បាត់ដំបង ៖ ថ្ងៃទី១ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ត្រូវនឹងថ្ងៃទី ០៤ ខែវិច្ឆិកា ឆ្នាំ២០២៥ ប្រជាពលរដ្ឋ និងភ្ញៀវទេសចរជាតិ អន្តរជាតិបានមកទស្សនាកម្សាន្តនៅខេត្តបាត់ដំបង ចំនួនជាង៣ម៉ឺននាក់ ។នេះបើតាមការផ្តល់ព័ត៌មានពីលោក ហម អរុណ អនុប្រធានមន្ទីរទេសចរណ៍ខេត្តបាត់ដំបង នាថ្ងៃទី០៥ ខែវិច្ឆិកា ឆ្នាំ២០២៥ ដោយលោក បានបញ្ជាក់យ៉ាងដូច្នេះទៀតថា ភ្ញៀវទេសចរ និងប្រជាពលរដ្ឋ បានមកទស្សនាកម្សាន្តក្នុងខេត្តបាត់ដំបង សម្រាប់ថ្ងៃទី១ នៃព្រះរាជពិធីបុណ្យអុំទូក បណ្ដែតប្រទីប អកអំបុកសំពះព្រះខែ ត្រូវថ្ងៃទី៤ ខែវិច្ឆិកា ឆ្នាំ២០២៥ សរុបទាំងអស់ចំនួន ៣៣.៨៨៧ នាក់ ក្នុងនោះទេសចរជាតិ ចំនួន ៣៣.៦៣៥ នាក់ ភ្ញៀវទេសចរអន្តរជាតិ ចំនួន ២៥២ នាក់ ។ពាក់ព័ន្ធនឹងព្រឹត្តិការណ៍មហោស្រពសិល្បៈទីក្រុងស្អាតនៅក្នុងក្រុងបាត់ដំបង ដែលរៀបចំឡើងដោយសមាគមហ្វាពន្លឺសិល្បៈ ត្រូវបានលោក ហម អរុណ បានឱ្យដឹងថា ព្រឹត្តិការណ៍នេះ មានប្រជាពលរដ្ឋ និងភ្ញៀវទេសចរជាតិ អន្តរជាតិ បានចូលរួមទស្សនាកម្សាន្តសប្បាយរីករាយយ៉ាងច្រើនកុះករ ដោយលោកអនុប្រធានមន្ទីរទេសចរណ៍ខេត្តបាត់ដំបង បានចាត់ទុកថា មហោស្រពសិល្បៈទីក្រុងស្អាតនេះ គឺជាផ្នែកមួយយ៉ាងសំខាន់ ក្នុងការជំរុញភាពទាក់ទាញដល់ភ្ញៀវទេសចរជាតិ និងអន្តរជាតិ ឱ្យមកទស្សនាកម្សាន្តសប្បាយនៅខេត្តបាត់ដំបង អមជាមួយព្រះរាជពិធីបុណ្យអុំទូក អកអំបុក បណ្ដែតប្រទីប និងសំពះព្រះខែ ។លោក ហម អរុណ បានបង្ហាញឱ្យដឹងទៀតថា ក្រៅពីព្រឹត្តិការណ៍មហោស្រពសិល្បៈទីក្រុងស្អាត ខេត្តបាត់ដំបង មានគោលដៅទេសចរណ៍ជាច្រើនកន្លែងបានរៀបចំសម្រាប់ទទួលស្វាគមន៍ភ្ញៀវមកពីគ្រប់ទិសទី ខណៈរដូវកាលនេះ គឺជាពេលវេលាដ៏ល្អសម្រាប់ការមកទស្សនាកម្សាន្តនៅទឹកដីខេត្តបាត់ដំបង ដោយសារអាកាសធាតុចាប់ផ្ដើមធ្លាក់ខ្យល់ត្រជាក់អមជាមួយទេសភាពបៃតងខ្ចី ពិតជាផ្ដល់អារម្មណ៍ស្រស់ស្រាយមែនទែនដល់ភ្ញៀវទេសចរ ។តាមរយៈនេះដែរ លោក បានអំពាវនាវដល់ប្រជាពលរដ្ឋ ភ្ញៀវទេសចរជាតិ អន្តរជាតិ ជាពិសេសយុវជនចូលរួមឱ្យបានច្រើនកុះករក្នុងព្រឹត្តិការណ៍មហោស្រពសិល្បៈទីក្រុងស្អាតនៅថ្ងៃបន្តបន្ទាប់ ។សូមបញ្ជាក់ដែរថា សមាគមហ្វាពន្លឺសិល្បៈ បាននិងកំពុងរៀបចំមហោស្រពសិល្បៈទីក្រុងស្អាតលើកទី៤ នៅក្នុងក្រុងបាត់ដំបង ចាប់ពីថ្ងៃទី៣ ដល់ថ្ងៃទី៨ ខែវិច្ឆិកា ឆ្នាំ២០២៥ ក្រោមប្រធានបទ វប្បធម៌ចម្រុះពណ៌ ដើម្បីអបអរសាទរភាពសម្បូរបែបនៃសិល្បៈ ជំរុញវិស័យទេសចរណ៍និងពង្រឹងអត្តសញ្ញាណខេត្តបាត់ដំបងជាមជ្ឈមណ្ឌលវប្បធម៌ដ៏រស់រវ៉ើក ។មហោស្រពសិល្បៈទីក្រុងស្អាតនាពេលនេះនឹងបានបង្ហាញនូវទម្រង់សិល្បៈជាច្រើនរួមមាន ហ៊ីបហប គំនូរលើជញ្ជាំង ការដង្ហែក្បួនតុក្ដាយក្ស និងការប្រគំតន្រ្តីដ៏អស្ចារ្យជាដើម ៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
វីដែអូ