ភ្នំពេញ៖ ឧបនាយករដ្ឋមន្ដ្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ បានអំពាវនាវដល់បណ្ដាក្រសួងស្ថាប័នទាំងអស់ ត្រូវបន្ដបុរេសកម្មលើការងារពង្រឹងរចនាសម្ព័ន្ធ ទាំងក្របខ័ណ្ឌមន្ដ្រី និងការរៀបចំហេដ្ឋារចនាសម្ព័ន្ធរបស់ក្រសួង។ការលើកឡើងរបស់ឯកឧត្តម ឧបនាយករដ្ឋមន្រ្តីបែបនេះធ្វើឡើង នាព្រឹកថ្ងៃទី២៦ ខែវិច្ឆិកា ឆ្នាំ២០២៤ តាមរយៈការរៀបចំសន្និសីទសារព័ត៌មាន ស្តីពី «ការអនុវត្តវិធានការគន្លឹះទី២ ក្នុងការកែទម្រង់រដ្ឋបាលសាធារណៈ៖ ការពិនិត្យឡើងវិញ និងការវិភាគមុខងារ និងរចនាសម្ព័ន្ធក្រសួង ស្ថាប័ន» នៅសាលាភូមិន្ទរដ្ឋបាល។ឯកឧត្តមឧបនាយករដ្ឋមន្ត្រី មានប្រសាសន៍យ៉ាងដូច្នេះថា «ចំណុចសំខាន់ ក្នុងពេលដែលក្រសួងសាមីមានភាពម្ចាស់ការ និងបុរេសកម្ម តែត្រូវទៅតាមអភិក្រមមួយ ដែលសម្ដេចមហាបវរធិបតី ហ៊ុន ម៉ាណែត បានណែនាំជាប្រចាំ គឺពង្រឹងជាជាងពង្រីករចនាសម្ព័ន្ធ ទាំងក្របខ័ណ្ឌមន្រ្តី ទាំងការរៀបចំផ្ទះឲ្យរៀបរយ» ។បើតាមការឲ្យដឹងរបស់ឯកឧត្តម ហ៊ុន ម៉ានី ឧបនាយករដ្ឋមន្ត្រី ក្រសួងមុខងារសាធារណៈ បានផ្ដល់ជាការគាំទ្របច្ចេកទេស ទៅដល់ក្រសួងសាមីខ្លួនឯង ដែលត្រូវម្ចាស់ការ និងបុរេសកម្មនូវការអនុវត្តការវិភាគមុខងារផ្ទាល់ខ្លួន ក្រសួងមុខងារសាធារណៈក៏បានត្រៀមខ្លួនរួចជាស្រេច ក្នុងការពិភាក្សា ផ្ដល់យោបល់ ជាមួយក្រសួងសាមីទាំងអស់ ដើម្បីឲ្យបណ្ដាក្រសួងនីមួយៗ ឈានទៅដល់ការសម្រេចគោលដៅរួមជំហ៊ានទី១ផងដែរ។ឯកឧត្តមរដ្ឋមន្រ្តីសង្កត់ធ្ងន់ថា កន្លងមក នៅតាមបណ្ដាក្រសួងមួយចំនួន ធ្លាប់បានស្នើសុំឲ្យមានការជ្រើសរើសមន្រ្តីបន្ថែម ដើម្បីបំពេញតួនាទីភារកិច្ច ប៉ុន្តែចំពោះរាជរដ្ឋាភិបាល អាណត្តិទី៧ និងការវិភាគមុខងារត្រូវផ្សាភ្ជាប់ទៅនឹងសុខភាពរបស់ខ្លួន ជាមួយគ្នានេះ គឺមិនមានការពង្រីកហេដ្ឋារចនាសម្ព័ន្ធនោះទេ។រដ្ឋមន្ត្រីក្រសួងមុខងារសាធារណៈ គូសបញ្ជាក់ថា ការប្រឡងជ្រើសរើសមន្រ្តី នៅក្នុងអាណត្តិថ្មីកន្លងមកសុទ្ធតែជាក្របខ័ណ្ឌ ដែលបានអនុញ្ញាតតាំងពីឆ្នាំ ២០២៣មក ចំពោះលក្ខណ្ឌជ្រើសរើសមន្រ្តីថ្មី នៅក្នុងឆ្នាំ២០២៤ និង២០២៥ គឺមិនទាន់មាននោះទេ៕
ព័ត៌មានគួរចាប់អារម្មណ៍
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញចូលរួមកិច្ចប្រជុំកំពូលអង្គការកិច្ចសហប្រតិបត្តិការសៀងហៃបូក នៅទីក្រុងធានជីន ប្រទេសចិន ()
ឧបនាយករដ្ឋមន្ត្រី កើត រិទ្ធ ដឹកនាំកិច្ចប្រជុំលើកទី៤ នៃក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា ដើម្បីពិនិត្យ និងពិភាក្សាលើលទ្ធផលនៃកិច្ចដំណើរការរបស់ ប.ភ.យ.ក. និងលក្ខណវិនិច្ឆ័យនិងលក្ខណសម្បត្តិសម្រាប់ជ្រើសរើសគ្រូបង្រៀននៃ ប.ភ.យ.ក. និងអនុម័តលើបញ្ជីឈ្មោះបេក្ខជន វិញ្ញាសា និងកាលបរិច្ឆេទនៃការប្រឡងប្រជែងជ្រើសរើសសិស្សវិជ្ជាជីវៈតុលាការ និងវិជ្ជាជីវៈច្បាប់ ក៏ដូចជាអនុម័តលើបទបញ្ជាផ្ទៃក្នុងសម្រាប់ក្រុមប្រឹក្សាភិបាលនៃ ប.ភ.យ.ក. ()
សម្តេចកិត្តិព្រឹទ្ធបណ្ឌិត ចាត់ឱ្យឯកឧត្តម គីម រិទ្ធី ចុះសួរសុខទុក្ខ និងផ្តល់អំណោយមនុស្សធម៌ជូនភរិយា និងក្រុមគ្រួសាររបស់វីរៈយុទ្ធជន ៥រូប រស់នៅខេត្តព្រះវិហារ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់ឱ្យឯកឧត្តម មាន ចាន់យ៉ាដា ចុះសួរសុខទុក្ខ និងផ្តល់អំណោយមនុស្សធម៌ជូនម្តាយបង្កេីត និងក្រុមគ្រួសាររបស់វីរៈយុទ្ធជន ១រូប រស់នៅខេត្តឧត្តរមានជ័យ ដែលត្រូវបានចាប់ខ្លួនក្រោយបទឈប់បាញ់ចូលជាធរមាន ()
រដ្ឋមន្ត្រីក្រសួងសាធារណការ អនុញ្ញាតឱ្យអ្នកគ្រប់គ្រងទូទៅក្រុមហ៊ុនដឹកជញ្ជូន CMA CGM Group ប្រចាំកម្ពុជា-វៀតណាម ចូលជួបពិភាក្សាការងារពាក់ព័ន្ធនឹងកាលានុវឌ្ឍនភាពក្នុងចូលរួមចំណែកអភិវឌ្ឍន៍វិស័យដឹកជញ្ជូន និងភស្តុភារកម្មនៅកម្ពុជា ()
វីដែអូ