ឯកឧត្តម ខូយ រីដា អញ្ជើញផ្តល់បទសម្ភាសន៍ជាមួយ ស្ថានីយ៍ទូរទស្សន៍មហាផ្ទៃ ស្ដីពី វឌ្ឍនភាពការងារ ប្រចាំឆមាសទី១ ឆ្នាំ២០២៥ របស់រដ្ឋបាលខេត្តពោធិ៍សាត់
ពោធិ៍សាត់៖ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ នៅព្រឹកថ្ងៃចន្ទ ទី១៨ ខែសីហា ឆ្នាំ២០២៥នេះ បានអញ្ជើញធ្វើបទបង្ហាញ និងផ្តល់កិច្ចសម្ភាសន៍ផ្ទាល់ ទាក់ទងនឹងវឌ្ឍនភាព ស្ដីពី វឌ្ឍនភាពការងារ ប្រចាំឆមាសទី១ និងទិសដៅបន្ត ឆមាសទី២ ឆ្នាំ២០២៥ របស់រដ្ឋបាលខេត្តពោធិ៍សាត់ ជាមួយក្រុមការងារផ្សាយផ្ទាល់ នៃស្ថានីយ៍វិទ្យុ និងទូរទស្សន៍ ក្រសួងមហាផ្ទៃ។
បទបង្ហាញ និងកិច្ចសម្ភាសន៍ខាងលើនេះ ត្រូវបានធ្វើឡើង នៅទីតាំងអគារ នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ ដោយបានការចូលរួមពីលោកអភិបាលរងនៃគណៈអភិបាលខេត្ត លោកនាយក នាយករងរដ្ឋបាលសាលាខេត្ត កងកម្លាំងប្រដាប់អាវុធទាំង៣ មន្ទីរអង្គភាពនានាជុំវិញខេត្ត និងមន្ត្រីពាក់ព័ន្ធមួយចំនួនទៀត៕
