(ភ្នំពេញ)៖ ស្នងការដ្ឋាននគរបាលខេត្តព្រៃវែង នៅថ្ងៃទី២៨ ខែធ្នូ ឆ្នាំ២០២៤នេះ បានចេញសេចក្ដីបំភ្លឺព័ត៌មានលម្អិត អំពីហេតុការណ៍ផ្ទុះអាវុធដោយកម្លាំងនាយកដ្ឋាននគរបាលព្រហ្មទណ្ឌ ពេលកំពុងបំពេញប្រតិបត្តិការតាមស្រាវជ្រាវបង្ក្រាបករណីចាប់ជំរិត នៅចំណុចកអណ្ដើក ស្រុកកំពង់ត្របែក។នៅថ្ងៃទី២៧ ខែធ្នូ ឆ្នាំ២០២៤ កម្លាំងនាយកដ្ឋាននគរបាលព្រហ្មទណ្ឌ បានចុះប្រតិបត្តិការស៊ើបអង្កេត ស្រាវជ្រាវ និងបង្ក្រាបបទល្មើសចាប់ជំរិត ស្ថិតនៅក្នុងទឹកដីខេត្តស្វាយរៀង។ ពេលធ្វើដំណើរពីរាជធានីភ្នំពេញ ទៅដល់ទីរួមខេត្តស្វាយរៀង កម្លាំងប្រតិបត្តិការដែលជិះរថយន្តចំនួន២គ្រឿង បានពើបប្រទះឃើញរថយន្តមួយគ្រឿងម៉ាក ស្តារិច ពណ៌ស មានភិនភាគដូចនឹងភិនភាគរថយន្តរបស់ជនល្មើសចាប់ជំរិតទាមទារប្រាក់ដែលកម្លាំងភ្នាក់ងារសម្ងាត់បានផ្តល់ជូន។ភ្លាមៗកម្លាំងនគរបាលក៏បានបត់ត្រឡប់រថយន្តដេញតាមរថយន្តម៉ាកស្តារិច ពណ៌ស ខាងលើ និងបានព្យាយាមកៀរស៊ីផ្លេ ហៅរថយន្តនោះឲ្យអែបកៀនឈប់ជាច្រើនដង ប៉ុន្តែរថយន្តស្តារិច ខាងលើ មិនព្រមឈប់នោះទេ។ រហូតមកដល់ចំណុចកើតហេតុ ត្រង់ចំណុចកអណ្ដើក ឃុំប្រាសាទ ស្រុកកំពង់ត្របែក ខេត្តព្រៃវែង លើផ្លូវជាតិលេខ១ កម្លាំងប្រតិបត្តិការបានកាក់រថយន្ត សង្ស័យជាប់ ដោយមានរថយន្តរបស់កម្លាំងប្រតិបត្តិការចំនួន២គ្រឿង បិទជាប់ពីមុខ និងពីក្រោយ។ពេលកាក់ជាប់ ហើយកម្លាំងប្រតិបត្តិការប្រមាណ៤ ទៅ៥នាក់ បានចុះព័ទ្ធរថយន្តសង្ស័យ រួចគោះទ្វារ ស្រែកឲ្យម្ចាស់រថយន្ត និងអ្នកនៅក្នុងរថយន្តទាំងអស់ចេញក្រៅ ស្រាប់តែរំពេចនោះ តៃកុងរថយន្តសង្ស័យ បានបើកថយក្រោយបុករថយន្តរបស់ កម្លាំង រួចបានបួងចង្កូតបើកគេចយ៉ាងលឿនចេញពីកន្លែងកើតហេតុ ធ្វើឲ្យកម្លាំងនគរបាលដែលកាក់នៅខាងមុខរថយន្តសង្ស័យបានបំផ្ទុះអាវុធ គោលបំណងធ្វើឲ្យរថយន្ដសង្ស័យទៅមុខមិនរួច និងផ្លាតគ្រាប់ទៅត្រូវប្រជាពលរដ្ឋនៅក្បែរកន្លែងកើតហេតុបណ្ដាលឲ្យរងរបួសធ្ងន់ម្នាក់ ដោយឡែកអ្នកនៅក្នុងរថយន្ដសង្ស័យរងរបួសម្រាមដៃមួយនាក់ ក្រៅពីនោះមិនមានរងរបួសនោះទេ។ខាងក្រោមនេះ ជាសេចក្ដីបំភ្លឺព័ត៌មានរបស់ស្នងការដ្ឋាននគរបាលខេត្តព្រៃវែង៖
ព័ត៌មានគួរចាប់អារម្មណ៍
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
រដ្ឋមន្ត្រីក្រសួងសាធារណការ អនុញ្ញាតឱ្យអ្នកគ្រប់គ្រងទូទៅក្រុមហ៊ុនដឹកជញ្ជូន CMA CGM Group ប្រចាំកម្ពុជា-វៀតណាម ចូលជួបពិភាក្សាការងារពាក់ព័ន្ធនឹងកាលានុវឌ្ឍនភាពក្នុងចូលរួមចំណែកអភិវឌ្ឍន៍វិស័យដឹកជញ្ជូន និងភស្តុភារកម្មនៅកម្ពុជា ()
វីដែអូ