(បាត់ដំបង)៖ លោក សុខ លូ អភិបាលខេត្តបាត់ដំបង នៅថ្ងៃទី១៣ ខែកញ្ញា ឆ្នាំ២០២៤ បានអញ្ជើញដឹកនាំក្រុមការងារជំនាញចុះពិនិត្យ ផ្លូវបេតុងដែលបានសាងសង់រួចមានប្រវែង១៨៨៣ម៉ែត្រ ក្នុងនោះ ផ្លូវប្រវែង១.០៣៥ម៉ែត្រ ទទឹង ៦ម៉ែត្រ និងផ្លូវប្រវែង៨៤៨ម៉ែត្រ ទទឹង៥ម៉ែត្រ និងពិនិត្យទីតាំងសម្រាប់ដាក់បង្គោលភ្លើងសូឡាបំភ្លឺតាមដងផ្លូវ និងដាំដើមឈើសងខាងផ្លូវស្ថិតនៅភូមិសង្កែវារ ឃុំបវេល ស្រុកបវេល ខេត្តបាត់ដំបង។លោក សុខ លូ បានថ្លែងថា ផ្លូវដែលរងការខូចខាតដោយជំនន់ទឹកភ្លៀងកន្លងមកនៅខេត្តបាត់ដំបង មានជាច្រើនខ្សែ ហើយរដ្ឋបាលខេត្តបានសហការជាមួយមន្ទីរជំនាញ បាននិងកំពុងធ្វើ និងជួសជុលជាបន្តបន្ទាប់ជារៀងរាល់ថ្ងៃដើម្បីសម្រួលដល់ការធ្វើដំណើរដល់ប្រជាពលរដ្ឋប្រចាំថ្ងៃផង។លោកបានបន្តថា ក្នុងនាមរដ្ឋបាកខេត្តបានសម្រេចជាមួយមន្ទីរជំនាញធ្វើ និងជួសជុលផ្លូវណាដែលចាំបាច់មុនគេ ហើយបន្តធ្វើជាបន្តបន្ទាប់ថែមទៀតរហូតដល់អស់។ ម្យាងវិញទៀត ពេលគ្រឿងចក្រចូលធ្វើនៅកន្លែងណា តែងតែមានបិទផ្លូវស្ទះចរាចរណ៍បណ្តោះអាសន្នយឺតយូរ ទៅតាមជាក់ស្តែង ដូច្នេះសូមបងប្អូនប្រជាពលរដ្ឋយើងសូមមានការយោគយល់ក្រុមការងារផង។ជាក់ស្តែងថ្ងៃនេះ លោក និងក្រុមការងារ បានចុះពិនិត្យមើលផ្លូវបេតុង១ខ្សែ ដែលបានសាងសង់រួចមានប្រវែង ១៨៨៣ម៉ែត្រ ក្នុងនោះ ផ្លូវប្រវែង១.០៣៥ម៉ែត្រ ទទឹង ៦ម៉ែត្រ និងផ្លូវប្រវែង៨៤៨ម៉ែត្រ ទទឹង៥ម៉ែត្រ និងពិនិត្យទីតាំងសម្រាប់ដាក់បង្គោលភ្លើងសូឡាបំភ្លឺតាមដងផ្លូវ និងដាំដើមឈើសងខាងផ្លូវស្ថិតនៅភូមិសង្កែវារ ឃុំបវេល ស្រុកបវេល ខេត្តបាត់ដំបងផងដែរ៕
ព័ត៌មានគួរចាប់អារម្មណ៍
ឯកឧត្តមរដ្ឋមន្រ្តី សុខ សូកេន ដឹកនាំកិច្ចប្រជុំប្រចាំសប្ដាហ៍ ដើម្បីត្រួតពិនិត្យ និងតាមដានវឌ្ឍនភាពការងារអនុក្រុមការងារទាំងបី និងលេខាធិការដ្ឋានរបស់ក្រុមការងារតាមដាន និងត្រួតពិនិត្យការអនុវត្តយុទ្ធសាស្រ្ត «ព៤ជ៤» របស់ក្រសួងអធិការកិច្ច ()
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
វីដែអូ