(បាត់ដំបង)៖ រដ្ឋបាលខេត្តបាត់ដំបង បានបើកកិច្ចប្រជុំបន្ទាន់មួយស្តីពីការណែនាំពីការត្រៀមរៀបចំពិធីបុណ្យអុំទូកប្រពៃណីខេត្តបាដំបង នៅថ្ងៃទី១៦-១៧ ខែតុលា ឆ្នាំ២០២៤ ដើម្បីអបអរសាទរពិធីបុណ្យចេញព្រះវស្សា និងការចូលរួមចំណែកថែរក្សាទំនៀមទំលាប់ប្រពៃណីជាតិដ៏រុងរឿងរបស់យើង ជាពិសេសទំនៀមទំលាប់របស់ខេត្តបាត់ដំបង ក្រោមអធិបតីភាពលោក សុខ លូ អភិបាលខេត្តបាត់ដំបង។កិច្ចប្រជុំនេះបាធ្វើឡើងនារសៀលថ្ងៃទី២០ ខែកញ្ញា ឆ្នាំ២០២៤ ដោយមានការអញ្ជើញចូលរួមពី អភិបាលរងខេត្ត និងថ្នាក់ដឹកនាំមន្រ្តីរាជការពាក់ព័ន្ធ គ្រប់ជាន់ថ្នាក់ អភិបាលក្រុង ស្រុក កងកម្លាំងទាំងបី ប្រធាននមន្ទីរ អង្គភាពនានាជុំវិញខេត្តចូលរួមផងដែរ។លោក សុខ លូ បានណែនាំគណៈកម្មការនិងអនុគណ:កម្មការ បច្ចេកទេសមួយចំនួនថា រដ្ឋបាលខេត្តបាត់ដំបង នឹងរៀបចំពិធីបុណ្យអុំទូក និងបណ្តែតប្រទីបនៅតាមបណ្តោយដងស្ទឹងសង្កែក្នុងក្រុងបាត់ដំបង ដែលប្រព្រឹត្តទៅរយៈពេល២ថ្ងៃ គឺនៅថ្ងៃទី១៦-១៧ ខែតុលា ឆ្នាំ២០២៤ ដោយមានការប្រណាំងទូក និងនៅពេលរាត្រីក៏មានការរៀបចំបណ្តែតប្រទីប បង្ហោះគោម និងបាញ់កាំជ្រួចជាដើម។ជាមួយគ្នានេះ ក្នុងពេលរាត្រីថ្ងៃទី១៧ ខែតុលា ឆ្នាំ២០២៤ យើងក៏មានការដង្ហែរប្រទីបយកទៅបណ្តែតក្នុងស្ទឹងសង្កែ ក្រុងបាត់ដំបង ខេត្តបាត់ដំបង ដើម្បីសម្តែងនូវកតញ្ញូតាធម៌ ដ៏ជ្រាលជ្រៅចំពោះព្រះគង្គា ដែលបានផ្តល់ដីដ៏មានជីវជាតិល្អផូរផង់បម្រើដល់វិស័យកសិកម្ម និងជីវិតរស់នៅរបស់បងប្អូនប្រជាពលរដ្ឋយើង។ក្នុងន័យនេះដើម្បីថែរក្សាអនាម័យបរិស្ថាន ប្រព័ន្ធអេកូឡូស៊ីឱ្យបានល្អប្រសើរស្របតាមគោលការណ៍ដែលទីក្រុងបាត់ដំបងនៃខេត្តបាត់ដំបងគឺជាទីក្រុងវៃឆ្លាត Smart City ដើម្បីប្រែក្លាយទៅជាក្រុងដែល«ស្អាតបៃតង»។បន្ថែមពីនេះ លោកបានបន្ថែមថា ការធ្វើប្រទីប យើងត្រូវរៀបចំជំនួសដោយការរៀបចំពីដើមចេក ស្លឹកចេក ស្លឹកត្នោត ឬប្រភេទ ស្លឹកឈើធម្មជាតិផ្សេងៗ បង្ហាញពីការចូលរួមចំណែកលើកតម្លៃជាតិ តម្លៃវប្បធម៌ដូនតា និងបរិស្ថានសង្គមរបស់យើង។ក្នុងឱកាសនោះដែរ ប្រធានអនុគណៈកម្មការទទួលបន្ទុកការងារ មួយចំនួន ក៏បានលើកឡើកពីបទពិសោធន៍ឆ្នាំចាស់កន្លងមក ដើម្បីកែតំរ៉ូវចំណុចខ្វះខាតឲ្យល្អជាងឆ្នាំមុន និងមានប្រសិទ្ធភាពខ្ពស់។ឆ្លៀតឱកាសនោះ លោកអភិបាលខេត្ត បានបញ្ជាក់ដល់អាជ្ញាធរមូលដ្ឋាន និងកងកម្លាំងទាំងអស់ថា យើងត្រូវតែមានការប្រុងប្រយ័ត្នខ្ពស់ ពីបញ្ហា គ្រោះមហន្តរាយផ្សេងៗ ដែលកើតឡើងជាយថាហេតុ ត្រូវរាយការណ៍ ជាបន្ទាន់ដល់ថ្នាក់ដឹកនាំខេត្តដើម្បីធ្វើការដោះស្រាយឲ្យបានទាន់ពេលវេលាផងដែរ៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ