ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ថា ដើម្បីទ្រទ្រង់ទៅដល់ដំណើរការនៃការវិវត្តការកសាងរដ្ឋប្រជាជាតិរឹងមាំមានភាពជឿនលឿនមានភាពទន់និងសម្រេចរាល់ឧបសគ្គនិងបញ្ហាប្រឈមនានានិងក្នុងដំណើរការទៅសម្រេចចក្ខុវិស័យកម្ពុជាឆ្នាំ២០៥០របស់ខ្លួនការបណ្ដុះគំនិតបង្កើតគោលការណ៍នីតិរដ្ឋគុណតម្លៃនៃការគោរពច្បាប់ដោយផ្អែកលើប្រព័ន្ធច្បាប់ដោយមានការឯកភាពប្រសិទ្ធភាព គតិភាពឧត្តមមានុភាពសន្តិសុខគតិយុត្តិគឺមិនអាចខ្វះបានសម្រាប់កម្ពុជាក្នុងកំណែតម្រង់ច្បាប់នេះ។ក្នុងឱកាសអញ្ជើញជាអធិបតី ប្រកាសដាក់ឱ្យអនុវត្តក្របខណ្ឌយុទ្ធសាស្ត្រនៃកម្មវិធីកែទម្រង់ច្បាប់របស់រាជរដ្ឋាភិបាល នៅព្រឹកថ្ងៃព្រហស្បតិ៍ ទី១០ ខែកក្កដា ឆ្នាំ២០២៥ សម្តេចធិបតី ហ៊ុន ម៉ាណែត បានសម្រេចកំណត់ចក្ខុវិស័យរបស់គណៈកម្មការដឹកនាំកែទម្រង់ច្បាប់ឲ្យធ្វើជានិម្មាបនិកប្រព័ន្ធច្បាប់នីតិរដ្ឋស្របតាមគុណតម្លៃ ប្រវត្តិសាស្ត្រកម្ពុជាផងនិងគុណតម្លៃជាសាកលផង។ ដើម្បីសម្រេចនូវគុណតម្លៃដ៏ថ្លៃថ្លានេះគណៈកម្មការដឹកនាំកំណែទម្រង់ច្បាប់ត្រូវបំពេញបេសកកម្មដ៏មានតម្លៃ៤គឺ ទី១យុទ្ធសាស្ត្រគន្លឹះទី១ ដឹកនាំ និងសម្របសម្រួលចងក្រង និងផ្សព្វផ្សាយច្បាប់និងលិខិតបទដ្ឋានគតិយុត្ត យុទ្ធសាស្រ្តគន្លឹះទី២ ដឹកនាំ និងសម្របសម្រួលរៀបចំ ក្របខ័ណ្ឌតាក់តែងច្បាប់ និងលិខិតបទដ្ឋានគតិយុត្ត យុទ្ធសាស្រ្តគន្លឹះទី៣ ដឹកនាំនិងសម្របសម្រួលពិនិត្យ និងវាយតម្លៃគុណភាព និងប្រសិទ្ធ ភាពនៃការតាក់តែងនិងការអនុវត្តច្បាប់និងលិខិតបទដ្ឋានគតិយុត្ត និងយុទ្ធសាស្ត្រ គន្លឹះទី៤ ដឹកនាំនិងសម្របសម្រួលរៀបចំក្របខ័ណ្ឌ ដោះស្រាយវិវាទគតិយុត្ត និងការពារនីត្យានុកូលភាព។សម្ដេចធិបតី ហ៊ុន ម៉ាណែត បានបន្តថាដើម្បីសម្រេចបាននូវវិធានការទាំងបួនខាងលើនេះសម្ដេចបានលើកទឹកចិត្តដល់ក្រសួងស្ថាប័ននិងដៃគូអភិវឌ្ឍន៍វិស័យឯកជនតួអង្គពាក់ព័ន្ធទាំងអស់ចូលរួមចំណែកសកម្មអន្តរសកម្មបុរេសកម្មស្របតាមមុខងារនិងភារកិច្ចជាធរមាន។និងក្របខ័ណ្ឌជាយុទ្ធសាស្ត្រនៃកម្មវិធីកែទម្រង់ច្បាប់របស់រាជរដ្ឋាភិបាលឈានទៅសម្រេចលទ្ធផលជាក់ស្ដែងជាឧត្តមប្រយោជន៍ដល់ការពង្រឹងវប្បធម៌នីតិរដ្ឋដើម្បីបង្កើនជំនឿទុកចិត្តពីប្រជាពលរដ្ឋវិនិយោគិននិងវិស័យឯកជនមកលើប្រព័ន្ធច្បាប់កម្ពុជា៕
ព័ត៌មានគួរចាប់អារម្មណ៍
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
រដ្ឋមន្ត្រីក្រសួងសាធារណការ អនុញ្ញាតឱ្យអ្នកគ្រប់គ្រងទូទៅក្រុមហ៊ុនដឹកជញ្ជូន CMA CGM Group ប្រចាំកម្ពុជា-វៀតណាម ចូលជួបពិភាក្សាការងារពាក់ព័ន្ធនឹងកាលានុវឌ្ឍនភាពក្នុងចូលរួមចំណែកអភិវឌ្ឍន៍វិស័យដឹកជញ្ជូន និងភស្តុភារកម្មនៅកម្ពុជា ()
វីដែអូ