អភិបាលខេត្តបាត់ដំបង អញ្ជើញដឹកនាំកិច្ចប្រជុំក្រុមការងារចងក្រងខ្លឹមសារប្រវត្តិរមណីយដ្ឋានភ្នំសំពៅ
បាត់ដំបង៖ នៅព្រឹកថ្ងៃទី៦ ខែតុលា ឆ្នាំ២០២៥នេះ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញដឹកនាំកិច្ចប្រជុំក្រុមការងារចងក្រងខ្លឹមសារប្រវត្តិរមណីយដ្ឋានភ្នំសំពៅ ស្រុកបាណន់ ដើម្បីចងក្រងសម្រាប់ការដាក់តាំងបង្ហាញផ្សព្វផ្សាយដល់ភ្ញៀវទេសចរជាតិ និងអន្តរជាតិ ឱ្យបានសិក្សាយល់ច្បាស់ពីប្រវត្តិតំបន់រមណីយដ្ឋានប្រវត្តិសាស្ត្រភ្នំសំពៅនេះបានជាក់លាក់ បង្កើនការទាក់ទាញភ្ញៀវទេសចរទៅទស្សនាកំសាន្តបានច្រើន។
កិច្ចប្រជុំនេះមានការចូលរួមពី លោកប្រធានមន្ទីរ អង្គភាពនានាជុំវិញខេត្ត ក្រុមការងារជំនាញ និងអ្នកពាក់ព័ន្ធផ្សេងទៀត នៅសាលប្រជុំសាលាខេត្តបាត់ដំបង៕
