគល់ជូនគ្រួសារកីឡាករប្រដាល់ ឈ្មោះ កួន តុលា ហៅគីងកុង ជាក្រីឡាករប្រដាស់គុនខ្មែរ ដែលបានរងគ្រោះដោយសារអគ្គីភ័យឆាបឆេះផ្ទះរួចមក ឯកឧត្តម សុខ លូ អភិបាល នៃគណៈអភិបាលខេត្ត និងជាប្រធានគណៈកម្មាធិការ សាខាខេត្ត និងសហការី បន្តចុះ សួរសុខទុក្ខ និងនាំយកអំណោយមនុស្សធម៌របស់សាខាកាកបាទក្រហម ខេត្ត ផ្តល់ជូនគ្រួសារលោក អាន ទាវ ជាកីឡាករប្រដាល់គុនខ្មែរ និងជាសន្តិសុខក្រុមហ៊ុនឯកជន ដែលមានជីវភាពក្រីក្រ ស្ថិតនៅភូមិព្រៃកូនសេក សង្កាត់អូចារ ក្រុងបាត់ដំបង។
អំណោយឧបត្ថម្ភជូនគ្រឿងឧបភោគ បរិភោគ រួមមាន៖ អង្ករ១០០ គីឡូក្រាម,ទឹកសុទ្ធ ៥កេស,ទឹកត្រី ៥យួរ,ទឹកស៊ីអ៉ីវ ៥យួរ,មីជាតិ ៥កេស,ត្រីខ៥យួរ សំពត់តង់១ ឃីត១ឈុត(មុង ភួយ ក្រមា សារុង )និងថវិកា១លានរៀល ព្រមទាំងសម្រេចសាងសងផ្ទះ១ខ្នងជូនផងដែរ៕
