ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានលើកឡើងថា ការរៀបចំ និងដាក់ឱ្យប្រើប្រាស់ នូវថ្នាលឌីជីថល ចុះឈ្មោះអ្នកសេដ្ឋកិច្ចក្រៅប្រព័ន្ធ គឺដើម្បីជួយ មិនមែនដើម្បីបន្ទុកបន្ថែម ជូនបងប្អូននៅសេដ្ឋកិច្ចក្រៅប្រព័ន្ធនោះទេ ហើយកិច្ចការងារនេះ គឺផ្អែកលើគោលការណ៍ស្ម័គ្រចិត្តទាំងស្រុង មិនមានការចាប់បង្ខំទេ ។ក្នុងឱកាសអញ្ជើញ សម្ពោធដាក់ឱ្យដំណើរការជាផ្លូវការ ថ្នាលឌីជីថលចុះឈ្មោះអ្នកសេដ្ឋកិច្ចក្រៅប្រព័ន្ធ នាព្រឹកថ្ងៃទី១៦ ខែធ្នូ ឆ្នាំ២០២៤នេះ សម្តេចធិបតី ហ៊ុន ម៉ាណែត បានរំលេចអំពីគុណតម្លៃ និងផលប្រយោជន៍នានា នៅក្នុងការចុះឈ្មោះក្នុងប្រព័ន្ធ ក្នុងនោះ អ្នកសេដ្ឋកិច្ចក្រៅប្រព័ន្ធ មិនមានកាត្តព្វកិច្ច និងចំណាយផ្សេងៗឡើយ ហើយជាពិសេសអនុវត្តតាមគោលការណ៍ស្ម័គ្រចិត្តទាំងស្រុង មិនមានការបង្ខិតបង្ខំ និងមិនមានគិតថ្លៃអ្វីទាំងអស់ ។សម្តេចធិបតី បន្ថែមថា រាជរដ្ឋាភិបាល មានកម្មវិធីគោលនយោបាយសេដ្ឋកិច្ចជាច្រើន ដើម្បីគាំទ្រទៅដល់អ្នកសេដ្ឋកិច្ចក្រៅប្រព័ន្ធ និងពលរដ្ឋក្រីក្រ ហើយនឹងមានគោលនយោបាយផ្សេងទៀតទៅថ្ងៃមុខផងដែរ ។សម្តេចធិបតី បានលើកឡើងទៀតថា ទៅថ្ងៃមុខទៀត យើងអាចចេញគោលនយោបាយអ្វីផ្សេងៗ តែយើងអាចដឹងច្បាស់ ហើយអាចជួយច្បាស់តែម្តង ថានៅខេត្តណាមានប៉ុន្មាន នៅទីណាមានប៉ុន្មាន ហើយយើងត្រូវជួយអ្វី ហើយជាពិសេស នៅក្នុងកាលទេសៈ នៃដំណាក់កាលនៃគ្រោះ ដែលមិនបានត្រៀមទុកនេះតែម្តង ព្រោះប្រជាជននៅសេដ្ឋកិច្ចក្រៅប្រព័ន្ធ គឺតែងតែទទួលរងគ្រោះហានិភ័យខ្ពស់ជាងគេ ប្រៀបធៀបជាមួយអ្នកដែលមានមូលដ្ឋានរឹងមាំ នៅក្នុងសេដ្ឋកិច្ចក្នុងប្រព័ន្ធ ៕
ព័ត៌មានគួរចាប់អារម្មណ៍
គណៈរដ្ឋមន្ត្រីប្រជុំពិនិត្យរបាយការណ៍វឌ្ឍនភាពនៃការអនុវត្តវិធានការគន្លឹះក្នុងការពង្រឹងសមត្ថភាពរដ្ឋបាលសាធារណៈ ដើម្បីជំរុញនិងលើកកម្ពស់ការអនុវត្តការងារកែទម្រង់រដ្ឋបាលសាធារណៈ ឱ្យមានប្រសិទ្ធភាពខ្ពស់ ()
សម្ដេចតេជោ ហ៊ុន សែន ជំរុញឲ្យកម្ពុជា-វៀតណាម សហការគ្នាធានាសន្ដិសុខតាមព្រំដែន រួមគ្នាប្រយុទ្ធនឹងព័ត៌មានក្លែងក្លាយ ពិសេសចៀសវាងកុំឲ្យមានការប្រើប្រាស់កម្លាំងក្នុងប្រទេសណាមួយប្រឆាំងនឹងប្រទេសមួយទៀត រវាងកម្ពុជា-ឡាវ-វៀតណាម ()
សម្តេចតេជោ ហ៊ុន សែន សម្តែងការទទួលខុសត្រូវ និងសូមអភ័យទោសប្រជាពលរដ្ឋទូទាំងប្រទេស ដោយសារជឿទុកចិត្តប្រទេសថៃពេក និងមិនបានត្រៀមខ្លួនគ្រប់គ្រាន់ សម្រាប់ការប្រយុទ្ធ ()
សម្តេចធិបតី ហ៊ុន ម៉ាណែត អញ្ជើញបំពេញទស្សនកិច្ចផ្លូវការ នៅសាធារណរដ្ឋសង្គមនិយមវៀតណាម ()
អភិបាលខេត្តប៉ៃលិន អញ្ជើញបួងសួងសុំសេចក្តីសុខចម្រើនក្នុងឱកាសលើករូបសំណាកព្រះវិស្ណុធ្វើពីថ្មភ្នំដាក់លើរង្វង់មូលថ្មី ដើម្បីលើកកម្ពស់សោភណភាព និងសុវត្ថិភាព ក្នុងការធ្វើដំណើររបស់ប្រជាពលរដ្ឋ ()
វីដែអូ