កំពត៖ ថ្លែងនៅក្នុងវេទិកាពិគ្រោះយោបល់ ជាមួយសមាគម អង្គការមិនមែនរដ្ឋាភិបាល សហគមន៍ និងសហជីពនានាក្នុងខេត្តកំពត នៅសាលប្រជុំខេត្ត នាព្រឹកថ្ងៃទី២៤ ខែវិច្ឆិកា ឆ្នាំ២០២៥ លោក អ៊ឹង ឆាយ អភិបាលរងខេត្តកំពត បានលើកឡើងថា គ្រប់គ្នាដែលជាអាជ្ញាធរ សមាគម អង្គការមិនមែនរដ្ឋាភិបាល សហគមន៍ និងសហជីពនានាជាតួអង្គសំខាន់ក្នុងការចូលរួមចំណែក សម្រេចឱ្យបាននូវចក្ខុវិស័យអភិវឌ្ឍន៍ប្រទេសរបស់រាជរដ្ឋាភិបាល ឆ្នាំ២០៥០ ជាប្រទេសអភិវឌ្ឍន៍ ឬជាប្រទេសមានប្រាក់ចំណូលខ្ពស់។ ដូច្នេះលោកស្នើឱ្យគ្រប់ភាគី និងអ្នកពាក់ព័ន្ធបន្តចូលរួមសហការគ្នា ខិតខំស្វែងរកលទ្ធភាព និងគ្រប់មធ្យោបាយ ដើម្បីបន្តរួមចំណែកអភិវឌ្ឍន៍មូលដ្ឋានខេត្តកំពតឱ្យកាន់តែប្រសើរ ពិសេសសូមជួយលើកកម្ពស់ជីវភាពពលរដ្ឋងាយរង់គ្រោះ រង់គ្រោះ និងមានជីវភាពខ្វះខាតជាអាទិភាព។នៅក្នុងវេទិកានោះដែរ តំណាងអង្គការសង្គមស៊ីវិល លោក ញៀប សំអឿន បានស្នើដល់អាជ្ញាធរ មន្ត្រីជំនាញពាក់ព័ន្ធ ចូលរូមជួយដោះស្រាយបញ្ហាប្រឈម ចំនួន៣ចំណុច ដែលទី១ ស្នើដល់អាជ្ញាធរមូលដ្ឋាន និងនាយកសាលាទាំងអស់ ជួយណែនាំ អប់រំ និងចាត់វិធានការឱ្យបានម៉ឺងម៉ាត់ចំពោះការលក់ដូរចំណីអាហារនៅក្នុងសាលារៀន ព្រោះបច្ចុប្បន្នមានការលក់ដូរដែលផ្តល់ផលប៉ះពាល់ដល់សុខភាពកុមារ។ ទី២ ស្នើដល់អាជ្ញាធរ រៀបចំតម្លើងស្លាកសញ្ញាចរាចរណ៍ ដូចជា បន្ថយល្បឿន និងស្លាកសញ្ញាសិស្សឆ្លងកាត់ នៅតាមផ្លូវដែលមានសាលារៀន និងទី៣ ស្នើដល់អាជ្ញាធរទប់ស្កាត់ និងបង្ក្រាប់ល្បែងស៊ីសងតាមអនឡាញ រួមមានឡូតូ និងជល់មាន់ជាដើម។សូមបញ្ជាក់ថា ខេត្តកំពតមានសមាគម អង្គការមិនមែនរដ្ឋាភិបាល សហគមន៍ និងសហជីពកំពុងប្រតិបត្តិការនៅតាមបណ្តាលក្រុងស្រុកទាំង៩ សរុបចំនួន ១៧៨ ក្នុងនោះមានច្បាប់អនុញ្ញាតចំនួន១៧៧ និងមិនទាន់មានច្បាប់ចំនួន ១៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
វីដែអូ