បាត់ដំបង៖ ក្រសួងផែនការ និងរដ្ឋបាលខេត្តបាត់ដំបង បើកសិក្ខាសាលាស្ដីពីការជំរុញប្រើប្រាស់ទិន្នន័យចំហរ និងទិន្នន័យធំ ក្រោមអធិបតីភាពឯកឧត្តម រិន វីរៈ រដ្ឋលេខាធិការក្រសួងផែនការ និងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង។សិក្ខាសាលានេះធ្វើឡើងនៅសាលប្រជុំសាលាខេត្តបាត់ដំបង រយៈពេល៣ថ្ងៃចាប់ពីថ្ងៃទី២២ដល់ថ្ងៃទី២៤ ខែកក្កដា ឆ្នាំ២០២៥។មានប្រសាសន៍ក្នុងឱកាសបើកសិក្ខាសាលានៅថ្ងៃទី២២ ខែកក្កដា ឆ្នាំ២០២៥ ឯកឧត្តម សុខ លូ គូសបញ្ជាក់ថា សិក្ខាសាលានេះមានគោលបំណងផ្ដល់ឱ្យមន្ត្រីរាជការនៃមន្ទីរ ស្ថាប័នពាក់ព័ន្ធទាំងអស់ទទួលបាន នូវបទពិសោធន៍ថ្មីនៃការប្រមូលទិន្នន័យផ្លូវការតាមរយៈការប្រើប្រាស់ប្រភពទិន្នន័យធំក្រៅពីការធ្វើជំរឿន និងអង្កេតដើម្បីប្រមូលទិន្នន័យស្ថិតិដែលជាសក្តានុពលថ្មីបំផុតនៃសម័យសង្គមឌីជីថលដែលស្របទៅនឹង ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ឆ្នាំ២០២១-២០៣៥ គោលនយោបាយ រាជរដ្ឋាភិបាលឌីជីថលកម្ពុជា ឆ្នាំ២០២២-២០៣៥ និងបរិបទនៃបដិវត្តន៍ឧស្សាហកម្មជំនាន់ទី៤.០។ឯកឧត្តម សុខ លូ សង្កត់ធ្ងន់ថា កម្ពុជាត្រូវខិតខំសម្រេច “បរិវិវត្តកម្មឌីជីថល” ឱ្យខាងតែបានទើបអាច ប្រែក្លាយសេដ្ឋកិច្ច-សង្គមកម្ពុជាទៅកាន់កម្រិតអភិវឌ្ឍន៍មួយខ្ពស់ឡើងជាលំដាប់បាន។ក្នុងន័យនេះ មន្ទីរ អង្គភាពទទួលបន្ទុកអនុវត្ត ត្រូវសហការគ្នាជាធ្លុងមួយ ដោយមានការសម្របសម្រួល និងការពង្រឹងកិច្ច សហប្រតិបត្តិការអន្តរស្ថាប័នក្នុងស្មារតីបុរេសកម្ម និងអន្តរសកម្មបំផុតដើម្បីធានាបាននូវការសម្រេចបាន នូវគោលបំណងគោលនយោបាយគន្លឹះដែលបានកំណត់។ជាមួយគ្នានេះ ឯកឧត្តមអភិបាលខេត្ត បានលើកទឹកចិត្តដល់មន្ទីរ អង្គភាព មន្ត្រីរាជការ និងសិក្ខាសាលាទាំងមូលត្រូវប្រឹង ប្រែងសិក្សាស្វែងយល់បន្ថែម និងយកចិត្តទុកដាក់សិក្សារៀនសូត្រឱ្យបានម៉ត់ហ្មត់ ព្រមទាំងសិក្សាឱ្យបាន ស៊ីជម្រៅអំពីការប្រើប្រាស់ទិន្ន័យបើកចំហ និងទិន្នន័យធំនេះឱ្យបានយល់កាន់តែច្បាស់ស្របតាមបច្ចេកវិទ្យា ទំនើប និងបរិវិវត្តកម្មឌីជីថល។ឯកឧត្តម រិន វីរៈ ថ្លែងឱ្យដឹងថា គោលបំណងនៃសិក្ខាសាលា គឺដើម្បីបញ្ជ្រាបចំណេះដឹងជាចម្បងអំពីការប្រើប្រាស់ប្រភពទិន្នន័យធំ និងវិទ្យាសាស្ត្រទិន្នន័យសម្រាប់ស្ថិតិផ្លូវការដែលមានលក្ខណៈឌីជីថល ឬតាមប្រព័ន្ធបណ្តាញអ៊ីនធឺណិត។ សិក្ខាកាមនឹងយល់ដឹងអំពីការវិវត្តនៃប្រមូលទិន្នន័យស្ថិតិដែលមានការរីកចម្រើននាពេលបច្ចុប្បន្ន ឱកាសនៃការប្រើប្រាស់ប្រភពទិន្នន័យធំ និងវិទ្យាសាស្ត្រទិន្នន័យ និយមន័យទិន្នន័យធំ និងបានអនុវត្តនៃការប្រើប្រាស់ប្រភពទិន្នន័យធំ និងវិទ្យាសាស្ត្រទិន្នន័យ សម្រាប់ស្ថិតិទេសចរណ៍ និងសម្រាប់ ស្ថិតិសន្ទស្សន៍ថ្លៃទំនិញ ស្ថិតិផ្លូវការផ្សេងៗទៀតដែលធ្វើបទបង្ហាញដោយក្រុមការងារបច្ចេកទេសរបស់វិទ្យាស្ថានជាតិស្ថិតិ និងការប្រើប្រាស់ទិន្នន័យបើកចំហ សម្រាប់ជាធាតុចូលក្នុងការធ្វើសេចក្តីសម្រេចចិត្ត និង រៀបចំគោលនយោបាយផ្សេងៗផងដែរ។ឯកឧត្តមរដ្ឋលេខាធិការ បញ្ជាក់បន្ថែមថា រាជរដ្ឋាភិបាលកម្ពុជាបានធ្វើកំណែទម្រង់ស៊ីជម្រៅវិទ្យាស្ថានជាតិស្ថិតិ នៃក្រសួងផែនការ ដើម្បីពង្រឹងសមត្ថភាព វិទ្យាស្ថានជាតិស្ថិតិជាស្ថាប័នស្ថិតិជាតិរបស់រាជរដ្ឋាភិបាលដើរតួនាទីស្នូលក្នុងការផលិតទិន្នន័យ ស្ថិតិផ្លូវការប្រកបដោយគុណភាព ភាពជឿជាក់ និងទាន់ពេលវេលា ដោយបានលើកកម្ពស់វិទ្យាស្ថានជាតិស្ថិតិ គឺជានីតិបុគ្គលនៃនីតិសាធារណៈ និងមានថវិកាស្វយ័តដែលត្រូវឆ្លុះបញ្ចាំងជាឧបសម្ព័ន្ធនៃថវិការបស់ក្រសួងផែនការ។ វិទ្យាស្ថានជាតិស្ថិតិ ត្រូវដឹកនាំដោយក្រុមប្រឹក្សាភិបាលមួយដែលជាអង្គការដឹកនាំខ្ពស់បំផុត និងមានបេសកកម្ម តម្រង់ទិសការអនុវត្ត និងត្រួតពិនិត្យសកម្មភាពការងាររបស់វិទ្យាស្ថានជាតិស្ថិតិ។ វិទ្យាស្ថានជាតិស្ថិតិមានអាណាព្យាបាលពីរ គឺក្រសួងផែនការ ជាអាណាព្យាបាលបច្ចេកទេស និងក្រសួងសេដ្ឋកិច្ច និង ហិរញ្ញវត្ថុ ជាអាណាព្យាបាលហិរញ្ញវត្ថុ៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត មានគំនិតផ្តួចផ្តើមដ៏ឈ្លាសវៃបំផុតលើចលនា «យើងរួមគ្នាដើម្បីជាតិ!» ដោយបំផុស សមាជិកកាយឫទ្ធិនារីកម្ពុជា រួមទាំងបងប្អូនខ្មែរទាំងអស់នាំគ្នាដាំបន្លែ ប្រមូលផលទុកជូនវីរកងទ័ព និងប្រជាជនភៀសសឹក ()
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
វីដែអូ