(បាត់ដំបង)រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការបង្ការទប់ស្កាត់ និងបង្រ្កាបគ្រឿងញៀន តាមបណ្តាខេត្តជាប់ព្រំដែន និងច្រកទ្វារព្រំដែន លោក ម៉ក់ ជីតូ បានជំរុញដល់សមត្ថកិច្ចជាប់ព្រំដែន ក្នុងភូមិសាស្រ្តខេត្តបាត់ដំបង ទាំងអស់ ត្រូវពង្រឹងវិធានការបង្ការ ទប់ស្កាត់ បង្ក្រាបគ្រឿងញៀនឆ្លងដែន និងក្នុងសហគមន៍នៃស្រុកជាប់ព្រំដែននៃខេត្តបាត់ដំបង ។ការណែនាំនេះ ក្នុងពេលដែលលោក មានវត្តមានចូលរួមក្នុងកិច្ចប្រជុំត្រួតពិនិត្យតាមខ្សែបន្ទាត់ព្រំដែន ក្នុងភូមិសាស្ត្រនៃខេត្តបាត់ដំបង មានស្រុកកំរៀង ភ្នំព្រឹក និងស្រុកសំពៅលូន ដើម្បីពង្រឹងវិធានការបង្ការ ទប់ស្កាត់ និងបង្ក្រាបគ្រឿងញៀនឆ្លងដែន និងនៅក្នុងសហគមន៍នៃស្រុកជាប់ព្រំដែន កាលពីថ្ងៃទី ២០ ខែកុម្ភៈ ឆ្នាំ២០២៥ ដោយមានការចូលរួមពីលោក ធូ ភា អភិបាលរងខេត្ត និងជាតំណាងដ៏ខ្ពង់ខ្ពស់ ឯកឧត្ដម សុខ លូ អភិបាលខេត្តបាត់ដំបង ព្រមទាំងអាជ្ញារស្រុក និងសមត្ថកិច្ចពាក់ព័ន្ធជាច្រើនទៀត ។លោក ម៉ក់ ជីតូ បានធ្វើការវាយតម្លៃខ្ពស់ និងកោតសរសើរចំពោះលទ្ធផលនៃប្រតិបត្តិការរបស់ស្ថាប័នពាក់ព័ន្ធទាំងអស់ ដែលជាសមាជិកគណៈកម្មការបង្ការទប់ស្កាត់ បង្ក្រាបគ្រឿងញៀនតាមបណ្ដាខេត្តជាប់ព្រំដែន និងតាមច្រកទ្វារព្រំដែន នៃយុទ្ធនាការប្រយុទ្ធប្រឆាំងគ្រឿងញៀន ចំពោះការអនុវត្តការងារកន្លងមកនេះ សំដៅលើការបង្ការទប់ស្កាត់ និងបង្ក្រាបបទល្មើសគ្រឿងញៀន ។លោក រដ្ឋលេខាធិការក្រសួងមហាផ្ទៃ បានណែនាំឱ្យពង្រឹងការដឹកនាំទទួលខុសត្រូវរបស់គណៈកម្មការត្រួតពិនិត្យគ្រឿងញៀនខេត្តបន្ថែមទៀត ពោលត្រូវបន្តជំរុញការងារអប់រំផ្សព្វផ្សាយ តាមគោលនយោបាយភូមិ ឃុំ មានសុវត្ថិភាព ៣កុំ ១រាយការណ៍ ពិសេសសង្កត់ធ្ងន់អំពីគ្រោះថ្នាក់នៃគ្រឿងញៀន និងការប្រឈមចំពោះមុខច្បាប់ លើសពីនេះ ត្រូវបំប៉នសមត្ថភាពមន្ត្រីអនុវត្តន៍ច្បាប់ អំពីច្បាប់ជំនាញ និងពង្រឹងវិន័យ ដើម្បីអនុវត្តការងារកាន់តែទទួលបានជោគជ័យ ៕
ព័ត៌មានគួរចាប់អារម្មណ៍
ឧកញ៉ា ឡេង សុខគា ដឹកនាំប្រតិភូសភាពាណិជ្ជកម្មកម្ពុជា ទស្សនា និងស្វែងយល់ពីបច្ចេកវិទ្យាកែច្នៃ និងវេចខ្ចប់នៃបណ្តាក្រុមហ៊ុនមួយចំនួន ដែលបានកំពុងដាក់តាំងបង្ហាញក្នុងកម្មវិធីពិព័រណ៍អន្តរជាតិក្រុងហូជីមីញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកជំទាវ Zou Jiayi ប្រធាន និងជាប្រធានក្រុមប្រឹក្សាភិបាល នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ()
រដ្ឋមន្ត្រីទេសចរណ៍៖ វិស័យទេសចរណ៍ គឺខ្វះព័ត៌មានមិនបានជាដាច់ខាត ()
កម្ពុជាបណ្ដេញជនបរទេសខុសច្បាប់ជាង ១,៥០០នាក់ បន្ថែមទៀតចេញពីកម្ពុជា ពាក់ព័ន្ធករណីឆបោកអនឡាញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកស្រី Rabab Fatima អគ្គលេខាធិការរង អង្គការសហប្រជាជាតិ និងជាតំណាងជាន់ខ្ពស់សម្រាប់ប្រទេសអភិវឌ្ឍន៍តិចតួច ប្រទេសកំពុងអភិវឌ្ឍន៍ គ្មានព្រំដែនជាប់សមុទ្រ និងប្រទេសដីកោះកំពុងអភិវឌ្ឍន៍តូច ()
វីដែអូ