បាត់ដំបង៖ ឯកឧត្តម សុខ លូ អភិបាលខេត្តបាត់ដំបង បានបន្តក្រើនរំលឹកដល់សិស្សានុសិស្សចៀសឆ្ងាយពីគ្រឿងញៀន គោរពច្បាប់ចរាចរណ៍ ចេះថែរក្សាអនាម័យបរិស្ថាន ចេះគោរពលោកគ្រូ អ្នកគ្រូ ធ្វើជាសិស្សល្អ ពលរដ្ឋល្អ ក្នុងសង្គម។ឯកឧត្តម សុខ លូ បានលើកឡើងបែបនេះ នាឱកាសអញ្ជើញចូលរួមក្នុងពិធីសម្ពោធអគារសិក្សាថ្នាក់សមាហរណកម្មសម្រាប់បង្រៀនដល់សិស្សមានពិការភាពសតិបញ្ញា និងអូទីសឹម និងសមិទ្ធផលនានា ក្រោមអធិបតីភាពរបស់ ឯកឧត្តម ណុះ ស្លេះ រដ្ឋលេខាធិការ នៃក្រសួងអប់រំ យុជន និងកីឡា តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ក្នុងបរិវេណសាលាបឋមសិក្សាព្រែកនរិន្ទ ស្រុកឯកភ្នំ ខេត្តបាត់ដំបង នៅថ្ងៃទី២០ ខែវិច្ឆិកា ឆ្នាំ២០២៥។ឯកឧត្តម សុខ លូ បានថ្លែងអំណរគុណយ៉ាងជ្រាលជ្រៅចំពោះ អង្គការ ដៃគូរអភិវឌ្ឍនានា ដែលបានជួយឧបត្ថម្ភកសាងសាងសាលានេះឡើង ដែលជាតម្រូវការចាំបាច់ក្នុងមូលដ្ឋាន សម្រាប់ប្រើប្រាស់។ ហើយការជួយបង្រៀនដល់កុមារមានពិការភាពសតិបញ្ញា និងអូទីសឹម ពិតជាមានសារៈសំខាន់បំផុតសម្រាប់កុមារ និងខេត្តបាត់ដំបង។ឯកឧត្តមក៏បានផ្តាំផ្ញើដល់មាតា បិតា អាណាព្យាបាលសិស្ស លោកគ្រូ អ្នកគ្រូ ខិតខំជំរុញដល់កូនចៅៗ អោយបានសិក្សារៀនសូត្របានខ្ពង់ខ្ពស់ និងយកចិត្តទុកដាក់ក្នុងការបង្រៀនសិស្សានុសិស្ស ឱ្យបានល្អ។ឆ្លៀតក្នុងឱកាសនេះ ឯកឧត្តម ណុះ ស្លេះ រដ្ឋលេខាធិការនៃក្រសួងអប់រំ យុជន និងកីឡា បានកោតសរសើរ និងចូលរួមអបអរសាទរ ជាមួយប្រជាពលរដ្ឋ ដែលមានសាលាបែបនេះសម្រាប់អប់រំ ដល់កុមារមានពិការភាពសតិបញ្ញា និងអូទីសឹមទី និងជាមោទនភាពសម្រាប់ ស្រុកឯកភ្នំ មានសាលាបង្រៀនល្អស្អាត។ឯកឧត្តម ក៏បានថ្លែងអំណរគុណដល់ អង្គការដៃគូរអភិវឌ្ឍ ក្នុងការកសាងសាលានេះឡើង ហើយក្នុងនាម ឯកឧត្តមផ្ទាល់ បានសម្តែងនូវសេចក្តីត្រេកអរ ចំពោះសមិទ្ធផលដ៏ល្អនេះ៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
វីដែអូ