បាត់ដំបង៖ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង នៅថ្ងៃទី១១ ខែធ្នូ ឆ្នាំ២០២៥ បានអញ្ជើញដឹកនាំក្រុមការងារចុះពិនិត្យស្ថានភាព សួរសុខទុក្ខជនភៀសសឹក និងចូលរួមជាមួយសប្បុរសជន ចែកបាយនិងម្ហូបអាហារជូនបងប្អូនភៀសសឹកតាមមណ្ឌលសុវត្ថិភាពនានាក្នុងស្រុកបវេល និងស្រុកថ្មគោល ខេត្តបាត់ដំបង។ក្នុឱកាសនោះ ឯកឧត្តម សុខ លូ បានណែនាំដល់អាជ្ញាធរ និងមន្រ្តីជំនាញត្រូវចុះជួយអន្តរាគមន៍ និងសម្របសម្រួលដោះស្រាយបញ្ហាប្រឈមនានាជូនបងប្អូនប្រជាពលរដ្ឋ។ឯកឧត្តមក៏បានណែនាំដល់បងប្អូនជនភៀសសឹកទាំងអស់ដែលស្នាក់នៅក្នុងមណ្ឌលសុវត្ថិភាពសូមចូលរួមរក្សាអនាម័យបរិស្ថាន ហូបស្អាត ផឹកស្អាត និងរស់នៅស្អាត។ប្រជាពលរដ្ឋជាជនភៀសសឹកពីតាមបណ្ដាស្រុកជាប់ព្រំដែនកម្ពុជា-ថៃ ក្នុងភូមិសាស្រ្តខេត្តបាត់ដំបងដែលបានមកស្នាក់នៅមណ្ឌលសុវត្ថិភាពនានាដែលរៀបចំដោយរដ្ឋបាលខេត្តបាត់ដំបង បានបង្ហាញអារម្មណ៍ឈឺចាប់ខ្លោចផ្សារយ៉ាងខ្លាំងដែលត្រូវរងទុក្ខវេទនារត់ភៀសខ្លួនចាកចេញពីផ្ទះសម្បែងដោយសារការបង្កសង្រ្គាមឈ្លានរបស់យោធាថៃមកលើភូមិឋានប្រជាជនស៊ីវិលស្លូតត្រង់របស់កម្ពុជា។សូមជម្រាបថាស្ថានភាពជនភៀសសឹកដែលចូលមកស្នាក់នៅក្នុងមណ្ឌលសុវត្តិភាពនៅក្នុងខេត្តបាត់ដំបងបាននិងកំពុងបន្តកើនឡើងជាបន្តបន្ទាប់៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ