ភ្នំពេញ៖ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអំពាវនាវដល់អាជ្ញាធររាជធានីភ្នំពេញ យកចិត្តទុកដាក់ចំពោះពលរដ្ឋភៀសសឹកពីព្រំដែនកម្ពុជា-ថៃ មកស្នាក់នៅរាជធានីភ្នំពេញ ដោយការឈ្លានពានពីប្រទេសថៃ។ការអំពាវនាវនេះ បានធ្វើក្នុងឱកាសលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញចូលរួមជាអធិបតីក្នុងកម្មវិធីសំណេះសំណាល សួរសុខទុក្ខ និងចែកអំណោយជូនប្រជាពលរដ្ឋភៀសសឹកមកពីបណ្តាខេត្តជាប់ព្រំដែនកម្ពុជា-ថៃ ដែលរងការឈ្លានពានពីកងទ័ពថៃ ស្ថិតនៅមុខសាលមហោស្រព និងពិព័រណ៍កោះពេជ្រ នៅព្រឹកថ្ងៃទី២៦ ខែធ្នូនេះ។នៅក្នុងពិធីជួបសំណេះសំណាល លោកជំទាវបណ្ឌិតពេជ ចន្ទមុន្នី ហ៊ុនម៉ាណែត បានបន្តថា សង្គ្រាមបង្កឡើងដោយប្រទេសថៃនៅពេលនេះ មិនមែនជាជម្លោះព្រំដែនដូចមុននោះទេ ពោលគឺជាការឈ្លានពានរំលោភដែនអធិបតេយ្យប្រទេសកម្ពុជា ម្លោះហើយមិនដឹងថាសង្រ្គាមចប់នៅពេលណានោះទេ។ ដូច្នេះសូមប្រជាពលរដ្ឋខ្មែរ ត្រូវរួបរួមសាមគ្គីគ្នា និងជឿជាក់លើការដឹកនាំរបស់សម្តេចតេជោ សម្តេចធិបតី និងរាជរដ្ឋាភិបាលកម្ពុជាក្នុងកិច្ចការពារដែនអធិបតេយ្យកម្ពុជា។ លើសពីនេះ លោកជំទាវបណ្ឌិត ក៏ផ្តាំផ្ញើសួរសុខទុក្ខប្រកបដោយក្តីស្រលាញ់រាប់ពីសម្តេចតេជោ សម្តេចកិត្តិព្រឹទ្ធបណ្ឌិត និងសម្តេចធិបតី ហ៊ុនម៉ាណែត ដែលតែងតែគិតពីសុខទុក្ខប្រជាពលរដ្ឋគ្រប់កាលៈទេសៈ។ពលរដ្ឋភៀសសឹក បានលើកឡើងដែរថា មូលហេតុមកស្នាក់នៅរាជធានីភ្នំពេញ ព្រោះគិតថាកន្លែងនេះនៅឆ្ងាយពីព្រំដែន មានសុវត្ថិភាព ព្រមទាំងអាជ្ញាធររាជធានីភ្នំពេញ យកចិត្តទុកដាក់ផងដែរ។ លើសពីនេះ ពលរដ្ឋភៀសសឹកទាំងអស់នេះ បានអរគុណសម្តេចតេជោ និងក្រុមគ្រួសារ និងសប្បុរសជននានាដែលបានផ្តល់ស្បៀងអាហារ និងថវិកាជាដើម។បើតាមរបាយការណ៍របស់រដ្ឋបាលរាជធានីភ្នំពេញ បានឲ្យដឹងថា គិតត្រឹមថ្ងៃទី២៤ ខែធ្នូ ឆ្នាំ២០២៥ ប្រជាពលរដ្ឋភៀសសឹកដែលរងផលប៉ះពាល់ពីសង្គ្រាមឈ្លានពាន របស់យោធាថៃ បានមកស្នាក់នៅតាមបណ្តាខណ្ឌទាំង១៤ ក្នុងភូមិសាស្រ្តរាជធានីភ្នំពេញមានចំនួន ១,៧៨៩ គ្រួសារ ស្មើនឹងពលរដ្ឋជិត ៦ពាន់នាក់ ក្នុងនោះកុមារមានចំនួនជាង ១ពាន់នាក់៕
ព័ត៌មានគួរចាប់អារម្មណ៍
ឧកញ៉ា ឡេង សុខគា ដឹកនាំប្រតិភូសភាពាណិជ្ជកម្មកម្ពុជា ទស្សនា និងស្វែងយល់ពីបច្ចេកវិទ្យាកែច្នៃ និងវេចខ្ចប់នៃបណ្តាក្រុមហ៊ុនមួយចំនួន ដែលបានកំពុងដាក់តាំងបង្ហាញក្នុងកម្មវិធីពិព័រណ៍អន្តរជាតិក្រុងហូជីមីញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកជំទាវ Zou Jiayi ប្រធាន និងជាប្រធានក្រុមប្រឹក្សាភិបាល នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ()
រដ្ឋមន្ត្រីទេសចរណ៍៖ វិស័យទេសចរណ៍ គឺខ្វះព័ត៌មានមិនបានជាដាច់ខាត ()
កម្ពុជាបណ្ដេញជនបរទេសខុសច្បាប់ជាង ១,៥០០នាក់ បន្ថែមទៀតចេញពីកម្ពុជា ពាក់ព័ន្ធករណីឆបោកអនឡាញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកស្រី Rabab Fatima អគ្គលេខាធិការរង អង្គការសហប្រជាជាតិ និងជាតំណាងជាន់ខ្ពស់សម្រាប់ប្រទេសអភិវឌ្ឍន៍តិចតួច ប្រទេសកំពុងអភិវឌ្ឍន៍ គ្មានព្រំដែនជាប់សមុទ្រ និងប្រទេសដីកោះកំពុងអភិវឌ្ឍន៍តូច ()
វីដែអូ