បាត់ដំបង ៖ ស្នងការរដ្ឋាននគបាលខេត្តបាត់ដំបង បានដាក់ពង្រាយកម្លាំងរបស់ខ្លួនជាង៦០០នាក់ ដើម្បីរក្សាសន្តិសុខសណ្តាប់ធ្នាប់ ទាំងក្នុង និងក្រៅបរិវេណទីតាំងរៀបចំព្រឹត្តិការណ៍សង្ក្រាន្តបាត់ដំបង ឆ្នាំ២០២៥ ដើម្បីឱ្យប្រជាពលរដ្ឋ ភ្ញៀវទេសចរជាតិ និងអន្តរជាតិ មកកម្សាន្តនាឱកាសបុណ្យចូលឆ្នាំថ្មី ប្រពៃណីជាតិខ្មែរប្រកបដោយភាពសប្បាយរីករាយ ។ស្នងការរង និងជាអ្នកនាំពាក្យរបស់ស្នងការដ្ឋាននគរបាលខេត្តបាត់ដំបង លោកវរសេនីយ៍ឯក អ៊ឹម កុសល បានឱ្យដឹងថា ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ជារៀងរាល់ឆ្នាំ ក៏ដូចជាឆ្នាំនេះ កម្លាំងរបស់ស្នងការរដ្ឋាននគរបាលខេត្ត បានបង្កើនការការពារសន្តិសុខសណ្តាប់ធ្នាប់ តាមតំបន់នានា ដូចជា រមណីយដ្ឋាន វត្តអារាម ពិសេសបរិវេណសង្ក្រាន្តបាត់ដំបង ដើម្បីបង្កលក្ខណៈដល់ប្រជាពលរដ្ឋ មកកម្សាន្តឱ្យសប្បាយរីករាយ ។ក្នុងនាមស្នងការនគរបាលខេត្តបាត់ដំបង លោកវរសេនីយ៍ឯក អ៊ឹម កុសល បានធ្វើការណែនាំបន្ថែមដល់ពលរដ្ឋនូវចំណុចសំខាន់ចំនួន៤គឺ ទី១-ត្រូវមានការប្រុងប្រយ័ត្នឱ្យបានខ្ពស់ចំពោះការដុតទៀនធូបទទួលទេវតាឆ្នាំថ្មី និងពិធីផ្សេងៗទៀតក្នុងថ្ងៃបុណ្យ និងត្រូវពិនិត្យមើលភ្លើងចង្ក្រាន ចរន្តអគ្គិសនី ទាំងពេលកំពុងស្ថិតនៅឬមុនពេលចាកចេញពីលំនៅឋានចៀសវាងកើតមានគ្រោះអគ្គិភ័យជាយថាហេតុណាមួយ។ទី២-ពិនិត្យមើលឱ្យបានហ្មត់ចត់គ្រប់ជ្រុងជ្រោយ ទ្វារ បង្អួច របងលំនៅឋាន ឬទីតាំងអាជីវកម្មនានា ដោយចាក់សោរឱ្យបានត្រឹមត្រូវមុនពេលចាកចេញ ដើម្បីធានាសុវត្ថិភាពបានល្អ ។ទី៣-ការធ្វើដំណើរទៅកាន់ទីជិតឬទីឆ្ងាយក្នុងឱកាសនេះ សូមចូលរួមគោរពច្បាប់ចរាចរណ៍ឱ្យបានខ្ជាប់ខ្ជួន សូមកុំបើកបរក្រោមឥទ្ធិពលគ្រឿងស្រវឹង គ្រឿងញៀនឱ្យសោះ ដើម្បីសុខសុវត្ថិភាព និងអាយុជីវិតយើងទាំងអស់គ្នា និងបើកបរដោយការយោគយល់ និងអធ្យាស្រ័យឱ្យគ្នា និងទី៤-ការចូលរួមកម្សាន្តសប្បាយ ក្នុងឱកាសពិធីបុណ្យ សូមឃ្លាំមើលការពារកុមារតូចៗ ដែលនាំមកជាមួយជាប់ជាប្រចាំក្រែងមានគ្រោះថ្នាក់ដោយការចុះលេងទឹកនៅទីរមណីយដ្ឋាន ឬវង្វេងគ្នាក្នុងពេលកំពុងសប្បាយរីករាយក្នុងពិធី បុណ្យ ។ទន្ទឹមនឹងនោះប្រជាពលរដ្ឋអាចចូលរួមសហការផ្តល់ព័ត៌មានមកសមត្ថកិច្ចនគរបាល ដែលមានវត្តមាននៅតាមវត្តអារាម តាមដងផ្លូវ រមណីយដ្ឋាន និងទីកន្លែងកម្សាន្តសប្បាយនានាតាមគ្រប់មធ្យោបាយ ក្នុងពេលមានបញ្ហាអសន្តិសុខណាមួយ ឬទំនាក់ទំនងមកលេខទូរស័ព្ទប្រចាំបញ្ជា២៤ម៉ោងលើ២៤ម៉ោង របស់ស្នងការដ្ឋានដែលបានផ្សព្វផ្សាយជាប្រចាំនៅក្នុងផេកហ្វេសប៊ុករបស់ស្នងការដ្ឋាននគរបាលខេត្តបាត់ដំបង ៕
ព័ត៌មានគួរចាប់អារម្មណ៍
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
រដ្ឋមន្ត្រីក្រសួងសាធារណការ អនុញ្ញាតឱ្យអ្នកគ្រប់គ្រងទូទៅក្រុមហ៊ុនដឹកជញ្ជូន CMA CGM Group ប្រចាំកម្ពុជា-វៀតណាម ចូលជួបពិភាក្សាការងារពាក់ព័ន្ធនឹងកាលានុវឌ្ឍនភាពក្នុងចូលរួមចំណែកអភិវឌ្ឍន៍វិស័យដឹកជញ្ជូន និងភស្តុភារកម្មនៅកម្ពុជា ()
វីដែអូ