ភ្នំពេញ៖ នៅថ្ងៃទី១២ ខែសីហា ឆ្នាំ២០២៥ ឯកឧត្តមសាស្ត្រាចារ្យ រដ្ឋមន្ត្រីក្រសួងសុខាភិបាល បានចែករំលែកបទពិសោធន៍នៃភាពជាអ្នកដឹកនាំ និងនវានុវត្តន៍ ជូនថ្នាក់ដឹកនាំ និងមន្រ្តីសុខាភិបាល គ្រប់ឋានានុក្រម ក្រោមឱវាទក្រសួងសុខាភិបាល តាមប្រព័ន្ធវីដេអូសន្និសីទ (Zoom) ដែលមានសមាសភាពចូលរួមសរុបចំនួន ៣៦១៤ នាក់។ជាកិច្ចចាប់ផ្តើម ឯកឧត្តមសាស្រ្តាចារ្យរដ្ឋមន្រ្តី បានផ្ញើរការសួរសុខទុក្ខដល់មន្រ្តីរាជការ និងបុគ្គលិកសុខាភិបាល នៅតាមបណ្តាខេត្តជាប់ព្រំដែន និងខេត្តជិតខាងទាំងអស់ ដែលបានលះបង់កំលាំងកាយចិត្ត បម្រើសេវាថែទាំសុខភាពជូនដល់វីរៈកងទ័ព និងប្រជាជនដែលមកស្នាក់នៅតាមមណ្ឌលសុវត្ថិភាព។ឯកឧត្តមសាស្រ្តាចារ្យរដ្ឋមន្រ្តី ក៍បានជំរុញឱ្យមន្រ្តីសុខាភិបាលទូទាំងប្រទេស រក្សាឲ្យបាននូវវីរៈភាពរបស់មន្រ្តីសុខាភិបាល ដោយបន្តត្រៀមខ្លួនក្នុងការបម្រើសេវាថែរទាំ និងព្យាបាល ជាពិសេសការប្រឹក្សាផ្លូវចិត្ត ជូនដល់កងទ័ពដែលវិលត្រឡប់មកស្រុកកំណើត ក្រុមគ្រួសារទ័ព និងប្រជាជនទាំងអស់ប្រកបដោយគុណភាព និងការយល់ចិត្ត។ជាកិច្ចបន្ត ឯកឧត្តមសាស្ត្រាចារ្យរដ្ឋមន្ត្រី ក៏បានលើកឡើងនូវគុណសម្បត្តិចំនួន២ បន្ថែមលើគុណសម្បត្តិទាំង៥ របស់អ្នកដឹកនាំដែលបានចែករំលែកកាលពីវគ្គមុន។ គុណសម្បតិ្តទាំងពីរនោះរួមមាន៖ ១) អ្នកដឹកនាំត្រូវហ៊ានចាប់កាន់ធ្វើអ្វីមួយដែលមានលក្ខណៈប្លែកពីគេ ប៉ុន្តែអាចនឹងចេញជាលទ្ធផលវិជ្ជមាន និង ២) អ្នកដឹកនាំត្រូវបង្ហាញភាពក្លាហាន នៅគ្រប់ទិដ្ឋភាពដោយហ៊ាននិយាយការពិតក្នុងន័យស្ថាបនា ឱ្យកាន់តែប្រសើរឡើង។នៅក្នុងន័យនេះឯកឧត្តមសាស្រ្តាចារ្យ បានលើកយកឧទាហរណ៍មួយ នៃជោគជ័យរបស់ថ្នាក់ដឹកនាំកំពូល នៃរាជរដ្ឋាភិបាលកម្ពុជាដែលបានប្រើប្រាស់ភាពក្លាហាន ក្នុងការដឹកនាំបំបែកបញ្ហាខ្លាចជំងឺកូវីដ១៩ នៅលើនាវា Westerdam នៅពេលដែលប្រទេសផ្សេងៗទៀតមិនហ៊ានអន្តរាគមន៍ រហូតប្រទេសកម្ពុជាទទួលបានកិត្តិយស ជាប្រទេសតូចដែលមានបេះដូងធំ។ជាចុងបញ្ចប់ ដោយមានការអនុញ្ញាតពី ឯកឧត្តមសាស្រ្តាចារ្យរដ្ឋមន្ត្រី នៅក្នុងសប្តាហ៍នេះ ក៏មានបទបង្ហាញពីមន្ទីរពេទ្យបង្អែកនៃខេត្តស្ទឹងត្រែង៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ