(បាត់ដំបង)៖ លោក សុខ លូ អភិបាលខេត្តបាត់ដំបង បានប្រគល់សញ្ញាបត្រមធ្យមសិក្សាបឋមភូមិ៖ ២កញា ឆ្នាំ២០២៤ និងវិញ្ញាបនបត្របញ្ចប់ការសិក្សា កម្រិតមធ្យមសិក្សាទុយភូមិ ឆ្នាំសិក្សា ២០២៣-២០២៤ ជូនសិស្សានុសិស្ស នៃសាលាចំណេះទូទៅអន្តរជាតិ ឌូវី គ្រប់ទីតាំង និងសាខាសរុបចំនួន១៩៣នាក់ ក្នុងនោះ ថ្នាក់ទី៩ ចំនួន៩២នាក់ ថ្នាក់ទី១២ ចំនួន១០១នាក់។ពិធីនេះ បានធ្វើឡើងនាព្រឹកថ្ងៃទី១៧ ខែកញ្ញា ឆ្នាំ២០២៤ នៅសាលបាត់ដំបងស៊ីធីហល៍ ក្រុងបាត់ដំបង។លោក យី សុងគី ប្រធានអប់រំ យុវជន និងកីឡាខេត្ត បានលើកឡើងថា ក្នុងនាមមន្ទីរជំនាញ តែងតែបានសហការជាមួយ គ្រប់វិស័យអប់រំ សាលឯកជននានា និងមានការជួយសម្របសម្រួលកាន់តែល្អប្រសើរ និងមានប្រសិទ្ធភាព ជាមុនជាបន្តបន្ទាប់ ក្នុងការបណ្តុះបណ្តាលធនធានមនុស្ស ដើម្បីជាទំពាំងស្នងឫស្សី បន្តវេណនាពេលអនាគត់ផងដែរ។លោក សុខ លូ បានធ្វើការកោតសរសើរ និងវាយតម្លៃខ្ពស់ ចំពោះថ្នាក់ដឹកនាំ ក្នុងវិស័យអប់រំទាំងរដ្ឋ និងឯកជនគ្រប់លំដាប់ថ្នាក់ ដែលបានខិតខំបណ្តុះបណ្តាលសិស្សានុសិស្ស ជាប្រចាំដែលថ្នាល ធនធានមនុស្សមួយ សម្រាប់ប្រទេសជាតិ។លោកបន្តថា វិស័យអប់រំ ដើរតួនាទីសំខាន់ណាស់ ដែលបានបង្កើតធនធានមនុស្ស ឲ្យមានចំណេះដឹងខ្ពស់ ដើម្បីរួមចំណែកកសាង អភិវឌ្ឍន៍ ជាតិមាតុភូមិមានការរីកចម្រើន និង បានការពារ សុខសន្តិភាព កាត់ការលំបាករបស់ប្រជាពលរដ្ឋ និងមានជីវភាពធូធារ ក្រោមការដឹកនាំ របស់សម្តេចធិប តីហ៊ុន ម៉ាណែត នាយករដ្ឋមន្រ្តីនៃកម្ពុជា។លោកអភិបាលខេត្ត ក៏បានរំលឹក និងអំពាវនាវដល់ឪពុក ម្តាយ អាណាព្យាបាល ក្នុងគ្រួសារសិស្សនីមួយៗទាំងអស់ថា យើងជាមាតា បិតាគឺជាគ្រូទី១ ត្រូវតម្រង់ទិសកូនខិតខំរៀនសូត្រ ឲ្យមានចំណេះដឹងគ្រប់ៗកូន ចំណែកគ្រូនៅសាលាគ្រាន់តែគ្រូទី២ ប៉ុណ្ណោះ រួមផ្សំនឹងការខិតខំរៀនសូត្រខ្លួនឯងបានល្អផង ទើបមានអនាគត់ល្អប្រសើរបាន។លោក សុខ លូ បានប្រាប់ដល់ក្មួយទាំងអស់ នៅឲ្យឆ្ងាយពីគ្រឿងញៀន ត្រូវឆ្លើយថាទេ ចំពោះគ្រឿងញៀន ហើយត្រូវតែខិតខំរៀនសូត្រជាចំបង មានការចេះដឹងខ្ពស់ ទើបគ្រួសារល្អ ប្រទេសជាតិ ក៏មានធនធាន មនុស្សច្រើន ប្រទេសយើង ក៏អភិវឌ្ឍកាន់តែលឿន និងសប្បូរបែបផងដែរ៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
វីដែអូ