ភ្នំពេញ៖ នៅល្ងាចថ្ងៃទី២៩ ខែវិច្ឆិកា ឆ្នាំ២០២៥ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានក្រុមប្រឹក្សាភិបាលនៃគម្រោងស្អាត បានអញ្ជើញជាអធិបតីក្នុងកម្មវិធីសមាធិ « ចិត្តស្អាត ខ្មែរស្អាត ដើម្បីសន្តិភាព» នៃយុទ្ធនាការភ្នំពេញស្អាតឆ្នាំ ២០២៥ នៅពហុកីឡដ្ឋានជាតិអូឡាំពិក។អញ្ជើញមានវត្តមាននាឱកាសនោះរួមមាន សម្តេចព្រះឧត្តមវង្សាបណ្ឌិត គូ សុភាព ឯកឧត្តម លោកជំទាវដែលជាថ្នាក់ដឹកនាំ សមាជិក សមាជិកា នៃក្រុមការងារប្រតិបត្តិនៃគម្រោងស្អាត សិស្សានុសិស្ស បណ្តាសិល្បករ ក៏ដូចជាអ្នកផលិតមាតិកា(social influencer) និងសាធារណជនជាច្រើននាក់ផងដែរ។ជាកិច្ចចាប់ផ្ដើម សម្តេចព្រះឧត្តមវង្សាបណ្ឌិត គូ សុភាព ជាសមាជិកថេរភាពសភានៃព្រះពុទ្ធសាសនានៅព្រះរាជាណាចក្រកម្ពុជា បានផ្តល់ឱវាទរៀបចំកម្មវិធីនេះឡើង និងបានសម្តែងធម្មទេសនា។ទន្ទឹមនិងនេះ លោក នឹម ឈុន្នី បានដឹកនាំធ្វើសមាធិដើម្បីអប់រំចិត្តឲ្យក្លាយទៅ កូនល្អ ពលរដ្ឋល្អ ដោយផ្តោតចម្បងទៅលើស្អាតកាយ ស្អាតវាចា និងចិត្តស្អាត និងជាពិសេសក្លាយជាទំពាំងស្នងឬស្សីសម្រាប់សង្គមជាតិ។សូមជម្រាបជូនថា កម្មវិធីនេះធ្វើឡើងក្នុងគោលបំណងបណ្តុះចិត្តគំនិត និងអាកប្បកិរិយា ដើម្បីទទួលបាននូវការគិតវិជ្ជមាន មានចិត្តគំនិតស្អាត ដែលនាំមកនូវការប្រកាន់ខ្ជាប់ទម្លាប់ល្អ និងការរស់នៅប្រកបដោយភាពសុខដុម៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ