សៀមរាប៖ បំពង់ស៊ីម៉ាំងប្រមាណជា៣០០ និងភ្លើងហ្វា ដែលកែច្នៃខុសបច្ចកទេស ត្រូវបានធ្វើការកិនកម្ទេចចោល បន្ទាប់ពីឧបករណ៍ទាំងអស់នេះត្រូវបានកម្លាំងនគរបាលខេត្តសៀមរាបបង្ក្រាប និងដកហូតកាលពីពេលកន្លងទៅ។ថ្លែងប្រាប់អ្នកសារព័ត៌មានក្នុងពិធីកម្ទេចចោលនូវឧបករណ៍ខុសបច្ចេកទេសទាំងនេះ នាព្រឹកថ្ងៃទី០៨ ខែមេសា ឆ្នាំ២០២៥ លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប បានឱ្យដឹងថាបំពង់ស៊ីម៉ាំង និងភ្លើងហ្វា ដែលធ្វើការកិនកម្ទេចចោលនេះ គឺបានមកពីប្រតិបត្តិការរយៈពេលមួយឆ្នាំកន្លងមកនេះ។លោកឧត្តមសេនីយ៍ទោ ហួត សុធី បានបន្តថា ឧបករណ៍ទាំងអស់នេះត្រូវបានបំពាក់លើយានយន្តដោយខុសបច្ចេកទេស ធ្វើឱ្យប៉ះពាល់ដល់សន្តិសុខ សណ្តាប់ធ្នាប់សាធារណៈ ដូចជាបង្កសំឡេងរំខានដល់ការដល់ការសម្រាករបស់ប្រជាពលរដ្ឋ ជាដើម។លោកឧត្តមសេនីយ៍ ស្នងការ បានបន្តទៀតថា ចំពោះការដកហូតឧបករណ៍ខុសបច្ចេកទេសនេះ បានធ្វើឡើងនៅទូទាំង១៣ក្រុងស្រុកនៅក្នុងខេត្តសៀមរាប។ លោកថា ប៉ុន្តែមួយរយៈចុងក្រោយនេះ កម្លាំងសមត្ថកិច្ចបានសង្កេតឃើញថា ការបំពាក់នូវឧបករណ៍ខុសបច្ចេកទេសលើយានយន្តនេះ មានការថយចុះច្រើន។បើទោះជាយ៉ាងនេះក្តី លោកឧត្តមសេនីយ៍ទោ ហួត សុធី បានអះអាងថា ដើម្បីឱ្យសណ្តាប់ធ្នាប់សាធារណៈកាន់តែល្អប្រសើរនោះ កម្លាំងនគរបាលនៅតែបន្តត្រួតពិនិត្យបន្ថែមទៀតផងដែរ៕
ព័ត៌មានគួរចាប់អារម្មណ៍
គណៈរដ្ឋមន្ត្រីប្រជុំពិនិត្យរបាយការណ៍វឌ្ឍនភាពនៃការអនុវត្តវិធានការគន្លឹះក្នុងការពង្រឹងសមត្ថភាពរដ្ឋបាលសាធារណៈ ដើម្បីជំរុញនិងលើកកម្ពស់ការអនុវត្តការងារកែទម្រង់រដ្ឋបាលសាធារណៈ ឱ្យមានប្រសិទ្ធភាពខ្ពស់ ()
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
វីដែអូ