បាត់ដំបង៖ ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាល នៃគណៈអភិបាលខេត្តបាត់ដំបងបានអញ្ជើញពិនិត្យសកម្មភាព ប្រជាពលរដ្ឋភៀសសឹកកំពុងធ្វើការដាំដុះបន្លែដើម្បីផ្គត់ផ្គង់ការហូបចុកប្រចាំថ្ងៃ នៅមណ្ឌលសុវត្ថិភាពវត្តអូរដូនពៅ ស្ថិតក្នុងឃុំឃ្លាំងមាស ស្រុកបវេល។ទន្ទឹមនឹងទទួលបានការជួយឧបត្ថម្ភគាំទ្រជាបន្តបន្ទាប់ពីសប្បុរសជន ឯកឧត្តម សុខ លូ អភិបាលខេត្ត បានបំផុសស្មារតីឱ្យប្រជាពលរដ្ឋភៀសសឹកចាប់ផ្ដើមធ្វើការដាំដុះបន្លែផ្សេងៗដើម្បីផ្គត់ផ្គង់ការហូបចុកប្រចាំថ្ងៃបន្ថែមទៀត ដើម្បីឱ្យប្រជាពលរដ្ឋចេះតស៊ូ ប្រែក្លាយការឈឺចាប់ដោយសារការឈ្លានពានពីភាគីថៃពង្រឹងស្មារតីជាតិនិយម ដើម្បីជាតិខ្មែរយើងកាន់តែរឹងមាំ។សូមជម្រាបថា ក្រោមការយកចិត្តទុកដាក់ខ្ពស់ពីឯកឧត្តម សុខ លូ អភិបាលនៃគណៈអភិបាលខេត្តបាត់ដំបង នៅគ្រប់មណ្ឌលសុវត្ថិភាពទាំងអស់រដ្ឋបាលខេត្តបានចាត់តាំងអភិបាលរងខេត្ត១រូប និងមន្ទីរអង្គភាពជុំវិញខេត្ត ក្រុមគ្រូពេទ្យ យុវជនស្ម័គ្រចិត្ត និងរដ្ឋបាលស្រុក រដ្ឋបាលឃុំ ជួយចាត់ចែងការងារសណ្ដាប់ធ្នាប់ មើលការខុសត្រូវសុខភាពបងប្អូនប្រជាពលរដ្ឋភៀសសឹកដោយយកចិត្តទុកដាក់ និងទទួលខុសត្រូវខ្ពស់បំផុត៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត មានគំនិតផ្តួចផ្តើមដ៏ឈ្លាសវៃបំផុតលើចលនា «យើងរួមគ្នាដើម្បីជាតិ!» ដោយបំផុស សមាជិកកាយឫទ្ធិនារីកម្ពុជា រួមទាំងបងប្អូនខ្មែរទាំងអស់នាំគ្នាដាំបន្លែ ប្រមូលផលទុកជូនវីរកងទ័ព និងប្រជាជនភៀសសឹក ()
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
វីដែអូ