ក្រសួងព័ត៌មាន ចេញសេចក្តីប្រកាស៖ ស្ថានីយទូរទស្សន៍ទាំងអស់ត្រូវបញ្ឈប់ការចាក់ផ្សាយខ្សែភាពយន្តថៃ ចាប់ពីយប់ថ្ងៃទី១២ មិថុនា ២០២៥
(ភ្នំពេញ)៖ ក្រសួងព័ត៌មានបានចេញសេចក្ដីជូនដំណឹងជាផ្លូវការដល់ម្ចាស់ស្ថានីយទូរទស្សន៍ទាំងអស់នៅកម្ពុជា អំពីការបញ្ឈប់ចាក់ផ្សាយខ្សែភាពយន្តថៃគ្រប់ប្រភេទ ចាប់ពីម៉ោង ១២យប់ ថ្ងៃទី១២ ខែមិថុនា ឆ្នាំ២០២៥ តទៅ។
ក្រសួងបានអំពាវនាវឲ្យម្ចាស់ស្ថានីយទូរទស្សន៍ទាំងអស់អនុវត្តបម្រាមនេះដោយមានស្មារតីទទួលខុសត្រូវខ្ពស់ ដើម្បីសម្របសម្រួលទៅនឹងស្ថានភាពជាក់ស្តែង និងការពារសុវត្ថិភាពជាតិ។
សេចក្ដីជូនដំណឹងនេះចេញនៅថ្ងៃព្រហស្បតិ៍ ២ រោច ខែជេស្ឋ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១២ ខែមិថុនា ឆ្នាំ២០២៥៕
