(បាត់ដំបង)ដើម្បីជួយសម្រាលនូវការលំបាក ជាពិសេសលើការដឹកជញ្ជូនកសិផលរបស់ប្រជាពលរដ្ឋ នៅតាមតំបន់ជនបទឱ្យនៅកៀកជិតទីផ្សារជូនប្រជាពលរដ្ឋនោះ អាជ្ញាធរស្រុកបាណន់ បានផ្តើមធ្វើការស្ថាបនាផ្លូវលំជនបទចំនួន២ខ្សែ មានប្រវែង ៧៥០០ ម៉ែត្រ ជាប្រភេទផ្លូវក្រាលគ្រួសក្រហម ស្ថិតក្នុងភូមិបឹងចែង និងភូមិសំបួរមាស ក្នុងឃុំស្នឹង ស្រុកបាណន់ ខេត្តបាត់ដំបង ខណៈដែលប្រជាពលរដ្ឋបាននិងកំពុងត្រូវការបំផុត ក្នុងការធ្វើចរាចរណ៍ទៅមកផង និងការដឹកជញ្ជូនកសិផលដែលបានផលិតបានសម្រាប់ដឹកនាំយកទៅកាន់ទីផ្សារបានទាន់ពេលវេលាផង ហើយប្រជាពលរដ្ឋ នៅក្នុងភូមិបឹងចែង និងភូមិសំបួរមាស ក្នុងឃុំស្នឹង បានបង្ហាញនូវភាពសប្បាយរីករាយ ចំពោះសមិទ្ធផល ផ្លូវ២ខ្សែនេះ ដែលជាគម្រោងមូលនិធិឃុំស្នឹង ឆ្នាំ២០២៤ ។ពិធីបើកការដ្ឋានជួសជលស្ថាបនាផ្លូវគ្រោះក្រហមនេះ ស្ថិតក្រោមវត្តមានចូលរួមពី លោកស្រេង សុខា អភិបាលស្រុកបាណន់ និងសហការី ព្រមទាំងសមាជិកក្រុមប្រឹក្សាឃុំ និងប្រជាពលរដ្ឋជាអ្នកទទួលផលជាច្រើនទៀត ។លោក ស្រេង សុខា បានចាត់ទុកថា សមិទ្ធផលផ្លូវ២ខ្សែនេះគឺមិនមែនកើតឡើងដោយចៃដន្យនោះទេ ដែលនេះក៏ព្រោះតែស្ថានភាពនៃប្រទេសជាតិរបស់យើងទទួលផលពីផ្លែផ្កានៃសុខសន្តិភាព និងការអភិវឌ្ឍន៍ជាតិលើគ្រប់វិស័យ ក្រោមការដឹកនាំរបស់រាជរដ្ឋាភិបាលកម្ពុជា ដែលបានធ្វើឱ្យជីវភាពរស់នៅរបស់ប្រជាពលរដ្ឋកាន់តែល្អប្រសើរឡើង ជាក់ស្ដែងផ្លូវនេះនឹងជួយសម្រួលដល់ការធ្វើដំណើររបស់ប្រជាពលរដ្ឋ ក្នុងការដឹកជញ្ជូនទំនិញ និងកសិផលផ្សេងៗទៀត ពិសេសសិស្សានុសិស្សបានទៅសិក្សារៀនសូត្រក្នុងការប្រេីប្រាស់ផ្លូវ និងទៅបំពេញការងារប្រចាំថ្ងៃបានទាន់ពេលវេលា ។លោក អភិបាលស្រុកបាណន់ ស្រេង សុខា ក៏បានផ្ដាំផ្ញើនូវចំណុចសំខាន់ៗមួយចំនួនទៅប្រជាពលរដ្ឋ សូមជួយផ្សព្វផ្សាយផលប៉ះពាល់ និងគ្រោះថ្នាក់នៃការសេពគ្រឿងញៀន ក្នុងការទប់ស្កាត់ការប្រេីប្រាស់គ្រឿងញៀននៅមូលដ្ឋាន ដើម្បីអនាគតកូនចៅយេីង ព្រមទាំងបន្តរួមគ្នាការពារឱ្យបាននូវសុខសន្តិភាព ដែលមាននៅក្នុងដៃស្រាប់ និងត្រូវមានការជឿជាក់លើរាជរដ្ឋាភិបាល ព្រមទាំងប្រឆាំងដាច់ខាតរាល់ការប៉ុនប៉ងទាំងឡាយណា ដែលនាំឱ្យប្រទេសជាតិ ធ្លាក់នៅក្នុងស្ថានភាពអន្តរាយ។លោកបន្តថា ក្រៅពីនេះសូមចូលរួមថែរក្សាការពារនូវសមិទ្ធផលផ្លូវនេះឱ្យបានល្អ ការដឹកជញ្ជូនកុំដឹកលើសទម្ងន់ជាដេីម ហើយសូមអជ្ញាធរ និងសមត្ថកិច្ចរបស់យើងត្រូវបន្តយកចិត្តទុកដាក់អនុវត្តគោលនយោបាយភូមិ ឃុំមានសុវត្ថិភាព ការងារបង្ក្រាបល្បែងស៊ីសងខុសច្បាប់ និងការពារសន្តិសុខ សុវត្ថិភាពឱ្យបានល្អប្រសើរជូនប្រជាពលរដ្ឋនៅក្នុងមូលដ្ឋាន គ្រប់កាលៈទេសៈ ។មេឃុំស្នឹង លោកស្រី កឹម គីមអាន បានឱ្យដឹងថា ផ្លូវគ្រួសក្រហម២ខ្សែដែលកំពុងបេីកការដ្ឋានជួសជុលស្ថាបនាពេលនេះ មានប្រវែង៧៥០០ម៉ែត្រនិងទទឹង៤ម៉ែត្រ ក្នុងនោះ ភូមិបឹងចែងមានប្រវែង៤០០០ម៉ែត្រ និងភូមិសំបួរមាស មានប្រវែង៣៥០០ ម៉ែត្រ ដែលជាគម្រោងមូលនិធិឃុំ ឆ្នាំ២០២៤៕
ព័ត៌មានគួរចាប់អារម្មណ៍
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត មានគំនិតផ្តួចផ្តើមដ៏ឈ្លាសវៃបំផុតលើចលនា «យើងរួមគ្នាដើម្បីជាតិ!» ដោយបំផុស សមាជិកកាយឫទ្ធិនារីកម្ពុជា រួមទាំងបងប្អូនខ្មែរទាំងអស់នាំគ្នាដាំបន្លែ ប្រមូលផលទុកជូនវីរកងទ័ព និងប្រជាជនភៀសសឹក ()
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បើកព្រឹត្តិការណ៍បោះជំរំសមាគមកាយឫទ្ធិនារីកម្ពុជា ឆ្នាំ២០២៥ នៅភ្នំគិរីរម្យ ក្រោមប្រធានបទ “ស្វែងយល់ខ្លួនឯង ដើម្បីអនាគតខ្លួនឯង”យ ()
កិច្ចប្រជុំពេញអង្គគណៈរដ្ឋមន្ត្រីបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើពិធីសារទី៣ ស្តីពីការពង្រីកសិទ្ធិហោះហើរទី៥រវាងភាគីចុះកិច្ចព្រមព្រៀង ក្រោមកិច្ចព្រមព្រៀងដឹកជញ្ជូនតាមផ្លូវអាកាសរវាងរដ្ឋាភិបាលនៃរដ្ឋសមាជិកសមាគមប្រជាជាតិអាស៊ីអាគ្នេយ៍និងរដ្ឋាភិបាលនៃសាធារណរដ្ឋប្រជាមានិតចិន ()
ក្រសួងការបរទេស ចេញសេចក្តីប្រកាសព័ត៌មានអំពីការចុះហត្ថលេខាលើសេចក្តីថ្លែងការណ៍រួម ដោយនាយករដ្ឋមន្ត្រីកម្ពុជា និងនាយករដ្ឋមន្ត្រីថៃ នៅទីក្រុងគូឡាឡាំពួ ដោយមានប្រធានាធិបតីអាមេរិក និងប្រធានអាស៊ានជាសាក្សី ()
សម្តេចមហាបវរធិបតី ហ៊ុន ម៉ាណែត រួមជាមួយថ្នាក់ដឹកនាំ នៃបណ្តាប្រទេសជាសមាជិកអាស៊ានចុះហត្ថលេខាលើសេចក្តីថ្លែងការណ៍ ស្តីពីការចូលជាសមាជិកអាស៊ានរបស់ប្រទេសទីម័រឡេស្តេ ()
វីដែអូ