បាត់ដំបង ៖ ភ្ញៀវទេសចរជាតិ អន្តរជាតិ ប្រមាណជាង១២ម៉ឺននាក់ បានមកដើរលេងកម្សាន្ត និងស្នាក់នៅក្នុងខេត្តបាត់ដំបង នាឱកាសថ្ងៃឈប់សម្រាក រយៈពេល៣ថ្ងៃ ក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ចាប់ពីថ្ងៃទី០៤ ដល់ ថ្ងៃទី០៦ ខែវិច្ឆិកា ឆ្នាំ២០២៥ ។នេះបើតាមការផ្តល់ព័ត៌មានពីលោក ហម អរុណ អនុប្រធានមន្ទីរទេសចរណ៍ខេត្តបាត់ដំបង នាព្រឹកថ្ងៃទី០៧ ខែវិច្ឆិកា ឆ្នាំ២០២៥ នេះ ដោយលោក បានបញ្ជាក់យ៉ាងដូច្នេះទៀតថា ចំនួនភ្ញៀវទេសចរជាតិ និងអន្តរជាតិ បានមកលេងខេត្តបាត់ដំបង ក្នុងឱកាសព្រះរាជពិធីបុណ្យអុំទូករយៈពេលបីថ្ងៃសរុបចំនួន១២៣.៩៥៥ នាក់ គឺមានការកើនឡើង១២,១៩% បើប្រៀបធៀបរយៈពេលដូចគ្នាឆ្នាំ២០២៤ ដែលមានជាង១១ម៉ឺននាក់ប៉ុណ្ណោះ ។លោក ហម អរុណ បានបន្តទៀតថា ក្នុងចំណោមភ្ញៀវជាង១២ម៉ឺននាក់នោះ មានភ្ញៀវជាតិចំនួន១២៣.០៨០ នាក់ កើនឡើង១២,២២ % បើប្រៀបធៀបរយៈពេលដូចគ្នាឆ្នាំ២០២៣ មានចំនួន ១០៩.៦៧៧ នាក់ និងភ្ញៀវអន្តរជាតិ ចំនួន៨៧៥ នាក់ កើនឡើង ៧,៧៦ % បើប្រៀបធៀបរយៈពេលដូចគ្នាឆ្នាំ២០២៤ មានចំនួន៨១២នាក់ ។លោក អនុប្រធានមន្ទីរទេសចរណ៍ខេត្តបាត់ដំបង បានបង្ហាញឱ្យដឹងផងដែរថា ភ្ញៀវដែលបានមកលេង និងស្នាក់នៅក្នុងខេត្តបាត់ដំបង បានដើរកម្សាន្តនៅតាមរមនីយដ្ឋាន និងតាមទីវត្តអារាមនានា បានរៀបចំឱ្យមាននូវកម្មវិធីដាល់អំបុកបែបសហគមន៍ ដែលមានការចូលរួមពីសំណាក់ប្រជាពលរដ្ឋនៅតាមសហគមន៍ និងពិសេសមួយទៀត គឺមកលេងកម្សាន្តនៅក្នុងក្រុងបាត់ដំបង ខណៈដែលសមាគមហ្វារពន្លឺសល្បៈ ក្រោមកិច្ចសហការជាមួយរដ្ឋបាលខេត្តបាត់ដំបង បានរៀបចំព្រឹត្តិការណ៍មហោស្រពសិល្បៈទីក្រុងស្អាតប្រចាំឆ្នាំ នៅតាមបណ្តោយផ្លូវលេខ២ ចំកណ្តាលក្រុងបាត់ដំបង ដែលមានការចូលរួមសំដែងដោយក្រុមសិល្បករ សិល្បការិនីរបស់ហ្វាពន្លឺសិល្បៈ និងក្រុមសិល្បៈអន្តរជាតិជាច្រើនប្រទេស បានសំដែងរួមគ្នា និងមានកម្មវិធីសំដែងថ្មីៗរហូត មិនដដែលៗជាន់គ្នា គឺកាន់តែទស្សនា កាន់តែជក់ចិត្ត ដែលធ្វើឱ្យមានភ្ញៀវទេសចរជាតិ និងអន្តរជាតិ រួមជាមួយនឹងប្រជាពលរដ្ឋ បានចូលរួមទស្សនាកម្សាន្តយ៉ាងច្រើនកុះករ៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត មានគំនិតផ្តួចផ្តើមដ៏ឈ្លាសវៃបំផុតលើចលនា «យើងរួមគ្នាដើម្បីជាតិ!» ដោយបំផុស សមាជិកកាយឫទ្ធិនារីកម្ពុជា រួមទាំងបងប្អូនខ្មែរទាំងអស់នាំគ្នាដាំបន្លែ ប្រមូលផលទុកជូនវីរកងទ័ព និងប្រជាជនភៀសសឹក ()
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
វីដែអូ