(បាត់ដំបង)៖ កម្លាំងការិយាល័យប្រឆាំងបទល្មើសសេដ្ឋកិច្ច នៃស្នងការនគបាលខេត្ត សហការជាមួយអធិការនគរបាលស្រុកសង្កែ កាលពីម៉ោងជាង ៣រសៀលថ្ងៃទី២៤ ខែធ្នូ ឆ្នាំ២០២៤ បានចុះបង្រ្កាបករណីនាំចូល ស្តុក ចែកចាយ និងចរាចរផលិតផលសំបកកង់ និងពោះវៀនកង់ ម៉ាក IRC ដែលរំលោភកម្មសិទ្ធិចែកចាយផ្តាច់មុខរបស់ក្រុមហ៊ុន គង់ នួន គ្រុប ស្ថិតនៅឃ្លាំងមួយកន្លែងក្នុងភូមិច្រាបវាល ឃុំអន្លង់វិល ស្រុកសង្កែ ខេត្តបាត់ដំបង។លោក ប្រាក់ ធី នាយរងការិយាល័យប្រឆាំងបទល្មើសសេដ្ឋកិច្ច បានឲ្យដឹងថា ក្រោមការបញ្ជាពីលោក យី យក់សាន នាយការិយាល័យ និងមានការសម្របសម្រួលពីលោក ទុត វីនីត ព្រះរាជអាជ្ញារងអមសាលាដំបូងខេត្តបាត់ដំបង លោកបានដឹកនាំចុះផ្ទាល់ដល់ទីតាំងឃ្លាំងនាំចូល ស្តុក និងចែកចាយខាងលើ តាមពាក្យបណ្តឹងរបស់ក្រុមហ៊ុន គង់ នួន គ្រុប ដែលមានលោកមេធាវី ចាប កែវ ជាតំណាង។តាមរបាយការណ៍ថា ការបង្រ្កាបករណីនាំចូល ស្តុក ចែកចាយ និងចរាចរផលិតផល សំបកកង់ និងពោះវៀនកង់ខាងលើ កម្លាំងជំនាញបានរកឃើញពោះវៀនកង់ម៉ូតូម៉ាក IRC ចំនួន២០៦ បេស្មើរ នឹង១,២៣៦០ ពោះវៀន និងសំបកកង់ម៉ាក IRC ចំនួន៥៦សំបក។ក្រោយពិនិត្យរកឃើញកម្លាំងជំនាញ បានដកហូតវត្ថុតាងខាងលើ នាំយកទៅកាន់ស្នងការនគបាលខេត្តបាត់ដំបង រក្សាទុកបណ្តោះអាសន្ន រង់ចាំការសម្រេចពីស្ថាប័នមានសមត្ថកិច្ចជំនាញ និងបានឃាត់ខ្លួនបុគ្គលិកឃ្លាំងម្នាក់ឈ្មោះ សួង រូហ្សា ជាបុគ្គលិកគ្រប់គ្រងស្តុក មកសាកសួរបំភ្លឺនៅស្នងការនគបាលខេត្តបាត់ដំបង។សូមបញ្ជាក់ថា កន្លងទៅកម្លាំងការិយាល័យប្រឆាំងបទល្មើសសេដ្ឋកិច្ច បានបង្រ្កាបបទល្មើសរំលោភកម្មសិទ្ធិបញ្ញា ជាបន្តបន្ទាប់ក្នុងនោះ បានបានឆែកឆេរ និងត្រួតពិនិត្យឃ្លាំងស្តុក និងចែកចាយពូជពោត៤កន្លែង ក្នុងភូមិសាស្រ្តខេត្តបាត់ដំបងរកឃើញពូជពោតម៉ាក Sun Smill 2020 ចំនួនជាង៧៧០ការ៉ុង ដែលរំលោភកម្មសិទ្ធិបញ្ញា របស់ក្រុមហ៊ុន Sun Smill Import Export ដោយយកទៅដុតកម្ទេចចោលតាមនិតិវិធីច្បាប់ផងដែរ៕
ព័ត៌មានគួរចាប់អារម្មណ៍
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
រដ្ឋមន្ត្រីក្រសួងសាធារណការ អនុញ្ញាតឱ្យអ្នកគ្រប់គ្រងទូទៅក្រុមហ៊ុនដឹកជញ្ជូន CMA CGM Group ប្រចាំកម្ពុជា-វៀតណាម ចូលជួបពិភាក្សាការងារពាក់ព័ន្ធនឹងកាលានុវឌ្ឍនភាពក្នុងចូលរួមចំណែកអភិវឌ្ឍន៍វិស័យដឹកជញ្ជូន និងភស្តុភារកម្មនៅកម្ពុជា ()
វីដែអូ