(បាត់ដំបង) នៅថ្ងៃទី២៣ ខែធ្នូ ឆ្នាំ២០២៤ ឯកឧត្តម ឧត្តមសេនីយ៍ឯក ឯក សំអូន មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ អញ្ជើញបិទវគ្គហ្វឹកហ្វឺនបំប៉នពង្រឹង អង្គភាពតំបន់ប្រតិបត្តិការសឹករងបាត់ដំបង ឆ្នាំ២០២៤ នៅទីបញ្ជាការតំបន់ប្រតិបត្តិការសឹករងបាត់ដំបង។មានមតិសំណេះសំណាលក្នុងឱកាសនោះ ឯកឧត្តម ឧត្តមសេនីយ៍ឯក ឯក សំអូន មានប្រសាសន៍ថា កងយោធពលខេមរភូមិន្ទ នៅតែចាត់ទុកវិស័យហ្វឹកហ្វឺនបណ្តុះបណ្តាលធនធានមនុស្សសម្រាប់កងទ័ព ក្នុងការធ្វេីកំណែទំរង់កងយោធពលខេមរភូមិន្ទ សំដៅធ្វេីទំនេីបកម្ម និង បង្កេីនសមត្ថភាព ជំនាញ វិជ្ជាជីវៈ ដល់យោធិន ដេីម្បីធានា ការពារ ប្រកបដោយប្រសិទ្ធភាព អតិបតេយ្យ បូរណភាពទឹកដី សន្តិភាព និងសណ្តាប់ធ្នាប់សាធារណៈ ក៏ដូចជាការអភិវឌ្ឍន៍គ្រប់វិស័យ បច្ចុប្បន្នការងារហ្វឹកហ្វឺនបានដេីរតួនាទី សំខាន់ សម្រាប់ពង្រឹងខឿនការពារជាតិ តាមរយៈការផ្តល់ចំណេះដឹង ចំណេះធ្វេីពិតប្រាកដល់យោធិនវ័យក្មេងបន្តវេនជំនាន់ក្រោយ។ ក្នុងន័យនេះ ការងារហ្វឹកហ្វឺនត្រូវបានចាត់ទុកជាការងារ អាទិភាពចាំបាច់បំផុតដែលត្រូវដំណេីរការបន្តបន្ទាប់ដូចភ្លៀងរលឹម ដេីម្បីរួមចំណែកអនុវត្តយុទ្ធសាស្រ្តការពារជាតិ និង គោលនយោបាយរបស់រាជរដ្ឋាភិបាលឲ្យទទួលបានជោគជ័យ។ឯកឧត្តមឧត្តមសេនីយឯក ឯក សំអូន បានផ្តាំផ្ញើដល់សិក្ខាកាមដែលទើបបញ្ចប់វគ្គនាពេលនេះ ពេលត្រឡប់ទៅដល់អង្គភាពវិញ ត្រូវយកចំណេះដឹងពីការរៀនសូត្រទៅបម្រើអង្គភាពរបស់ខ្លួន និងបន្តផ្សព្វផ្សាយបន្តជូនយោធិនរួមអាជីព បន្តខិតខំស្រាវជ្រាវ បន្តទៀត ពង្រឹងសកម្មភាពឱ្យមានការរីកចម្រើននៅក្នុងអង្គភាព សំដៅរួមចំណែកកសាងជាតិ មាតុភូមិ និង ប្រជាជន ត្រូវបន្តពង្រឹងជំហរស្មោះត្រង់ដាច់ខាតការពារ ជាតិ សាសនា ព្រះមហាក្សត្រ បន្តចូលរួមអនុវត្តគោលនយោបាយយុទ្ធសាស្ត្របញ្ចកោណរបស់រាជរដ្ឋាភិបាល បន្តអនុវត្តម៉ឺងម៉ាត់រាល់បទបញ្ជា របស់ក្រសួងការពារជាតិ អគ្គបញ្ជាការ បញ្ជាការដ្ឋានកងទ័ពជើងគោក បានប្រគល់ជូន។ជាចុងបញ្ជាប់ ឯកឧត្តម ឧត្តមសេនីយ៍ឯក បានប្រគល់លិខិតបញ្ជាក់ការសិក្សា និងប័ណ្ណសរសើរ ជូនដល់សិក្ខាកាម ឧបត្ថម្ភថវិកាដល់ការបិទវគ្គ ចំនួន ១.៥០០.០០០រៀល និង ប្រកាសបិទវគ្គចាប់ពីពេលនេះតទៅ៕
ព័ត៌មានគួរចាប់អារម្មណ៍
សម្តេច ស ខេង អញ្ជើញជាអធិបតីក្នុងកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៦ ឆ្នាំ២០២៧ ()
ឯកឧត្តម សុខ លូ អញ្ជើញជាអធិបតីក្នុងកិច្ចប្រជុំស្ដីពីការពង្រឹងលើការសម្របសម្រួលព័ត៌មាន និងដោះស្រាយសាធារណមតិក្នុងបណ្ដាញសង្គមស្ថិតក្នុងដែនសមត្ថកិច្ចខេត្តបាត់ដំបង ()
អភិបាលរាជធានីភ្នំពេញ៖ គិតត្រឹមថ្ងៃទី១២ ខែឧសភា ឆ្នាំ២០២៦ គណបក្សប្រជាជនកម្ពុជារាជធានីភ្នំពេញ មានសមាជិកគណបក្សជាង៧៨ម៉ឺននាក់ ស្មើនឹងចំនួន ៧៨,៨១% នៃចំនួនប្រជាពលរដ្ឋ ក្នុងបញ្ជីបោះឆ្នោតសរុប ()
សម្តេចធិបតី ផ្ញើសារយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាត ពីព្រោះនេះគឺជាមុខមាត់របស់ប្រទេសជាតិ ()
សម្តេចធិបតី ណែនាំក្រសួងសុខាភិបាល ត្រូវបន្តខិតខំត្រៀមវិធានការបង្ការនិងទប់ស្កាត់នូវការផ្ទុះឡើងនៃជំងឺអេបូឡា និងវីរុសហាន់តា ()
វីដែអូ