ខេត្តក្រចេះ ៖ ព្រះវិហារខ្មែរឥស្លាម និងសមិទ្ធផលនានា ត្រូវសម្ពោធដាក់ឱ្យប្រេីប្រាស់ជាផ្លូវការ នាព្រឹកថ្ងៃអាទិត្យទី០២ ខែកុម្ភៈ ឆ្នាំ២០២៥ ក្រោមអធិបតីភាព ឯកឧត្តម នេត្រ ភក្រ្តា រដ្ឋមន្រ្តី នៃក្រសួងព័ត៌មាន និងជាប្រធានក្រុមការងារ នៃរាជរដ្ឋាភិបាល ចុះពង្រឹងមូលដ្ឋាន ខេត្តក្រចេះ រួមនិងឯកឧត្តម សាហារ៉ូឌីន ប៊ីនអុន ឯកអគ្គរាជទូតវិសាមញ្ញ និងពេញសមត្ថភាព នៃប្រទេស ម៉ាឡេសុី ប្រចាំនៅព្រះរាជាណាចក្រកម្ពុជា។ ពិធីនេះ បានប្រព្រឹត្តទៅនៅឃុំអូរគ្រៀង ស្រុកអូរគ្រៀងសែនជ័យ ខេត្តក្រចេះ ដោយមានការចូលរួមពីសំណាក់ ឯកឧត្តម លោក ជំទាវ ក្រុមការងារ រាជរដ្ឋាភិបាលចុះមូលដ្ឋានស្រុកអូរគ្រៀង រួមនិង ឯកឧត្តម ហឿ សុីយ៉ែមប្រធានក្រុមប្រឹក្សាខេត្ត ,លោក លោកស្រីប្រធាន អនុប្រធានមន្ទីរ អង្គភាព ជុំវិញខេត្ត ,លោក លោកស្រី មេបញ្ជាការ មេបញ្ជារង នៃកងកម្លាំងទាំងបីប្រភេទ ព្រមទាំងអាជ្ញាធរ ភូមិ ឃុំ និងលោក អភិបាលស្រុក អូរគ្រៀងសែនជ័យ រួមជាមួយនិងប្រជាពលរដ្ឋខ្មែរ ឥស្លាម ជាង៦០០នាក់។ ជាមួយគ្នានេះដែរ ឯកឧត្តម នេត្រ ភក្រ្តា បានមានប្រសាសន៍ ថ្លែងអំណរគុណ ដល់ម្ចាស់ជំនួយ (អង្គការមូនិធិអីមិនកម្ពុជា ដែលបានប្រមូលគៀរគរនូវធនធាន ពីសព្វបុរសនានា ពីសេសពីប្រទេសសាំងហ្កាពួរ ក្នុងការចូលរួមគាំទ្រជាមួយនិងរដ្ឋាភិបាលយេីង ពិសេសចំពោះបងប្អូនខ្មែរ ឥស្លាមយេីង។ ឯកឧត្តមរដ្ឋមន្រ្តី សូមបញ្ជាក់ផងដែរថា ចំពោះអង្គការអីមិនកម្ពុជានេះ គឺជួយបានជាច្រេីនខេត្ត ដូចជា ខេត្តកំពង់ឆ្នាំង និងខេត្តផ្សេងៗទៀតរួមនិងរាជធានីភ្នំពេញផងដែរ ក្នុងនោះមានទាំង សាលារៀន, ព្រះវិហារ ,និងមានឱកាសផ្តល់ក្នុងការអប់រំ សិក្សាដល់កូនចៅ ខ្មែរឥស្លាមយេីងបានជាច្រេីនផងដែរ។ នៅក្នុងឱកាសនេះដែរ ឯកឧត្តរដ្ឋមន្រ្តី នៃក្រសួងព័ត៌មាន ក្នុងនាមរាជរដ្ឋាភិបាល កម្ពុជា ក៍បានថ្លែង អំណរគុណ ចំពោះអង្គការមូលនិធិអិមិនកម្ពុជានេះ ដែលបានចូលរួមគាំទ្រសកម្មភាពជាមនុស្សធម៌ និងចំណាយនូវថវិកា ជាង «៧ មុឺនដុល្លារ»ក្នុងការសាងសង់ ព្រះវិហារនេះជូនដល់បងប្អូនខ្មែរឥស្លាម សម្រាប់ប្រតិបត្តសាសនា ខ្មែរឥស្លាម ក្នុងឃុំ អូរគ្រៀង ស្រុកអូរគ្រៀងសែនជ័យ យេីងនៅទីនេះ។ ឯកឧត្តម រដ្ឋមន្រ្តី សូមបញ្ជាក់បងប្អូនយេីង នៅទីនេះថា ៖ ដោយសារប្រទេសកម្ពុជាយេីង មានសុខ សន្តិភាពពេញលេញលេីផ្ទៃប្រទេស ដូច្នេះហេីយ បងប្អូនមានសិទ្ធគ្រប់គ្រាន់ក្នុងការប្រកបមុខរបរ ផ្សេងៗសម្រាប់ការចិញ្ចឹមជីវិត រស់តទៅអនាគត «នេះដោយសារ ប្រទេសមានសុខសន្តិភាព»។ ដូច្នេះ សូមពុក ម៉ែ បងប្អូន គោរព ស្រលាញ់គ្នា ជាកូនខ្មែរតែមួយ ហេីយនឹងខិតខំបន្តថែរក្សា នូវសុខសន្តិភាព ប្រទេសកម្ពុជាយេីង បានរុងរឿង ជារៀងរហូត ជូនជាតិ ហេីយរាជរដ្ឋាភិបាលយេីងនឹងបន្តការអភិវឌ្ឍប្រទេសបានកាន់តែរីកចម្រេីនរហូតតទៅអនាគត មិនឱ្យចាញ់ប្រទេសជិតខាងឡេីយ។ ឯកឧត្តម រដ្ឋមន្រ្តីនៃក្រសួងព៍ត៌មានបានផ្តល់ជូននូវលិខិតថ្លែងអំណរគុណដល់អង្គការមូលនិធិ និងផ្តល់ជូននៅគ្រឿងភោគបរិភោគជាច្រេីនដល់បងប្អូនដែលបានមកចូលរួមក្នុងកម្មវិធីនាពេលនេះ៕
ព័ត៌មានគួរចាប់អារម្មណ៍
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
រដ្ឋមន្ត្រីក្រសួងសាធារណការ អនុញ្ញាតឱ្យអ្នកគ្រប់គ្រងទូទៅក្រុមហ៊ុនដឹកជញ្ជូន CMA CGM Group ប្រចាំកម្ពុជា-វៀតណាម ចូលជួបពិភាក្សាការងារពាក់ព័ន្ធនឹងកាលានុវឌ្ឍនភាពក្នុងចូលរួមចំណែកអភិវឌ្ឍន៍វិស័យដឹកជញ្ជូន និងភស្តុភារកម្មនៅកម្ពុជា ()
វីដែអូ