កណ្តាល៖ កាលពីរសៀលថ្ងៃទី៧ ខែវិច្ឆិកា ឆ្នាំ២០២៥នេះ លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរ បានដឹកនាំសិល្បករ-សិល្បការីនី ប្រមាណជាង ៤០នាក់ ទៅរៀបចំធ្វើកម្មវិបស្សនា រយៈពេល ៣ថ្ងៃ គឺចាប់ពីថ្ងៃទី៧-៨-៩ ខែវិច្ឆិកា ឆ្នាំ២០២៥ នៅពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា ស្ថិតនៅក្នុងភូមិភ្នំបាត ឃុំផ្សារដែក ស្រុកពញា ខេត្តកណ្តាល។តាមរយៈរបៀបវារៈនៃកម្មវិធីបានបញ្ជាក់ថា នៅក្នុងរយៈពេល៣ថ្ងៃនេះ កម្មវិធីវិបស្សនា ក៏បានរួមបញ្ចូលកម្មវិធីជាច្រើនផងដែរ។ ក្រៅពីការស្តាប់គ្រូឧទ្ទេសនាម និងអង្គុយសមាធិ អ្នកឧកញ៉ា ម៉ៅ ចំណាន គិតម៉េង រួមជាមួយនឹងសិល្បករសិល្បការិនី ក៏ត្រូវសង្រួមចិត្តធ្វើការងារជាច្រើននៅក្នុងវត្ត ដូចជា សម្អាតទីធ្លាវត្ត បន្ទប់ទឹក ព្រះវិហារ និងសាលាឆាន់ជាដើម។ដោយឡែក នៅថ្ងៃវិបស្សនាចុងក្រោយ សមាគមសិល្បករខ្មែរ ក៏មានរៀបចំពិធីដាក់បាត និងនិមន្តព្រះសង្ឃ ចំនួន៧អង្គ មកឧទ្ទិសកុសលដល់វិញ្ញាណក្ខន្ធវីរកងទ័ព ដែលបានពលីជីវិតក្នុងបុព្វហេតុជាតិមាតុភូមិ នៅក្នុងសុគន្ធកុដិ ផងដែរ។វិបស្សនា គឺជាបច្ចេកទេសធ្វើចិត្តឲ្យបរិសុទ្ធផូរផង់ដោយខ្លួនឯង ដោយការពិនិត្យមើលខ្លួនឯង។ ជាដំបូងគេចាប់ពិនិត្យមើលដង្ហើមធម្មជាតិ ដើម្បីផ្ចង់ចិត្តឲ្យមូល ដោយមានសតិដឹងយ៉ាងមុតនេះ គេពិនិត្យមើលធម្មជាតិផ្លាស់ប្តូររបស់កាយ និងចិត្ត ហើយពិសោធឃើញសេចក្តីពិតសាកលនៃ ឣនិច្ចំ ទុក្ខំ និងឣនត្តា។ វិបស្សនា ក៏ជាបច្ចេកទេសមួយ ដើម្បីគាស់រំលើងនូវសេចក្តីទុក្ខឲ្យដាច់ឫសគល់។ វិបស្សនា ជាបច្ចេកទេសធ្វើចិត្តឲ្យបរិសុទ្ធ ដែលនាំមនុស្សឲ្យចេះប្រឈមមុខចំពោះភាពតានតឹង និងបញ្ហាជីវិតទាំងឡាយប្រកបដោយចិត្តស្ងប់ស្ងៀម និងមានលំនឹង៕
ព័ត៌មានគួរចាប់អារម្មណ៍
ឧកញ៉ា ឡេង សុខគា ដឹកនាំប្រតិភូសភាពាណិជ្ជកម្មកម្ពុជា ទស្សនា និងស្វែងយល់ពីបច្ចេកវិទ្យាកែច្នៃ និងវេចខ្ចប់នៃបណ្តាក្រុមហ៊ុនមួយចំនួន ដែលបានកំពុងដាក់តាំងបង្ហាញក្នុងកម្មវិធីពិព័រណ៍អន្តរជាតិក្រុងហូជីមីញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកជំទាវ Zou Jiayi ប្រធាន និងជាប្រធានក្រុមប្រឹក្សាភិបាល នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ()
រដ្ឋមន្ត្រីទេសចរណ៍៖ វិស័យទេសចរណ៍ គឺខ្វះព័ត៌មានមិនបានជាដាច់ខាត ()
កម្ពុជាបណ្ដេញជនបរទេសខុសច្បាប់ជាង ១,៥០០នាក់ បន្ថែមទៀតចេញពីកម្ពុជា ពាក់ព័ន្ធករណីឆបោកអនឡាញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកស្រី Rabab Fatima អគ្គលេខាធិការរង អង្គការសហប្រជាជាតិ និងជាតំណាងជាន់ខ្ពស់សម្រាប់ប្រទេសអភិវឌ្ឍន៍តិចតួច ប្រទេសកំពុងអភិវឌ្ឍន៍ គ្មានព្រំដែនជាប់សមុទ្រ និងប្រទេសដីកោះកំពុងអភិវឌ្ឍន៍តូច ()
វីដែអូ