ថ្ងៃអាទិត្យ ទី៣១ ខែសីហា ឆ្នាំ២០៥០
គេហទំព័រ ទូរទស្សន៍ភីស៊ីអិន ធីវីអនឡាញ
សម្តេចធិបតី ហ៊ុន ម៉ាណែត ណែនាំឱ្យបន្ត ធ្វើទំនើបកម្ម មន្ទីរពេទ្យកាល់ម៉ែត ក្លាយជាមន្ទីរពេទ្យ នាំមុខគេនៅកម្ពុជា
Mon,16 September 2024 (Time 01:15 PM)
ដោយ ៖ (ចំនួនអ្នកអាន: 176នាក់)

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានណែនាំទៅកាន់រដ្ឋមន្ត្រីក្រសួងសុខាភិបាល និងអគ្គនាយកមន្ទីរពេទ្យកាល់ម៉ែត ត្រូវបន្តរួមគ្នា ធ្វើទំនើបកម្មមន្ទីរពេទ្យកាល់ម៉ែត ឱ្យក្លាយជាមន្ទីរពេទ្យនាំមុខ នៅក្នុងព្រះរាជាណាចក្រកម្ពុជា សម្រាប់បច្ចុប្បន្ន និង ទៅអនាគតដោយរាជរដ្ឋាភិបាល នឹងបន្ថែមមន្ទីរពេទ្យតំបន់ ធ្វើយ៉ាងណាកុំឱ្យមកកក ស្ទះនៅភ្នំពេញ ហើយមិនឱ្យអ្នកទទួល សេវាធ្វើដំណើរយូរ ។

ការលើកឡើងរបស់សម្តេចធិបតី ខាងលើនេះ ធ្វើឡើងក្នុងឱកាសអញ្ជើញបញ្ចុះបឋមសិលាបើកការដ្ឋាន សាងសង់អគារបន្ថែមចំនួន៣ នៅមន្ទីរពេទ្យកាល់ម៉ែត រួមមាន អគារមជ្ឈមណ្ឌលកណ្តាល អគារចំណត និងរោងជាង និង អគារមជ្ឈមណ្ឌលវេជ្ជសាស្ត្រស៊ីក្លូត្រុង នាថ្ងៃទី១៦ ខែកញ្ញា ឆ្នាំ២០២៤ ។

ឆ្លៀតក្នុងឱកាសនេះ សម្តេចធិបតី បានថ្លែងទៅអំណរគុណ ចំពោះកិច្ចខិតខំប្រឹងប្រែង របស់អតីតអគ្គនាយកមន្ទីរ ពេទ្យកាល់ម៉ែត ដែលបច្ចុប្បន្នជារដ្ឋមន្ត្រីសុខាភិបាល និងអគ្គនាយកមន្ទីរ ពេទ្យកាល់ម៉ែតបច្ចុប្បន្ន ដែលបានធ្វើឱ្យមន្ទីរពេទ្យ កាល់ម៉ែត ក្លាយជាមជ្ឈមណ្ឌលផ្តល់សេវាសុខាភិបាលមួយដ៏លេចធ្លោជាងគេ ។

សម្តេចធិបតី មានប្រសាសន៍ថា “ពេទ្យនៅភ្នំពេញ ហើយពេទ្យកាល់ម៉ែតនេះ ឯកឧត្តមអគ្គនាយកនៅទីនេះ ក៏សូមអរគុណ បន្តដឹកនាំពីឯកឧត្តមរដ្ឋមន្ត្រីអតីតអគ្គនាយក ហើយអគ្គនាយកមន្ទីរពេទ្យ(បច្ចុប្បន្ន) បន្តរួមគ្នាដើម្បីធ្វើទំនើបកម្មពេទ្យនាំមុខ នៅក្នុងព្រះរាជាណាចក្រកម្ពុជា របស់យើងនៅទីនេះ” ។

សម្តេចនាយករដ្ឋមន្ត្រី ថ្លែងគូសបញ្ជាក់ដែរថា “ប៉ុន្តែទៅអនាគតមិនមែនទៅជាកន្លែងតែមួយទេ ជំហានដែលយើងត្រូវបន្ថែម គឺពេទ្យតំបន់ ដើម្បីមានអីកុំចាំបាច់មកកកស្ទះនៅភ្នំពេញ ហើយកុំបាច់ធ្វើដំណើរមកយូរ ត្រូវពង្រឹងសមត្ថភាព ពេទ្យតំបន់របស់យើង ឱ្យមានសមត្ថភាព ហើយទៅថ្ងៃអនាគតទៀត ជំហាន៣ គឺពេទ្យរាជធានី ពេទ្យខេត្តរបស់យើង ​ដើម្បីឱ្យមានសមត្ថភាពច្រើន ពិតណាស់ជំនាញមួយចំនួន គឺប្រមូលផ្តុំនៅថ្នាក់ជាតិ ប៉ុន្តែជំនាញបឋមមួយចំនួន គឺនៅទីនោះ (មន្ទីរពេទ្យបង្អែកខេត្ត និងមណ្ឌលសុខភាពស្រុក)”៕

ព័ត៌មានគួរចាប់អារម្មណ៍

សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()

ព័ត៌មានគួរចាប់អារម្មណ៍

ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()

ព័ត៌មានគួរចាប់អារម្មណ៍

សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម​ គីម​ រិទ្ធី​ ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()

ព័ត៌មានគួរចាប់អារម្មណ៍

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()

ព័ត៌មានគួរចាប់អារម្មណ៍

រដ្ឋមន្ត្រីក្រសួងសាធារណការ អនុញ្ញាតឱ្យអ្នកគ្រប់គ្រងទូទៅក្រុមហ៊ុនដឹកជញ្ជូន CMA CGM Group ប្រចាំកម្ពុជា-វៀតណាម ចូលជួបពិភាក្សាការងារពាក់ព័ន្ធនឹងកាលានុវឌ្ឍនភាពក្នុងចូលរួមចំណែកអភិវឌ្ឍន៍វិស័យដឹកជញ្ជូន និងភស្តុភារកម្មនៅកម្ពុជា ()

វីដែអូ