(បាត់ដំបង) ក្រុមការងារចម្រុះ LIMA24 ដែលមានការចូលរួមពីក្រសួងមហាផ្ទៃ, នាយកដ្ឋាននគរបាលប្រឆាំងការជួញដូរមនុស្ស និងការពារអនីតិជន នៃអគ្គស្នងការដ្ឋាននគរបាលជាតិ, ការិយាល័យសន្តិសុខមាតុភូមិ នៃសហរដ្ឋអាមេរិក (HSI), ការិយាល័យទប់ស្កាត់បទល្មើសលើកុមារតាមបណ្តាញអនឡាញ (ICAC) នៃអង្គភាពការពារកុមារ (CPU) និងស្នងការដ្ឋាននគរបាលខេត្តបាត់ដំបង សហការធ្វើការតាមដានសកម្មភាពរបស់អតីតលោកសង្ឃម្នាក់ បន្ទាប់ពីបានឃើញថា មានរូបភាពអាសអាភាសលើកុមារកម្ពុជា ផលិតដោយជនសង្ស័យនោះផ្ទាល់ ត្រូវបានរូបគេបង្ហោះទៅលើបណ្តាញអនឡាញ។ គោលដៅជនរងគ្រោះរបស់គេ គឺកូននេននៅក្នុងវត្តមួយចំនួន ក្នុងខេត្តសៀមរាប និងបាត់ដំបង។ជាលទ្ធផលនៃការស៊ើបអង្កេតនេះ និងការឆែកឆេរទីលំនៅមួយចំនួន បុរសម្នាក់អាយុ ២៧ឆ្នាំ ត្រូវបានសមត្ថកិច្ចឃាត់ខ្លួន និងផ្តន្ទាទោសនៅសាលាដំបូង ខេត្តបាត់ដំបង ពីបទរំលោភសេពសន្ថវៈ (ស្ថានទម្ងន់ទោសជនរងគ្រោះជាកុមារ) និងបទល្មើសផលិតរូបភាពអាសអាភាសលើកុមារ។ ជនសង្ស័យនេះត្រូវបានបញ្ជូនទៅកាន់ពន្ធនាគាររួចហើយ។សូមបញ្ជាក់ថា ការស៊ើបអង្កេតនេះបានកំណត់ជនរងគ្រោះចំនួន ៨នាក់ មានអាយុរវាង ៩ឆ្នាំ ដល់១៤ឆ្នាំ។ ការស៊ើបអង្កេតនេះក៏កំពុងតែបន្ត ហើយរំពឹងថា នៅពេលដែលធ្វើកោសល្យវិច្ច័យទៅលើភស្តុតាងឌីជីថលជាច្រើនដែលបានដកហូតរួចរាល់នោះ នឹងអាចកំណត់ជនរងគ្រោះបន្ថែមទៀត។ បុគ្គលនេះ ជាហានិភ័យដ៏ធំទៅដល់កុមារ។យោងតាមការឱ្យដឹងពី អង្គភាពការពារកុមារ (CPU) បានឱ្យដឹងថា ការស៊ើបអង្កេតនេះជាឧទាហរណ៍ដ៏ល្អប្រសើរមួយ ដែលបង្ហាញពីភាពប្តេជ្ញារបស់រាល់ស្ថាប័នពាក់ព័ន្ធ ក្នុងកិច្ចការពារកុមារពីជនប្រមាញ់តាមប្រព័ន្ធអនឡាញ ហើយក៏ជាសារដ៏សំខាន់មួយសម្រាប់រាល់បុគ្គលទាំងនោះដែលគិតថា ប្រទេសកម្ពុជាមិនមានលទ្ធភាពក្នុងការស៊ើបអង្កេតទៅលើបទល្មើសលើកុមារតាមប្រព័ន្ធអនឡាញ។ ប្រសិនបើអ្នកផលិតរូបភាពអាសអាភាសលើកុមារ ហើយចែកចាយ ឬបង្ហោះទៅលើបណ្តាញអនឡាញ នឹងមិនរួចខ្លួននោះទេ៕
ព័ត៌មានគួរចាប់អារម្មណ៍
ឧកញ៉ា ឡេង សុខគា ដឹកនាំប្រតិភូសភាពាណិជ្ជកម្មកម្ពុជា ទស្សនា និងស្វែងយល់ពីបច្ចេកវិទ្យាកែច្នៃ និងវេចខ្ចប់នៃបណ្តាក្រុមហ៊ុនមួយចំនួន ដែលបានកំពុងដាក់តាំងបង្ហាញក្នុងកម្មវិធីពិព័រណ៍អន្តរជាតិក្រុងហូជីមីញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកជំទាវ Zou Jiayi ប្រធាន និងជាប្រធានក្រុមប្រឹក្សាភិបាល នៃធនាគារវិនិយោគហេដ្ឋារចនាសម្ព័ន្ធអាស៊ី (AIIB) ()
រដ្ឋមន្ត្រីទេសចរណ៍៖ វិស័យទេសចរណ៍ គឺខ្វះព័ត៌មានមិនបានជាដាច់ខាត ()
កម្ពុជាបណ្ដេញជនបរទេសខុសច្បាប់ជាង ១,៥០០នាក់ បន្ថែមទៀតចេញពីកម្ពុជា ពាក់ព័ន្ធករណីឆបោកអនឡាញ ()
ព្រឹកនេះ សម្តេចបវរធិបតី ហ៊ុន ម៉ាណែត ទទួលជួបលោកស្រី Rabab Fatima អគ្គលេខាធិការរង អង្គការសហប្រជាជាតិ និងជាតំណាងជាន់ខ្ពស់សម្រាប់ប្រទេសអភិវឌ្ឍន៍តិចតួច ប្រទេសកំពុងអភិវឌ្ឍន៍ គ្មានព្រំដែនជាប់សមុទ្រ និងប្រទេសដីកោះកំពុងអភិវឌ្ឍន៍តូច ()
វីដែអូ