(បាត់ដំបង)ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង លោក ឈឹម វជិរា បានថ្លែងបញ្ជាក់ថា នៅដើមឆ្នាំ២០២៥នេះ ការផលិតស្រូវប្រាំងរបស់ប្រជាកសិករនៅទូទាំងខេត្ត សរុបទាំងអស់មានរហូតទៅដល់ជាង៩ម៉ឺនហ.ត គឺស្មើនឹង៣៣៥% លើផែនការដាំដុះជិត៣ម៉ឺនហ.ត ខណៈការប្រមូលផលស្រូវប្រាំងគិតត្រឹមថ្ងៃទី១៦ ខែមករា ឆ្នាំ២០២៥ ទើបសម្រេចបានប្រមាណ៧% ប៉ុណ្ណោះ ។ការថ្លែងនេះ ក្នុងពេលដែលលោក និងក្រុមការងាររបស់មន្ទីរកសិកម្ម រុក្ខាប្រមាញ់ និងនេសាទខេត្តបាត់ដំ បងជាច្រើនទៀត បានចុះត្រួតពិនិត្យស្ថានភាពនៃការប្រមូលទិញស្រូវពីកសិកររបស់ក្រុមហ៊ុនស៊ីធីរ៉ៃស៍ នៅស្រុកថ្មគោល និងវាយតម្លៃប្រមើលមើលនូវការប្រមូលផលស្រូវ OM 5451 ស្រងែ និងសែនក្រអូប ក្នុងចន្លោះពីសប្តាហ៍ទី៤នៃខែមករា ពោលគឺក្នុងកំឡុងបុណ្យចូលឆ្នាំថ្មីប្រពៃណីជនជាតិចិន នាពេលខាងមុខនេះ ដែលនឹងប៉ះពាល់ដល់ការលក់ ទិញស្រូវនាអំឡុងពេលនេះ ដើម្បីត្រៀមលក្ខណៈជាមួយរោងម៉ាស៊ីនកិនស្រូវ ដែលនៅជិតតំបន់ផលិតរបស់កសិករ ក្នុងការចុះជួយប្រមូលទិញឱ្យបានទាន់ពេលវេលា ។ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង បានបញ្ជាក់ផងដែរ អំពីការចុះធ្វើការជាមួយវិស័យឯកជនជាពិសេសរោងម៉ាស៊ីនកិនស្រូវធំៗ ដែលកែច្នៃអង្ករសម្រាប់ផ្គត់ផ្គង់ក្នុងស្រុក និងនាំចេញទៅក្រៅប្រទេស ដើម្បីធ្វើការសម្របសម្រប ក្នុងការចុះជួយប្រមូលទិញឱ្យបានទាន់ពេលវេលា ក្នុងករណីមានការរាំងស្ទះ ។លោក ឈឹម វជិរា បានបញ្ជាក់ឱ្យដឹងបន្ថែមទៀតថា បច្ចុប្បន្ននេះ មន្រ្តីជាន់ខ្ពស់ក្រសួង និងមន្រ្តីមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង បាននិងកំពុងចុះនៅតាមបណ្ដាស្រុកនានា ក្នុងខេត្តបាត់ដំបង ដើម្បីពិនិត្យមើលស្ថានភាពស្រូវ ដែលដល់រដូវកាលច្រូតកាត់ហើយមានការប្រឈមនឹងបញ្ហាអ្វីផ្សេងៗ ក្នុងការទិញ លក់ដើម្បីសម្របសម្រួលជាមួយវិស័យឯកជន ដើម្បីចុះជួយប្រមូលទិញឱ្យបានទាន់ពេលវេលា ៕
ព័ត៌មានគួរចាប់អារម្មណ៍
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
រដ្ឋមន្ត្រីក្រសួងសាធារណការ អនុញ្ញាតឱ្យអ្នកគ្រប់គ្រងទូទៅក្រុមហ៊ុនដឹកជញ្ជូន CMA CGM Group ប្រចាំកម្ពុជា-វៀតណាម ចូលជួបពិភាក្សាការងារពាក់ព័ន្ធនឹងកាលានុវឌ្ឍនភាពក្នុងចូលរួមចំណែកអភិវឌ្ឍន៍វិស័យដឹកជញ្ជូន និងភស្តុភារកម្មនៅកម្ពុជា ()
វីដែអូ