ថ្ងៃអាទិត្យ ទី៣១ ខែសីហា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
អាជ្ញាធរខេត្តកំពត​ ប្តេជ្ញាអនុវត្តកម្មវិធីផ្តល់ដីការពារព្រៃ​ ដើម្បីរួមគ្នាអភិវឌ្ឍន៍ប្រកបដោយចីរភាព​ ឱ្យមានប្រសិទ្ធភាពខ្ពស់
Sat,01 February 2025 (Time 12:12 AM)
ដោយ ៖ (ចំនួនអ្នកអាន: 107នាក់)

កំពត៖​ អភិបាលខេត្តកំពត​ លោក ម៉ៅ ធនិន បានណែនាំដល់គណកម្មការចំពោះកិច្ច នៅតាមមូលដ្ឋានឃុំ-សង្កាត់ យកចិត្តទុកដាក់ក្នុងផ្សព្វផ្សាយកម្មវិធី “ផ្តល់ដីការពារព្រៃ ដើម្បីរួមគ្នាអភិវឌ្ឍន៍ប្រកបដោយចីរភាព” របស់រាជរដ្ឋាភិបាលឱ្យបានទូលំទូលាយ និងបានដល់ប្រជាពលរដ្ឋគ្រប់មូលដ្ឋានកុំឱ្យមានចន្លោះ។ ការណែនាំដូចនេះ​ ក្នុងកិច្ចប្រជុំស្តីពី​ ការត្រៀមអនុវត្ត កម្មវិធី “ផ្តល់ដី ការពារព្រៃ ដើម្បីរួមគ្នាអភិវឌ្ឍប្រកបដោយចីរភាព” នៅព្រឹកថ្ងៃទី៣១ ខែមករា ឆ្នាំ២០២៥។

លោកអភិបាលខេត្ត​ ក៏បានជំរុញឱ្យអាជ្ញាធរមូលដ្ឋានឃុំ-សង្កាត់​ ទាំងអស់ ត្រូវយកចិត្តទុកដាក់ក្នុងការអនុវត្តកម្មវិធី “ផ្តល់ដី ការពារព្រៃ ដើម្បីរួមគ្នាអភិវឌ្ឍប្រកបដោយចីរភាព” របស់រាជរដ្ឋាភិបាល ឱ្យមានប្រសិទ្ធភាព និងប្រសិទ្ធផល បានទាន់ពេលវេលា ហើយការងារដែលចាំបាច់បំផុតនោះគឺត្រូវធ្វើការវិនិច្ឆ័យកុំឱ្យលម្អៀង។

ជាមួយគ្នានេះ​ លោក ព្រាប សុផាត​ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី​ ខេត្តកំពត បានបញ្ចាក់ថា ការអនុវត្តកម្មវិធី “ផ្តល់ដី ការពារព្រៃ ដើម្បីចូលរួមអភិវឌ្ឍប្រកបដោយចីរភាព” នឹងចាប់ផ្តើមធ្វើការផ្សព្វផ្សាយ និងទទួលពាក់ចពីថ្ងៃទី១ ខែកុម្ភៈ ឆ្នាំ២០២៥​ ទៅ ដោយដំណើរការនិតិវិធីត្រូវប្រើរយៈពេលសរុបចំនួន ៥១ថ្ងៃ សម្រាប់នៅថ្នាក់ក្រោមជាតិ ហើយអាជ្ញាធរមូលដ្ឋានឃុំ-សង្គាត់ ដែលស្ថិនៅក្នុងគណៈកម្មការចំពោះកិច្ច​ ជាតួអង្គសំខាន់បំផុតក្នុងកិច្ចការងារនេះ។

ទន្ទឹមនេះ​ អាជ្ញាធរស្រុក និងអាជ្ញាធរឃុំ-សង្កាត់​ នៅក្នុងខេត្តកំពត បានបង្ហាញសេចក្តីត្រេកអរ និងចូលរួមគាំទ្រយ៉ាងពេញទំហឹងចំពោះគោលនយោបាយរបស់រាជរដ្ឋាភិបាល ដែលបានដាក់ចេញនូវកម្មវិធី “ផ្តល់ដី ការពារព្រៃ ដើម្បីចូលរួមអភិវឌ្ឍប្រកបដោយចីរភាព” ដែលជាកម្មវិធីថ្មីមួយសម្រាប់ជួយពលរដ្ឋក្រីក្រនៅតាមមូលដ្ឋាន ព្រោះពួកគាត់រំពឹងថា ពលរដ្ឋក្រីក្រនៅក្នុងមូលដ្ឋាន និងមានដី មានមុខរបរ និងជីវភាពរស់នៅប្រសើរជាងមុន។

អាជ្ញាធរ និងមន្ត្រីជំនាញក៏បានអំពាវនាវដល់ពលរដ្ឋ ដែលមានសញ្ជាតិខ្មែរពីកំណើត ហើយពុំដីរស់នៅពិតប្រាកដ ក្រីក្រពិតប្រាកដ និងមានឆន្ទៈចង់ទៅរស់នៅកន្លែងថ្មីដែលរដ្ឋផ្តល់ជូន ប្រញាប់ទៅសាកសួរព័ត៌មានបន្ថែមនៅតាមឃុំ-សង្កាត់ ដែលខ្លួនកំពុងរស់នៅ​ ដើម្បីដាក់ពាក្យស្នើសុំដីឱ្យបានទាន់ពេលវេលា៕

ព័ត៌មានគួរចាប់អារម្មណ៍

សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()

ព័ត៌មានគួរចាប់អារម្មណ៍

ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()

ព័ត៌មានគួរចាប់អារម្មណ៍

សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម​ គីម​ រិទ្ធី​ ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()

ព័ត៌មានគួរចាប់អារម្មណ៍

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()

ព័ត៌មានគួរចាប់អារម្មណ៍

រដ្ឋមន្ត្រីក្រសួងសាធារណការ អនុញ្ញាតឱ្យអ្នកគ្រប់គ្រងទូទៅក្រុមហ៊ុនដឹកជញ្ជូន CMA CGM Group ប្រចាំកម្ពុជា-វៀតណាម ចូលជួបពិភាក្សាការងារពាក់ព័ន្ធនឹងកាលានុវឌ្ឍនភាពក្នុងចូលរួមចំណែកអភិវឌ្ឍន៍វិស័យដឹកជញ្ជូន និងភស្តុភារកម្មនៅកម្ពុជា ()

វីដែអូ