អភិបាលរាជធានីភ្នំពេញ ថ្លែងអំណរគុណចំពោះសប្បុរជន ក្រុមហ៊ុនឯកជន និងស្ថាប័នរដ្ឋ ដែលបន្តនាំយកជំនួយប្រគល់ជូនរដ្ឋបាលរាជធានីភ្នំពេញសម្រាប់ចែកជូនវីរកងទ័ពជួរមុខ និងជនភៀសសឹក
(ភ្នំពេញ)៖ សប្បុរសជន ប្រជាពលរដ្ឋ អាជីវករលក់ដូរតាមផ្សារ ស្ថាប័នរដ្ឋ អាជ្ញាធរខណ្ឌ និងក្រុមហ៊ុនឯកជន នៅតែបន្តនាំយកអំណោយមកប្រគល់ជូនរដ្ឋបាលរាជធានីភ្នំពេញ ដោយមានទាំងថវិកា គ្រឿង ឧបភោគ បរិភោគ ថ្នាំពេទ្យ សម្ភារជាច្រើនមុខ ដើម្បីចែកជូនវីរកងទ័ពជួរមុខ និងជនភៀសសឹកនៅតាមមណ្ឌលសុវត្ថិភាពនានា ជាបន្តបន្ទាប់នៅខេត្តព្រះវិហារ និងខេត្តឧត្ដរមានជ័យ។
នៅរសៀលថ្ងៃទី១៧ ខែធ្នូ ឆ្នាំ២០២៥នេះដែរ លោក ឃួង ស្រេង អភិបាលរាជធានីភ្នំពេញ បានអញ្ជើញទទួលជំនួញដោយផ្ទាល់ពីសប្បុរសជននានា។
ក្នុងឱកាសនោះ លោក ឃួង ស្រេង បានថ្លែងនូវការអរគុណយ៉ាងជ្រាលជ្រៅបំផុត ចំពោះសប្បុរសជនទាំងអស់ ទាំងមន្ត្រីរាជការតាមស្ថាប័នរដ្ឋ និងអាជ្ញាខណ្ឌ មន្ទីរ អង្គភាព ក្រុមហ៊ុនឯកជននានា ដែលបានចូលរួម ចែករំលែកនូវធនធានទៅតាមលទ្ធភាពរៀងៗខ្លួន ដើម្បីឧបត្ថម្ភដល់វីរកងទ័ពជួរមុខ និងក្រុមគ្រួសារពលរដ្ឋជាជនភៀសសឹកដែលបាននិងកំពុងភៀសខ្លួនចេញពីផ្ទះសម្បែងទៅស្នាក់នៅទីកន្លែងសុវត្ថិភាព។ សកម្មភាពនេះពិតជាបានបង្ហាញឱ្យឃើញពីទឹកចិត្តសប្បុរសធម៌របស់បងប្អូន ប្រជាពលរដ្ឋក្នុងរាជធានីភ្នំពេញ ក្នុងការសាមគ្គីភាព ជាធ្លុងមួយខ្មែរស្រលាញ់ខ្មែរ ។
សប្បុរសជន ដែលនាំអំណោយមកប្រគល់ជូនរដ្ឋបាលរាជធានីភ្នំពេញ នៅថ្ងៃទី១៧ ខែធ្នូ ឆ្នាំ២០២៥នេះ រួមមាន សៅ លក្ខណា, រដ្ឋបាលខណ្ឌទួលគោក, នាយកដ្ឋានគតិយុត្ដ ធនាគារអភិវឌ្ឍន៍ជនបទ និងកសិកម្ម, ក្រុមហ៊ុនតិចស៊ន ៥, ក្រុមហ៊ុនម៉េង ឃាង , រដ្ឋបាលខណ្ឌចំការមន រួមជាមួយសប្បុរសជន, សាខាបក្សប្រជាជនរាជធានីភ្នំពេញ២៥, គណៈកម្មការផ្សារអូរប្ញស្សី, ភោជនីយដ្ឋានជួបបងប្អូនភ្នំពេញ, រដ្ឋបាលខណ្ឌជ្រោយចង្វារ, រដ្ឋបាលខណ្ឌច្បារអំពៅ, ក្រុមហ៊ុន FBP, មជ្ឍមណ្ឌលសេបឌើ, គណៈកម្មការផ្សារទួលទំពូង, គណៈកម្មការផ្សារចាស់, ក្រុមហ៊ុន គឹម ហួយសេង Ltb, រដ្ឋបាលខណ្ឌ៧មករា, រដ្ឋបាលខណ្ឌទួលគោក ព្រមទាំងសប្បុរសជននានា ជាច្រើនទៀត។
សូមបញ្ជាក់ថា អាជ្ញាធររាជធានីភ្នំពេញ នៅតែបន្តទទួលអំណោយពីសប្បុរសជនតទៅទៀត នៅសាលារាជធានីភ្នំពេញ៕
![]()
![]()
![]()