ភ្នំពេញ៖ ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ដ្រីក្រសួងអប់រំ យុវជន និងកីឡា បានបញ្ជាក់ថា សាលាចំនួន ៧រងការខូចខាតដោយសារគ្រាប់បែករបស់យោធាថៃ ក្នុងរយៈពេល៥ថ្ងៃនៃការផ្ទុះអាវុធ។ថ្លែងក្នុងសន្និសីទសារព័ត៌មាន នៅរសៀលថ្ងៃទី២២ ខែសីហា ឆ្នាំ២០២៥ ឯកឧត្ដមបណ្ឌិតសភាចារ្យ ហង់ជួន ណារ៉ុន បានឱ្យដឹងថា ក្រោយជម្លោះប្រដាប់អាវុធនៅតាមបណ្ដោយព្រំដែនកម្ពុជា-ថៃ ដែលបានបង្កដោយភាគីថៃ, សាលាចំនួន ៧កន្លែង បានរងការខូចខាតដោយសារគ្រាប់បែក និងគ្រាប់ផ្លោងរបស់ទាហ៊ានថៃ។សាលាទាំង៧នេះ រួមមាន៖ ១, សាលាបឋមសិក្សាតេជោបុស្បូវ ស្ថិតនៅស្រុកជាំក្សាន្ត ខេត្តព្រះវិហារ រង់ការខូចខាតស្ទើរតែទាំងស្រុង (៩០%) និងបរិវេណសាលា នៅបន្សល់គ្រាប់បែកមិនទាន់ផ្ទុះ និងកាកសំណល់អំបែង។ ២, សាលាបឋមសិក្សាតាមាន់សែនជ័យ ស្ថិតនៅខេត្តឧត្តរមានជ័យ រង់ការខូចខាតស្ទើរតែទាំងស្រុង។ ៣, សាលាបឋមសិក្សាសាយមនោរម្យ ស្ថិតនៅស្រុកបន្ទាយអំពិល ខេត្តឧត្តរមានជ័យ ប៉ះពាល់អគារសិក្សា១ខ្នង ៣បន្ទប់។ ៤, សាលាបឋមសិក្សាបុសធំ ស្រុកបន្ទាយអំពិល ខេត្តឧត្តរមានជ័យ ប៉ះពាល់អគារសិក្សា១ខ្នង ៣បន្ទប់។ ៥, សាលាបឋមសិក្សាគោកប្រាសាទ ក្រុងសំរោង ខេត្តឧត្តរមានជ័យ ប៉ះពាល់អគារសិក្សា១ខ្នង ៥បន្ទប់ (ខូចខាតបន្ដិចបន្ដួច)។ ៦, សាលាបឋមសិក្សាជប់គគីរ ប៉ះពាល់អគារសិក្សា១ខ្នង ៥បន្ទប់ (ខូចខាតក្បឿង ដាច់ចរន្តអគ្គិសនី និងសម្ភារៈមួយចំនួន)។ ៧, សាលាបឋមសិក្សាអូរពក ស្ថិតនៅក្រុងសំរោង ខេត្តឧត្តរមានជ័យ (ខូចខាតបន្ដិចបន្ដួច)។ឯកឧត្ដមឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានបញ្ជាក់ទៀតថា ចំពោះការខូចខាតនេះ ក្រសួងអប់រំ បានត្រៀមថវិកាបម្រុងប្រមាណ ៥០ម៉ឺនដុល្លារ សម្រាប់ធ្វើការជួសជុលអគារសិក្សា និងត្រៀមលក្ខណៈសម្រាប់ការបើកដំណើរផងដែរ៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
វីដែអូ