បាត់ដំបង៖ ឯកឧត្តម ច័ន្ទ សុផល តំណាងរាស្រ្តមណ្ឌលបាត់ដំបង និងជាអនុប្រធានគណៈកម្មការទី៤ នៃរដ្ឋសភា និងឯកឧត្តម ខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន នៅព្រឹកថ្ងៃទី៣០ ខែធ្នូ ឆ្នាំ២០២៥ បាននាំយកអំណោយសម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ តំណាងរាស្រ្តមណ្ឌលបាត់ដំបង និងលោកជំទាវ ញ៉ែម សាខន ប្រគល់ជូនដល់កងកម្លាំងនគរបាលវរព្រំដែនគោកចំណុះស្នងការដ្ឋាននគរបាលខេត្តបាត់ដំបង កំពុងឈរជើងយ៉ាងអង់អាចក្លាហាន ក្នុងកិច្ចការពារបូរណភាពទឹកដីនៃព្រះរាជាណាចក្រកម្ពុជា។អំណោយប្រគល់ជូនដោយផ្ទាល់នៅស្នងការដ្ឋាននគរបាលខេត្តបាត់ដំបង ក្នុងនោះរួមមាន៖ ឈុតប្រអប់បាយតេជោរាយស៍ចំនួន ៦០០ឈុត ទឹកសុទ្ធចំនួន ៤០កេស និងទឹកដោះគោចំនួន ៤០កេស។លោកឧត្តមសេនីយ៍ទោ ដាញ់ អេងប៊ុនចាន់ តាងនាមថ្នាក់ដឹកនាំស្នងការ និងក្នុងនាមកងកម្លាំងនគរបាលជាតិ ទាំងអស់ចំណុះស្នងការដ្ឋាននគរបាលខេត្តបាត់ដំបង សូមគោរពអរគុណយ៉ាងជ្រាលជ្រៅបំផុតចំពោះទឹកចិត្តដ៏ថ្លៃថ្លារបស់ សម្តេចក្រឡាហោម ស ខេង និងលោកជំទាវ តាមរយៈគណៈប្រតិភូក្រឡាហោមមនុស្សធម៌បាត់ដំបង ដែលជានិច្ចកាលតែងតែបានគិតគូរអំពីសុខទុក្ខរបស់កងកម្លាំងនគរបាល ដោយបាននាំយកអំណោយទាំងនេះជូនដល់កងកម្លាំងនគរបាលខេត្តបាត់ដំបង។លោកឧត្តមសេនីយ៍ទោ ដាញ់ អេងប៊ុនចាន់ តំណាងឱ្យកងកម្លាំងនគរបាលជាតិទាំងអស់ សូមគោរពជូនពរសម្តេច និងលោកជំទាវ ព្រមទាំងប្រតិភូទាំងអស់ ដែលបានចំណាយពេលវេលានាំយកអំណោយដ៏ថ្លៃថ្លានេះ ប្រគល់ជូនដល់កងកម្លាំងនគរបាល និងសូមគោរពជូនពរ សម្តេច និងលោកជំទាវ ព្រមទាំងប្រតិភូទាំងអស់ សូមបានប្រកបដោយសុខភាពល្អបរិបូរណ៍ កាយពលមាំមួន ប្រាជ្ញាភ្លឺថ្លា និងសម្រេចបានជោគជ័យគ្រប់ភារកិច្ចហើយលោកស្នងការនឹងធ្វើការបែងចែកសម្ភារៈទាំងអស់នេះ ទៅកងកម្លាំងនគរបាលនៅជួរមុខទាន់ពេលវេលា និងបានប្រើប្រាស់ជាក់ស្តែង៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ