ខេត្តពោធិ៍សាត់÷ បទល្មើសនេសាទនៅរដូវហាមឃាត់ក្នុងដែនសមត្ថកិច្ចមន្ត្រីរដ្ឋបាលជលផលខេត្តពោធិ៍សាត់នៃតំបន់ទន្លេសាបកំពុងកើតមានយ៉ាងគគ្រឹកគគ្រេងតាមរយៈរបាំងសាច់អួនក្រឡាញឹករាប់ពាន់ម៉ែត្រ។បទល្មើសទាំងនេះស្ថិតក្នុងដែនសមត្ថកិច្ចលោកយូរ សុវិចិត្រ នាយរងសង្កាត់រដ្ឋបាលជលផលក្រគរ និងលោកភុន សុវណ្ណា នាយផ្នែករដ្ឋបាលជលផលក្រគរ នៃមន្ទីរកសិកម្មរុក្ខាប្រមាញ់ និងនេសាទខេត្តពោធិ៍សាត់។ មន្ត្រីដឹកនាំមន្ទីរកសិកម្មខេត្តក៏ដូចជារដ្ឋបាលខេត្តពោធិ៍សាត់ ធ្វើមិនដឹង មិនឮអំពីបញ្ហាបទល្មើសនេសាទនៅតំបន់បឹងទន្លេសាបនេះ។ប្រភពព័ត៌មាន ដែលភ្ជាប់ដោយរូបភាពថតកាលពីព្រលប់ថ្ងៃទី១៦ខែកញ្ញាឆ្នាំ២០២៤បានឱ្យដឹងថា បទ ល្មើសនេសាទនេះ ដោយប្រើរបាំងសាច់អួនក្រឡាញ់ញឹករាប់ពាន់ម៉ែត្រ ស្ថិតនៅចំណុចក្រឡុកសងក្រង ក្នុងភូមិអន្លង់រាំង ឃុំកំពង់ពោធិ៍ ស្រុកក្រគរ ជាប់ព្រំប្រទល់ស្រុកកណ្ដៀង។ បទល្មើសប្រើអួនក្រឡាញឹករាប់ពាន់ម៉ែត្រនេះពិតជាមិនអាចគេចផុតពីភ្នែកមហាជនបានឡើយ។ពីព្រោះឧបករណ៍ល្មើសច្បាប់នេះបានបណ្ដែតនៅលើផ្ទៃទឹកយ៉ាងសង្ហា ក្នុងពេលដែលនៅទីកន្លែងផ្សេងទៀតសម្រាប់ប្រជាពលរដ្ឋអ្នកនេសាទចិញ្ចឹមក្រពះ ត្រូវបានពួកមន្ត្រីជលផលតួយ៉ាងដូចជាលោកភុន សុវណ្ណា និងលោកយូរ សុវិចិត្រចាប់បង្ក្រាបថតផ្សាយយ៉ាងគគ្រឹក គគ្រេង។ប្រជាពលរដ្ឋនៅតំបន់នោះមានចម្ងល់ថា ចំណុចដែលកើតមានបទល្មើសខាងលើនេះ គឺជាច្រកចេញ,ចូលនៃបណ្ដាជនដែលមានអំណាចខាងជលផល ក៏ដូចជាអាជ្ញាធរដែនដីនៅខេត្តពោធិ៍សាត់។ ហេតុអ្វីបានជាអួនក្រឡាញ់ញឹករាប់ពាន់ម៉ែត្រ អាចបណ្ដែតលើផ្ទៃទឹកបានយ៉ាងរលូនយ៉ាងដូច្នេះ? ចម្លើយគឺងាយស្រួលបំផុត÷ ឲ្យ តែមានទំនាក់ទំនងជិតស្និទ្ធជាមួយមន្ត្រីជលផលទាំងពីររូបខាងលើនេះគឺគេអាចធ្វើអ្វីៗបានទាំងអស់នៅក្នុងដែន សមត្ថកិច្ចអស់លោកទាំង២។ ក្រៅពីបទល្មើសនេសាទបាននឹងកំពុងកើតឡើងជាចំហ ក៏មានករណីបទល្មើសផ្សេងទៀតដែលបានកើតមាន នាគ្រាកន្លងមកយ៉ាងគគ្រឹកគគ្រេងផងដែរ។បើទោះជាយ៉ាងណាក៏ដោយ ប្រធានមន្ទីរកសិកម្មរុក្ខា ប្រមាញ់ និងនេសាទខេត្តពោធិ៍សាត់លោកហៃ ធូរ៉ា ក៏ដូច ជាលោកនាយខណ្ឌរដ្ឋបាលជលផលខេត្តពោធិ៍សាត់ ភុំ វិមល មិនគួរបណ្ដែតបណ្ដោយឲ្យពួកមន្ត្រីតួយ៉ាងដូចជាលោកយូរ សុវិចិត្រ និងលោក ភុន សុវណ្ណា ធ្វើអ្វីៗស្រេចតែអំពើចិត្តយ៉ាងដូច្នេះ។ ជាងនេះទៅទៀតលោកខូយ រីដាអភិបាលខេត្តពោធិ៍សាត់ ក៏គួរតែដុសក្អែលពួកមន្ត្រីជល ផល..ដែលកំពុងពាក់ព័ន្ធបញ្ហាផលប្រយោជន៍ជាមួយពួកឈ្មួញអ្នកនេសាទល្មើសច្បាប់នោះផង៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ