លោក តេង ស៊ីជុន បេសកជនពិសេសរបស់ក្រសួងការបរទេសចិន ទទួលបន្ទុកកិច្ចការអាស៊ី បានកត់សម្គាល់ថា ចិនសង្ឃឹមថា ប្រទេសកម្ពុជា និងថៃ នឹងឈានទៅរកគ្នាទៅវិញទៅមក ធ្វើការដើម្បីស្តារទំនុកចិត្តគ្នាទៅវិញទៅមក និងកសាងសន្តិភាពឡើងវិញ តាមបណ្តោយព្រំដែន។ក្រសួងការបរទេសចិន បានប្រកាសនៅក្នុងសេចក្ដីប្រកាសព័ត៌មានមួយនៅថ្ងៃអង្គារទី២៣ធ្នូនេះថា ចាប់ពីថ្ងៃទី១៨រហូតមកដល់ថ្ងៃទី២៣ធ្នូ លោក តេង ស៊ីជុន បេសកជនពិសេសរបស់ក្រសួងការបរទេសចិន ទទួលបន្ទុកកិច្ចការអាស៊ី បានធ្វើទស្សនកិច្ចនៅកម្ពុជា និងថៃ ហើយបានចូលរួមក្នុងការទូតរួមគ្នាលើការប៉ះទង្គិចតាមព្រំដែនថ្មីៗ រវាងប្រទេសទាំងពីរ។បេសកជនពិសេសរូបនេះ បានសង្កត់ធ្ងន់ថា អាទិភាពចម្បងសម្រាប់ប្រទេសថៃ និងកម្ពុជា គឺការព្រមព្រៀងលើបទឈប់បាញ់ និងបញ្ឈប់ការប្រយុទ្ធគ្នាឱ្យបានឆាប់ តាមដែលអាចធ្វើទៅបាន បន្តការសន្ទនា និងដោះស្រាយជម្លោះព្រំដែនរបស់ពួកគេដោយសន្តិវិធី។ក្រសួងការបរទេសចិនបានឲ្យដឹងថា នៅ កម្ពុជា លោក តេង បានជួបជាមួយ សម្តេចនាយករដ្ឋមន្ត្រី ហ៊ុន ម៉ាណែត លោក ឧបនាយករដ្ឋមន្ត្រី និងជារដ្ឋមន្ត្រី ក្រសួង ការបរទេស ប្រាក់ សុខុន, លោក ឧបនាយករដ្ឋមន្ត្រី និងជារដ្ឋមន្ត្រីក្រសួង ការពារជាតិ ទៀ សីហា និង មេបញ្ជាការ កងទ័ព ជើងគោក លោក ម៉ៅ សុផាន់។ រីឯនៅប្រទេសថៃបេសកជនចិន បានជួបជាមួយនាយករដ្ឋមន្ត្រីថៃចាំផ្ទះ លោក អនុទីន ឆានវីរគុល, រដ្ឋមន្ត្រីក្រសួងការពារជាតិ លោក ណាត់តៈពល ណាកផានិច្ច, មេបញ្ជាការកំពូលលោក ឧគ្រីត ប៊ុនតានន្ន និងលោកស្រី ឯកសិរិ ពីនថៈរុជិ លេខាធិការអចិន្ត្រៃយ៍ក្រសួងការបរទេសថៃ។លោក តេង បាននិយាយថា ប្រទេសចិនមានការព្រួយបារម្ភយ៉ាងខ្លាំងអំពីស្ថានភាពបច្ចុប្បន្នតាមបណ្តោយព្រំដែនកម្ពុជា-ថៃ ហើយមានការសោកស្ដាយយ៉ាងខ្លាំងចំពោះអ្នកស្លាប់ អ្នករបួស និងការផ្លាស់ទីលំនៅដែលបង្កឡើងដោយជម្លោះនេះ ដែលរដ្ឋាភិបាលចិន ចូលរួមរំលែកទុក្ខយ៉ាងស្មោះស្ម័គ្រ។ នេះបើយោងតាមសេចក្ដីប្រកាសព័ត៌មានរបស់ក្រសួងការបរទេស។ លោកសង្កតធ្ងន់ថា អាទិភាពបន្ទាន់បំផុត គឺការសម្រេចបាន បទឈប់បាញ់បន្ទាន់ បញ្ឈប់ការប្រយុទ្ធ និងបន្តការសន្ទនា ដើម្បីដោះស្រាយជម្លោះព្រំដែនតាមរយៈមធ្យោបាយសន្តិវិធី។ចិនគាំទ្រកិច្ចខិតខំប្រឹងប្រែងសម្របសម្រួលរបស់អាស៊ាន និងគាំទ្រតួនាទីដ៏សំខាន់របស់បេសកកម្មសង្កេតការណ៍អាស៊ាន ក្នុងការតាមដានបទឈប់បាញ់។ ប្រទេសចិនត្រៀមខ្លួនជាស្រេចម្ដងទៀត ដើម្បីជួយបង្កើតលក្ខខណ្ឌ និងផ្តល់វេទិកាសម្រាប់ការសន្ទនា និងការចរចារវាងភាគីទាំងពីរ។លោក តេង បានកត់សម្គាល់ថា ចិនសង្ឃឹមថា ប្រទេសកម្ពុជា និងថៃ នឹងឈានទៅរកគ្នាទៅវិញទៅមក ធ្វើការដើម្បីស្តារទំនុកចិត្តគ្នាទៅវិញទៅមក និងកសាងសន្តិភាពឡើងវិញ តាមបណ្តោយព្រំដែន។ ទាំងប្រទេសកម្ពុជា និងថៃ បានសម្ដែងការកោតសរសើរចំពោះកិច្ចខិតខំប្រឹងប្រែងជាបន្តបន្ទាប់របស់ប្រទេសចិន ក្នុងការលើកកម្ពស់សន្តិភាព និងការចរចាតាមរបៀបដែលអាចទទួលយកបានសម្រាប់គ្រប់ភាគីទាំងអស់។ នេះបើយោងតាមក្រសួងការបរទេសចិនដដែល។ក្រសួងការបរទេសចិន បានបង្ហាញថា ប្រទេសទាំង២ បានបញ្ជាក់ជាថ្មីនូវការប្តេជ្ញាចិត្តចំពោះសន្តិភាព និងបានសម្ដែងក្ដី សង្ឃឹមក្នុងការសម្រេចបាននូវបទឈប់ បាញ់ប្រកបដោយចីរភាពនិងបាននិយាយ ថា ពួកគេមានឆន្ទៈក្នុងការរក្សាការទំនាក់ទំនងយ៉ាងជិតស្និទ្ធជាមួយប្រទេស ចិន ដើម្បីជួយបន្ធូរបន្ថយភាពតានតឹងនិងស្តារ សន្តិភាពនិងស្ថិរភាពនៅតាមតំបន់ព្រំដែន កម្ពុជា-ថៃ ឡើងវិញនៅពេលឆាប់ៗ៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត មានគំនិតផ្តួចផ្តើមដ៏ឈ្លាសវៃបំផុតលើចលនា «យើងរួមគ្នាដើម្បីជាតិ!» ដោយបំផុស សមាជិកកាយឫទ្ធិនារីកម្ពុជា រួមទាំងបងប្អូនខ្មែរទាំងអស់នាំគ្នាដាំបន្លែ ប្រមូលផលទុកជូនវីរកងទ័ព និងប្រជាជនភៀសសឹក ()
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
វីដែអូ