(បន្ទាយមានជ័យ)៖ នៅថ្ងៃទី១៦ ខែកញ្ញា ឆ្នាំ២០២៤ ឧត្តមសេនីយ៍ត្រី បោន ប៊ិន មេបញ្ជាការឣាវុធហត្ថខេត្តបន្ទាយមានជ័យ បានអញ្ជើញជាឣធិបតីភាពក្នុងពិធីប្រជុំផ្សព្វផ្សាយការងារសោធននិវត្តន៍ឆ្នាំ២០២៥ និងការងារប្រឡងប្រណាំង កងរាជអាវុធហត្ថ។ក្នុងកិច្ចប្រជុំនេះ មានការចូលរួមពីសំណាក់មេបញ្ជាការរង ប្រធានមន្ទីរទាំង៧ នាយការិយាល័យបុគ្គលិក នាយការិយាល័យគោលនយោបាយ នាយការិយាល័យអប់រំផ្សព្វផ្សាយ មេបញ្ជាការមូលដ្ឋានកងរាជឣាវុធហត្ថក្រុង/ស្រុកទាំង៩ ដែលប្រារព្ធធ្វើឡើងនៅសាលប្រជុំតូច ជាន់ទី៣ អគារសេនាធិការដ្ឋានកងរាជឣាវុធហត្ថខេត្តបន្ទាយមានជ័យ។ក្នុងឱកាសនោះ លោកឧត្តមសេនីយ៍ត្រី បោន ប៊ិន បានកោតសរសើរនាយទាហាន នាយទាហានរង នៃកងរាជអាវុធហត្ថទាំងអស់ ដែលកន្លងមកបានខិតខំបំពេញតួនាទីភារកិច្ចយ៉ាងល្អប្រសើរ ប្រកបដោយឆន្ទៈ ដើម្បីជាតិមាតុភូមិ។ ឆ្លើយតបទៅនឹងការខិតខំប្រឹងប្រែង ក៏ទទួលបាននូវការលើកទឹកចិត្តតាមរយៈការផ្តល់គ្រឿងឥស្សរិយយស ការដំឡើងឋានន្តរស័ក្តិជាដើម។នៅក្នុងកិច្ចប្រជុំនោះ លោកឧត្តមសេនីយ៍ត្រី បានជំរុញគណៈកម្មការវាយតម្លៃ សូមធ្វើការវាយតម្លៃឱ្យសុក្រឹតចំពោះនាយទាហាន នាយទាហានរង នៃកងរាជអាវុធហត្ថ ដែលបំពេញការងារបានល្អ ដើម្បីធ្វើការស្នើសុំគ្រឿងឥស្សរិយយស ជាការឆ្លើយតប និងលើកទឹកចិត្តចំពោះការខិតខំបំពេញការងារបានយ៉ាងល្អប្រសើរនាពេលកន្លងមក៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ