ភ្នំពេញ៖ អនុក្រឹត្យស្ដីពីឯកសណ្ឋាន សញ្ញាសម្គាល់ និងទង់នគរបាលជាតិកម្ពុជា ត្រូវបានប្រារព្ធពិធីផ្សព្វផ្សាយ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ នៅទីស្ដីការក្រសួងមហាផ្ទៃ នាថ្ងៃទី១០ ខែវិច្ឆិកា ឆ្នាំ២០២៥។ពិធីនេះ មានការអញ្ជើញចូលរួមពីថ្នាក់ដឹកនាំក្រសួងមហាផ្ទៃ និងមន្ត្រីជាន់ខ្ពស់នគរបាលជាតិ ប្រមាណ៤០០នាក់។ឯកឧត្តម នាយឧត្តមសេនីយ៍ សាស្ត្រាចារ្យ សេង ផល្លី អគ្គនាយក នៃអគ្គនាយកដ្ឋានធនធានមនុស្ស នៃក្រសួងមហាផ្ទៃ បានឱ្យដឹងថា អនុក្រឹត្យនេះមានគោលបំណងពង្រឹងវិន័យមន្ត្រីនគរបាលជាតិឱ្យកាន់តែប្រសើរ លើកកម្ពស់សីលធម៌ តម្លៃ សេចក្តីថ្លៃថ្នូរ ជំនឿទុកចិត្ត និងកិត្តិយសរបស់នគរបាលជាតិ ស្របតាមគោលការណ៍កំណែទម្រង់ និងទំនើបកម្មនៃកងកម្លាំងនគរបាលជាតិ ឱ្យស្របតាមស្ថានភាពជាក់ស្តែង និងការវិវឌ្ឍរីកចម្រើន។ឯកឧត្តមអភិសន្តិបណ្ឌិត ឧបនាយករដ្ឋមន្ត្រី បានចាត់ទុក អនុក្រឹត្យនេះ ថាជាសមិទ្ធផលថ្មីបន្ថែមទៀតរបស់ក្រសួងមហាផ្ទៃ នៃរាជរដ្ឋាភិបាលកម្ពុជា ក្រោមការដឹកនាំប្រកបដោយភាពឈ្លាសវៃ និងប្រតិភាណ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។ឯកឧត្តមអភិសន្តិបណ្ឌិត បានជំរុញឱ្យថ្នាក់ដឹកនាំតាមបណ្ដាអង្គភាពចំណុះក្រសួងមហាផ្ទៃទាំងអស់ ព្រមទាំងស្នងការដ្ឋាននគរបាលជាតិរាជធានី-ខេត្ត បង្កើនការផ្សព្វផ្សាយអនុក្រឹត្យនេះ ឱ្យបានទូលំទូលាយបំផុត ដើម្បីឱ្យមន្ត្រីក្រោមឱវាទបានជ្រួតជ្រាបច្បាស់លាស់ឱ្យបានមុនដំណាច់ឆ្នាំ២០២៥។អនុក្រឹត្យស្ដីពី ឯកសណ្ឋាន សញ្ញាសម្គាល់ និងទង់នគរបាលជាតិកម្ពុជា មាន ៩ជំពូក ១៣ផ្នែក និង៣៦មាត្រា។ ជំពូកទាំងនោះរួមមាន ជំពូកទី១ បទប្បញ្ញតិទូទៅ ជំពូទី២ ឯកសណ្ឋាននគរបាលជាតិកម្ពុជា ជំពូកទី៣ សញ្ញាសម្គាល់នគរបាលជាតិកម្ពុជា ជំពូកទី៤ ទង់នគរបាលជាតិកម្ពុជា ជំពូកទី៥ បទប្បញ្ញតិដោយឡែក ជំពូកទី៦ ការផ្គត់ផ្គង់ឯកសណ្ឋាន សញ្ញាសម្គាល់ និងទង់នគរបាលជាតិកម្ពុជា ជំពូកទី៧ ទណ្ឌកម្ម ជំពូកទី៨ អន្តរប្បញ្ញតិ និងជំពូកទី៩ អវសាននៃប្បញ្ញតិ។ជាការកត់សម្គាល់ថា មាត្រា៣២ នៃអនុក្រឹត្យនេះចែងថា ជនណាដែលប្រើប្រាស់ជាសាធារណៈ ដោយគ្មានសិទិ្ធនូវឯកសណ្ឋាន សញ្ញាសម្គាល់ ទង់នគរបាលជាតិកម្ពុជា និងបរិក្ខាររួមផ្សំរបស់ នគរបាលជាតិកម្ពុជា ត្រូវផ្តន្ទាទោសតាមច្បាប់ជាធរមាន។ ដោយឡែកមាត្រា៣៣ ចែងថា ការស្ដុក ការជួញដូរ ការផលិតឯកសណ្ឋាន សញ្ញាសម្គាល់ ទង់នគរបាលជាតិកម្ពុជា និងបរិក្ខាររួមផ្សំរបស់នគរបាលជាតិកម្ពុជា ដែលគ្មាន ការអនុញ្ញាតពីរដ្ឋមន្ត្រីក្រសួងមហាផ្ទៃ ត្រូវផ្តន្ទាទោសតាមច្បាប់ជាធរមាន។ មាត្រា៣៣ដដែលបានចែងទៀតថា ការស្ដុក ការជួញដូរ ការផលិតឯកសណ្ឋាន សញ្ញាសម្គាល់និងបរិក្ខាររួមផ្សំផ្សេងទៀតរបស់អង្គភាពនគរបាលជំនាញ និងទង់របស់អង្គភាពនគរបាលជំនាញដែលគ្មានការអនុញ្ញាតពីរដ្ឋមន្ត្រីក្រសួងមហាផ្ទៃត្រូវផ្តន្ទាទោសតាមច្បាប់ជាធរមាន៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
វីដែអូ