(ព្រះសីហនុ)៖ ក្រសួងការងារ និងបណ្តុះបណ្តាលវិជ្ជាជីវៈ សហការជាមួយអគ្គលេខាធិការដ្ឋានកំណែទម្រង់ការគ្រប់គ្រងហិរញ្ញវត្ថុសាធារណៈ នៃក្រសួងសេដ្ឋកិច្ចនិងហិរញ្ញវត្ថុ បានរៀបចំសិក្ខាសាលា ស្ដីពីរបាយការណ៍បូកសរុបលទ្ធផលការអនុវត្តថវិកាឆ្នាំ២០២៥ និងការរៀបចំផែនការតាមដានសមិទ្ធកម្មឆ្នាំ២០២៦ នាព្រឹកថ្ងៃទី២១ ខែវិច្ឆិកា ឆ្នាំ២០២៥ ក្រោមអធិបតីភាព ឯកឧត្តម ហាំង តុលា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ដោយមានការចូលរួមធ្វើបទបង្ហាញពីតំណាងនាយកថវិកាកម្មវិធីទាំង៥ អំពីវឌ្ឍនភាព បញ្ហាប្រឈមនៃការអនុវត្តថវិកាឆ្នាំ២០២៥ និងការរៀបចំផែនការតាមដានសមិទ្ធកម្មឆ្នាំ២០២៦ ជូនដល់លោក លោកស្រី ជាជនបង្គោលមកពីអគ្គនាយកដ្ឋាន/អគ្គលេខាធិការដ្ឋាន និងនាយកដ្ឋាន/អង្គភាពប្រតិបត្តិ ក្រោមឱវាទក្រសួងការងារ និងបណ្តុះបណ្តាលវិជ្ជាជីវៈ ប្រមាណជាង១០០នាក់។សិក្ខាសាលានេះ មានគោលបំណងពង្រឹងការងារតាមដាន ត្រួតពិនិត្យ ការរាយការណ៍សមិទ្ធកម្មទៅតាមក្របខ័ណ្ឌពេលវេលាដែលបានកំណត់ និងការវាយតម្លៃលើសមិទ្ធកម្មដែលសម្រេចបាន ដើម្បីធានាឱ្យបាននូវប្រសិទ្ធភាព និងស័ក្ដិសិទ្ធិភាព នៃការអនុវត្តថវិកាសមិទ្ធកម្មរបស់ក្រសួងការងារ និងបណ្ដុះបណ្ដាលវិជ្ជាជីវៈ។សិក្ខាសាលា ស្ដីពីរបាយការណ៍បូកសរុបលទ្ធផលការអនុវត្តថវិកាឆ្នាំ២០២៥ និងការរៀបចំផែនការតាមដានសមិទ្ធកម្មឆ្នាំ២០២៦ មានសារៈសំខាន់ក្នុងការពង្រឹងប្រសិទ្ធភាពនៃការរៀបចំផែនការសមិទ្ធកម្មប្រចាំឆ្នាំ ក៏ដូចជាការរៀបចំផែនការតាមដានសមិទ្ធកម្ម ដែលនឹងចូលរួមចំណែកក្នុងការរៀបចំយុទ្ធសាស្រ្ត កម្មវិធី ឱ្យកាន់តែមានគុណភាព ដំណើរការបានល្អ អាចឆ្លើយតបបានចំពោះតម្រូវការ អាចដោះស្រាយបញ្ហាប្រឈមរបស់អ្នកទទួលផល ឬក្នុងអំឡុងពេលដែលកំពុងអនុវត្ត និងអាចកំណត់សូចនាករគន្លឹះសំខាន់ៗ ប្រកបដោយគុណភាពនៅបណ្តាឆ្នាំបន្ទាប់។នាក្នុងឱកាសនេះ ឯកឧត្តមរដ្ឋលេខាធិការ បានគូសបញ្ជាក់ថា លទ្ធផលនៃសិក្ខាសាលានេះ នឹងនាំមកនូវចំណេះដឹងបន្ថែម និងជាមូលដ្ឋានសម្រាប់គ្រប់ប្រធានកម្មវិធី និងអង្គភាពថវិកាពង្រឹងតួនាទីរបស់ខ្លួន បង្កើនគុណភាពនៃការរៀបចំរបាយការណ៍ហិរញ្ញវត្ថុ ព្រមទាំងពង្រឹងប្រសិទ្ធភាពនៃការអនុវត្តចំណាយ ដើម្បីធានាបាននូវប្រសិទ្ធភាព គណនេយ្យភាព និងភាពទទួលខុសត្រូវខ្ពស់៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ