ភ្នំពេញ៖នៅទីស្តីការក្រសួងមហាផ្ទៃ ព្រឹកថ្ងៃព្រហស្បតិ៍ ទី១៤ ខែសីហា ឆ្នាំ២០២៥នេះ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បានអញ្ជើញជួបសំណេះសំណាល និងលើកទឹកចិត្តមន្ត្រីនគរបាលនារី ២រូប ដែលទទួលបានពានរង្វាន់ក្នុងការប្រកួត Sharp Blade 2025 International Sniper Competition ខាងផ្នែកបាញ់ស៊ីបនៅសាធារណរដ្ឋប្រជាមានិតចិន។ឯកឧត្តម នាយឧត្តមសេនីយ៍ ស ថេត បានសម្តែងនូវការអបអរសាទរ និងលើកទឹកចិត្តចំពោះការខិតខំប្រឹងប្រែងរបស់មន្ត្រីនគរបាលទាំង ២រូប ដែលបានពុះពារដើម្បីទទួលបាន (ពាននៃការតស៊ូល្អបំផុត) ដែលធ្វើឡើងរយៈពេល៤ថ្ងៃ និងមានការចូលរួមពីប្រទេសចំនួន២៥ផងដែរ។ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ក៏បានជំរុញឱ្យមន្ត្រីនគរបាលដែលបានចូលរួមក្នុងការប្រកួតត្រូវខិតខំពង្រឹងជំនាញហ្វឹកហាត់ផ្នែកបាញ់ស៊ីប និងបន្តបណ្តុះបណ្តាលជំនាញនេះដល់មន្ត្រីនគរបាលជាតិនៅក្នុងអង្គភាពដើម្បីលើកកិត្តិយស និងភាពខ្ពស់មុខមាត់របស់មន្ត្រីនគរបាលជាតិទាំងអស់ផងដែរ។ឯកឧត្តម នាយឧត្តមសេនីយ៍ ស ថេត ក៏បានថ្លែងអំណរគុណដល់ ឯកឧត្តម ឧត្តមសេនីយ៍ឯក យឹម លាង អគ្គស្នងការរងនគរបាលជាតិ ទទួលដឹកនាំនាយកដ្ឋានអង្គរក្ស ដែលបានជួយជ្រោមជ្រែងផ្តល់លទ្ធភាពដល់នគរបាលនារីទាំងពីររូបឱ្យទៅចូលរួមរហូតទទួលបានពានរង្វាន់សំរាប់ជាកិត្តិយសដល់មន្ត្រីនគរបាលជាតិទាំងអស់។គួរបញ្ជាក់ថា មន្ត្រីនគរបាលជាតិនារីចំនួនពីររូបរួមមាន វរសេនីយ៍ទោ សែម លីនី និងវរសេនីយ៍ទោ ហែម រ៉ាវី ជានាយរងផ្នែក នៃនាយកដ្ឋានអង្គរក្ស ត្រូវបានក្រសួងមហាផ្ទៃចាត់បញ្ជូនទៅប្រកួត Sharp Blade 2025 International Sniper Competition នៅសាធារណរដ្ឋប្រជាមានិតចិនចាប់ពីថ្ងៃទី១៥រហូតដល់ថ្ងៃទី១៨ ខែកក្កដា ឆ្នាំ២០២៥ ដោយមានចំនួន២៥ប្រទេសចូលរួម ដែលមានវិញ្ញាសាជាច្រើនដូចជា ការបាញ់៤កាយវិការ ការបាញ់ពីលើអគារចំងាយពី១០០ទៅ៧០០ម៉ែត្រ ការរត់ឡើងភ្នំចំងាយ១គីឡូម៉ែត្រ ការរត់បាញ់ស៊ីបចំងាយ២០០ម៉ែត្រ ការរត់ចូលឡានសង្គ្រោះចំណាប់ខ្មាំង បាញ់ចំងាយ១៧៦ម៉ែត្រ ការបាញ់ស៊ីបចំងាយ៩០០ម៉ែត្រទៅ២៥០០ម៉ែត្រ៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
វីដែអូ