ភ្នំពេញ៖ ឯកឧត្តមបណ្ឌិត កែវ ពិសិដ្ឋ អគ្គលេខាធិការរងរដ្ឋសភា ប្រចាំការទទួលបន្ទុកអគ្គនាយដ្ឋានទំនាក់ទំនងអន្តរជាតិ ពិធីការ និងព័ត៌មាន និងជានាយកខុទ្ទកាល័យសម្ដេចប្រធានរដ្ឋសភា បានអញ្ជើញដឹកនាំកិច្ចប្រជុំពិនិត្យរបាយការណ៍លទ្ធផលការងារប្រចាំឆ្នាំ និងដាក់ទិសដៅការងារបន្ត របស់អគ្គនាយដ្ឋានទំនាក់ទំនងអន្តរជាតិ ពិធីការ និងព័ត៌មាន នារសៀលថ្ងៃទី២២ ខែសីហា ឆ្នាំ២០២៥ នៅវិមានរដ្ឋសភា។ឯកឧត្តមបណ្ឌិត ប្រធានអង្គប្រជុំ បានមានប្រសាសន៍ថា ជារួមរបាយការណ៍ដែលអង្គភាពនីមួយៗបានរៀបចំឡើងមកនេះ មានភាពលម្អិតល្អហើយ ប៉ុន្តែស្នើឱ្យអង្គភាពនីមួយៗ ធ្វើរបាយការណ៍ គួររៀបចំជាមាតិកា ឯសកម្មភាពលម្អិត អាចដាក់ជាឧបសម្ព័ន្ធវិញ។ ម្យ៉ាងទៀតត្រូវធ្វើការងារដោយយកចិត្តទុកដាក់ចាប់តាំងពីថ្នាក់មន្ត្រីឡើងមក ទាំងការងារធ្វើរបាយការណ៍ ក៏ដូចជាឯកសារផ្សេងៗ ត្រូវពិនិត្យទាំងអក្ខរាវិរុទ្ធ ទម្រង់ និងខ្លឹមសារជាដើម។បន្ទាប់ពីបានផ្ដល់ឱកាសជូនដល់សមាជិកអង្គប្រជុំចូលរួមមតិយោបល់ អំពីការងារធ្វើរបាយការណ៍របស់អង្គភាពចំណុះអគ្គនាយកដ្ឋានទំនាក់ទំនងអន្តរជាតិ ពិធីការ និងព័ត៌មានរួចមក ឯកឧត្តមបណ្ឌិត កែវ ពិសិដ្ឋ បានមានប្រសាសន៍ណែនាំ ឱ្យថ្នាក់នាយកដ្ឋាន គឺត្រូវធ្វើរបាយការណ៍ពិស្ដារ ចំណែកអគ្គនាយកដ្ឋានធ្វើរបាយការណ៍ជូនអគ្គលេខាធិការដ្ឋានរដ្ឋសភា គឺជារបាយការណ៍បង្ហាញពីលទ្ធផលការងារ។ ឯកឧត្តមបណ្ឌិតបានបន្តថា អគ្គនាយកដ្ឋានគួររៀបចំទម្រង់របាយការណ៍ (Format) សម្រាប់នាយកដ្ឋានចំណុះ ដើម្បីនាយកដ្ឋានធ្វើរបាយការណ៍មកអគ្គនាយកដ្ឋានក្នុងទម្រង់តែមួយ។ ចំណែកនាយកដ្ឋានក៏ត្រូវ រៀបចំទម្រង់របាយការណ៍ (Format) សម្រាប់ថ្នាក់ការិយាល័យចំណុះ ដើម្បីឱ្យការិយាល័យធ្វើរបាយការណ៍មកនាយកដ្ឋានមានទម្រង់តែមួយ ដូចគ្នាដែរ ដែលផ្ដល់នូវភាពងាយស្រួលសម្រាប់នាយកដ្ឋាន ក្នុងការចាប់ដាក់បញ្ចូលក្នុងរបាយការណ៍សរុបរបស់នាយកដ្ឋាន។អង្គប្រជុំ បានទទួលយកការណែនាំ និងអនុសាសន៍របស់ឯកឧត្តមបណ្ឌិត កែវ ពិសិដ្ឋ ដើម្បីកែលម្អរបាយការណ៍ឱ្យកាន់តែល្អ មានសុក្រឹតភាព គុណភាពកាន់តែប្រសើរឡើង។សូមជម្រាបថា កិច្ចប្រជុំនេះ រៀបចំឡើងដើម្បីពិនិត្យ៊របាយការណ៍ប្រចាំឆ្នាំ និងលទ្ធផលការងាររយៈពេលមួយឆ្នាំ ចាប់តាំងពីខែសីហាឆ្នាំ២០២៤ ដល់ខែសីហាឆ្នាំ២០២៥ របស់នាយកដ្ឋានទាំង៣ នៃអគ្គនាយកដ្ឋានទំនាក់ទំនងអន្តរជាតិ ពិធីការ និងព័ត៌មាន ៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
វីដែអូ