ពោធិ៍សាត់៖នៅរសៀលថ្ងៃអង្គារ ទី៣០ ខែកញ្ញា ឆ្នាំ២០២៥ លោក ពៅ ពិសិដ្ឋ អភិបាលរងខេត្ត និងជាប្រធានលេខាធិការដ្ឋានត្រួតពិនិត្យគ្រឿងញៀនខេត្ត តំណាងឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ បានដឹកនាំកិច្ចប្រជុំបូកសរុបលទ្ធផលការងាររយៈពេល៩ខែ កិច្ចប្រជុំនេះបានរៀបចំឡេីង នៅសាលប្រជុំសាលាខេត្តពោធិ៍សាត់ ដោយមានការចូលរួមពីថ្នាក់ដឹកនាំ និងមន្ត្រីជំនាញពាក់ព័ន្ធជាច្រេីនរូបទៀត។មានប្រសាសន៍ក្នុងកិច្ចប្រជុំនេះ លោក ពៅ ពិសិដ្ឋ បានលើកឡើងអំពីសារៈសំខាន់នៃការចូលរួមគ្នារបស់អាជ្ញាធរ កងកម្លាំងសមត្ថកិច្ច និងអង្គភាពពាក់ព័ន្ធទាំងអស់ ក្នុងការពង្រឹងការបង្ការ ការទប់ស្កាត់ និងការត្រួតពិនិត្យប្រឆាំងគ្រឿងញៀននៅក្នុងខេត្តពោធិ៍សាត់ កិច្ចប្រជុំបានពិភាក្សា និងបង្ហាញលទ្ធផលការងារដែលបានសម្រេចក្នុងរយៈពេលកន្លងមក រួមទាំងការចាប់ខ្លួនជនជាប់ពាក់ព័ន្ធករណីគ្រឿងញៀន ការចាត់ចែងតាមវិធានការផ្លូវច្បាប់ វិធានការរដ្ឋបាល និងការផ្សព្វផ្សាយច្បាប់អប់រំជាសាធារណៈ តាមទីប្រជុំជន សាលារៀន និងទីតាំងកំសាន្តផ្សេងៗ និងបានកំណត់ទិសដៅការងារបន្ត ដោយផ្តោតលើការបង្កើនប្រសិទ្ធភាពក្នុងការសហការជាមួយអង្គភាពជាតិ និងមូលដ្ឋាន ដើម្បីបន្តបង្កើនការយកចិត្តទុកដាក់លើការ ការពារក្មេងជំទង់ និងសហគមន៍ឱ្យរួចផុតពីគ្រោះថ្នាក់គ្រឿងញៀន។លោក ពៅ ពិសិដ្ឋ ក៏បានជំរុញឱ្យសមាជិកគណៈកម្មាធិការទាំងអស់ ធ្វើការយកចិត្តទុកដាក់ខ្ពស់កាន់តែតឹងរឹង និងសកម្មភាពប្រកបដោយទំនួលខុសត្រូវ ដើម្បីឆ្លើយតបនឹងយុទ្ធសាស្ត្ររបស់រាជរដ្ឋាភិបាល និងប្រសាសន៍ណែនាំរបស់អគ្គស្នងការដ្ឋាននគរបាលជាតិ ក្នុងការប្រយុទ្ធប្រឆាំងគ្រឿងញៀន ដែលជាការគំរាមកំហែងដល់សង្គម និងសុវត្ថិភាពសាធារណៈ។
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ