សៀមរាប៖ លោកទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ (NCDM) បានឱ្យដឹងថា មកដល់ព្រឹកថ្ងៃទី១១ ខែធ្នូ ឆ្នាំ២០២៥ មានជនភៀសសឹកប្រហែល ៤០ ០០០គ្រួសារ ប្រហាក់ប្រហែល ១៣០ ០០០ ទៅ ១៥០ ០០០នាក់ កំពុងស្ថិតនៅក្នុងជម្រកបណ្តោះអាសន្ន ដោយខេត្តសៀមរាបទទួលបានចំនួនច្រើនបំផុតនៃការមកដល់ បន្ទាប់ពីការវាយប្រហាររបស់ថៃយ៉ាងខ្លាំងនៅតាមព្រំដែន។លោកទេសរដ្ឋមន្ត្រី គន់ គីម បានឱ្យដឹងដូចនេះនៅជំរំជនភៀសខ្លួន វត្តប្រាសាទបុទុមមោង ក្នុងខេត្តសៀមរាប នៅព្រឹកថ្ងៃទី១១ ខែធ្នូ ឆ្នាំ២០២៥ ខណៈកំពុងត្រួតពិនិត្យជនភៀសខ្លួននៅមជ្ឈមណ្ឌលនោះ ដែលកំពុងភៀសសឹកចូលយ៉ាងលឿន។ លោកមានសាសន៍ថា ជនភៀសសឹកទាំងអស់មានការផ្គត់ផ្គង់ស្បៀងពីរដ្ឋាភិបាលក្នុងការស្តុកទុក និងការគាំទ្រយ៉ាងខ្លាំងពីសប្បុរសជន។ ទន្ទឹមនេះរដ្ឋាភិបាលកំពុងយកចិត្តទុកដាក់យ៉ាងខ្លាំងចំពោះជនភៀសខ្លួននៅគ្រប់ទីតាំងទូទាំងប្រទេស។លោកទេសរដ្ឋមន្ត្រី បានបញ្ជាក់ថា រដ្ឋាភិបាលបានរក្សាស្ថិរភាពនៃការគ្រប់គ្រងជនភៀសខ្លួន និងជំនួយមនុស្សធម៌ ទោះជាមានការកើនឡើងយ៉ាងឆាប់រហ័សដែលបណ្តាលមកពីការឈ្លានពានរបស់យោធាថៃក៏ដោយ។សូមបញ្ជាក់ថា យោធាថៃបានបើកការវាយប្រហារយ៉ាងខ្លាំងកាលពីថ្ងៃទី៧ ខែធ្នូ ឆ្នាំ២០២៥ ដោយឈ្លាពានទឹកដីកម្ពុជាតាមបណ្តោយព្រំដែន ប្រមាណ ៨០០គីឡូម៉ែត្រ ពីខេត្តព្រះវិហារ ទៅខេត្តកោះកុង។យោងតាមរបាយការណ៍របស់ក្រសួងមហាផ្ទៃ នៅថ្ងៃទី១០ ខែធ្នូ ឆ្នាំ២០២៥ បានឱ្យដឹងថា នៅក្នុងខេត្តចំនួន៧ ជនភៀសសឹកបានកេីនដល់ ៥ម៉ឺន ៦ពាន់គ្រួសារ ស្មេីនឹង ១សែន ៩ម៉ឺននាក់ ដោយមួយចំនួនបានទៅស្នាក់នៅផ្ទះបងប្អូន៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ