លោកជំទាវ ដាំ ដារីនី អញ្ជើញសំណេះសំណាល ជាមួយមន្ត្រីសាលាខេត្តឧត្តរមានជ័យដែលបានជួយសម្របសម្រួល ដល់បងប្អូនជនភៀសសឹកចំនួន២៥០ នាក់
ឧត្តរមានជ័យ÷ថ្ងៃអាទិត្យ ៨រោច ខែស្រាពណ៍ ឆ្នាំម្សាញ់ សប្តស័ក ព.ស. ២៥៦៩
ត្រូវនឹង ថ្ងៃទី១៧ ខែសីហា ឆ្នាំ២០២៥លោកជំទាវ បណ្ឌិត ដាំ ដារីនី សមាជិកគណៈកម្មាធិការកណ្ដាល និងជាប្រធានផ្នែកសិល្បៈ និងកីឡានៃយុវជនគណបក្សថ្នាក់កណ្ដាល បានដឹកនាំសិល្បៈករ សិល្បៈការិនី កីឡាករ កីឡាការិនី ព្រមទាំងសប្បុរសជន បានចូលរួមសំណេះសំណាល ជាមួយមន្ត្រីដែលបានជួយសម្របសម្រួល ដល់បងប្អូនជនភៀសសឹកចំនួន២៥០ នាក់។
ឆ្លៀតក្នុងឱកាសនេះ លោកជំទាវ បណ្ឌិតបានពាំនាំផ្ដាំផ្ញើការសួរសុខទុក្ខដល់ខ្ពង់ខ្ពស់ពី សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និជាប្រធានគណបក្សប្រជាជនកម្ពុជា ព្រមទាំងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានយុវជនគណបក្សថ្នាក់កណ្ដាល ជូនដល់មន្ត្រីដែលបានជួយសម្របសម្រួលដល់បងប្អូនជនភៀសសឹកដែលរងគ្រោះ ក្នុងព្រឹត្តិការណ៍ នៃការឈ្លានពាន និងជម្លោះតាមបណ្តោយព្រំដែនកម្ពុជា-ថៃ។
លោកជំទាវបណ្ឌិតព្រមទាំងសមាជិក សមាជិកា សិល្ប:ករសិល្ប:ការីនី កីឡាករ កីឡាការិនី និងសប្បុរសជន បានឧបត្ថម្ភជាគ្រឿងឧបភោគ-បរិភោគនិងថវិកាមានដូចជា៖ ថវិកាចំនួន១០លានរៀល ជូនមន្រ្តីសម្របសម្រួលជនភៀសសឹកម្នាក់ៗទទួលបាន ៤០០០០មុឺនរៀល ទឹកបរិសុទ្ធ ចំនួន២៥០កេស,ភេសជ្ជៈប៉ូវកម្លាំងV-Active ២៥០កេស,អង្ករ ២៥០បាវ,អាវយឺត ក្មេង២៥០អាវ,នំពារ ៥០០ប្រអប់,នំចំរុះលីលី ២៥០កញ្ចប់។
ឧបត្ថម្ភជូនរដ្ឋបាលខេត្ត មានដូចជា៖ (មីជាតិ៤០កេស,ពងទា១,០០០គ្រាប់,ទឹកផ្លែងឈើ៤០កេស,ទឹកសុទ្ធ ៥០កេស,អង្គ៤តោន,ម៉ាស់១០៨០ម៉ាស់ អាវ២៤០០ និងថវិកាចំនួន១០លានរៀល)។ ឧបត្ថម្ភជូនដល់វរៈការពារព្រំដែនលេខ៧០២ មានដូចជា៖( អង្គ១តោន,ពងមាន់១,០០០គ្រាប់,ម៉ាស់១០៨០ម៉ាស់,និងថវិកា៤លានរៀល)។ ឧបត្ថម្ភវរៈការពារព្រំដែនលេខ៩០៥ មានដូចជា៖ (អង្គ១តោន,ពងមាន់១,០០០គ្រាប់,ម៉ាស់១០៨០ម៉ាស់,និងថវិកា៤លានរៀល)។
